Винаријата „Ригоимпекс“ од Гевгелија располага со капацитет за производство на 15 милиони литри наливно вино, а околу 80 проценти од произведените количини се извезуваат во земјите членки на Европската унија, додека останатите се наменети за пазарите во Србија и Канада.

Сопственикот Ристо Маркулов изјави дека винаријата во последно време прави напори за проширување на пазарот во Кина за што веќе се испратени првите две цистерни со 50 илјади литри вино.

Според него, доколку извезената пратка биде прифатена од кинескиот пазар, тогаш постојаните капацитети на винаријата ќе бидат мали за задоволување на потребите на овој пазар.

http://www.plusinfo.mk/vest/42241/Rigoimpeks-izveze-50-iljadi-litri-vino-vo-Kina

 Белградска фирма, деловен партнер на Виенската берза, зад која стојат американски инвеститори сака да ја рестартира фабриката и да ги врати  отпуштените работници.

Турската компанија „Суташ“ ја купува млекарницата „Сведмилк“ за 4,4 милиони евра. Менаџментот на компанијата денеска потпиша договор за купопродажба со „НЛБ Тутунска банка“.

„Суташ“, покрај шведската млекарница, ја купува и фармата „Еуроленд“ која е во сопственост на Трифун Костовски. Планирани се дополнителни инвестиции во овие два капацитети, при што во „Сведмилк“ се планира доградба на капацитет за производство на сирење и кашкавал, а рестартирањето се очекува за 6 месеци. 

За „Сведмилк“, покрај„Суташ,“ беше заинтересирана и ЗК „Пелагонија“ во конзорциум со дистрибутерската компанија „Еуротабак,“ која понуди поголема сума од турската компанија, тешка 5,5 милиони евра.

„НЛБ Тутунска банка,“ која има хипотека врз имотот на млекарницата, пресече во полза на турската „Суташ“. Побарувањата на „НЛБ Тутунска банка“ од „Сведмилк“, се проценуваат на околу 9,5 милиони евра. Стечајот во „Сведмилк“ почна во јуни 2009 година, кога судот го прифати барањето на стечајниот управник, Богољуб Макревски, и на четворица доверители за отворање стечајна постапка.

Млекарницата стартуваше како гринфилд инвестиција, но по само 18 месеци работење отиде во стечај. Долговите се проценети на околу 35 милиони евра. Најпогодени се фармерите, нејзини кооперанти, кои не добија пари за предаденото млеко. Долгот кон нив изнесува околу четири милиони евра.

 „Суташ,“ новиот сопственик на млекарницата, се смета за лидер во турската млечна индустрија и е меѓу 66-те најголеми компании во Турција со годишен приход од околу 500 милиони долари. Дневно преработува по 2.500 тони млеко.

http://www.plusinfo.mk/vest/38942/Turskata-kompanija-Sutash-e-noviot-gazda-na-Svedmilk--

По двегодишна подготовка, реконструкција и модернизирање на производните капацитети, кон крајот на овој месец Пивара Битола повторно ќе почне со продажба на пиво кое изминативе месеци поминуваше низ процес на производство.

Во периодот од преземањето на фабриката во 2010 година до сега, за реконструкција се вложени повеќе од 10 милиони евра, најголем дел во нова опрема која овозможува мониторирање и комплетно автоматизиран процес на производство согласно европските стандарди.

Реконструкцијата на фабриката се работеше по германски проект и сега Пивара Битола поседува сопствена котлара, ново одделение за подготовка на квасец, нова врвна опрема за третман на вода од светски познатиот германски производител Беркефелд, како и комплетно нова линија за производство на транспортна амбалажа. Исто така беше извршена замена на постоечката стара амонијачна и алкохолна цевоводна инсталација, а заради високо ниво на хигиената, заменети се и водоводната и пивоводната инсталација, односно цевоводите се комплетно заменети со 10.000 метри нови иноксни цевки и 3.000 метри хигиенски вар.

Моментално во Пивара Битола се вработени 80 луѓе, меѓу кои и двајца врвни технолози со 35 годишно работно искуство, а планирани се уште 20 нови вработувања. Предвидено е годишно да се произведуваат околу 30.000 тони пиво кои ќе бидат дистрибуирани во Македонија, како и во соседните земји. Изградбата на Пивара Битола почна во 1970 година, а за прв пат беше пуштена во употреба во 1972 година кога беше во сопственост на ЗИК Пелагонија, која потоа се подели на шеќерана, квасара и пивара. Во период од две години пиварата беше во сопственост на Силекс. Во март 2000 година овој индустриски капацитет беше превземен од компанијата Кенри од Швајцарија, кога беше откупен државниот капитал од пиварницата. Од 2010 година таа е во сопственост на компанијата Марди од Радовиш, која ја купи фабриката на лицитација за два милиона евра.

http://www.plusinfo.mk/vest/36622/Po-dve-godini-rekonstrukcija-pushteni-vo-pogon-novite-kapaciteti-na-Pivara-Bitola