Да се надеваме дека ќе биде така. Сепак неодминливо се поставува прашањето зошто градската власт повторно го ангажира истиот консултант за иста работа... Задоволни се од неуспехот во првиот обид?

Унгарска компанија ќе му помага на Градот Скопје да најде концесионер за трамвајот

Унгарската компанија „Vialto Consulting“, е консултантската куќа, со која град Скопје потпишал договор за реализација на постапката за доделување на договор за воспоставување на јавно приватно партнерство за проектирање, изградба, финансирање, стопанисување и трансфер на трамвајски систем за превоз на патници во Скопје. На конкурсот пристигнала само понудата од унгарската компанија. Според договорот, унгарскиот консултант во рок од 15 месеци треба да најде соодвттен концесионер за изградна на трамвајскиот систем. Градот Скопје договорот го склучил на 21-ви минатиот месец за услугите на унграската комоанија ќе и плати околу 95.000 евра.

Изградбата на трамвајот беше еден од главните адути на градоначалникот на град Коце Трајановски на последните локални избори. Последниот тендер за избор на фирма за јавно приватно партнерство за трамвајскиот систем, пропадна. Една од причините беше тоа што на јавниот повик единствената компанија што се пријавила, Норвешкиот конзорциум ПЈ Скурдал и Метнит групација, не ги исполнила тендерските услови. Потоа градските власти решија прво да најдат консултант за изработка на проект, па потоа да се објави меѓубнародниот тендер за избор на јавно приватно партнерство за изградба на долго најавуваниот трамвајски систем.

Вредноста на инвестицијата се проценува на околу 243 милиони евра. Засега не е познато дали ќе има промена во тендерските услови. Според условите во претходниот тендер в инвестицијата со по 50 % ќе учествуваат Градот Скопје и Владата. Концесионерот е должен да изгради трамвајска линија со должина од 24 км, трамвајски станици, депоа, набавка на најмалку 22 трамвајски возила и стопанисување (вршење јавен превоз на патници) и да ја одржува трамвајската линија. Со трамвајскиот систем е предвидено концесионерот да стопанисува 35 години, а по истекот на овој период, приватниот партнер е должен предметот на договорот за воспоставување на јавно приватно партнерство со сите додатоци и подобрувања да го предаде во владение на Градот Скопје, кој понатаму ќе продолжи да ја врши дејноста превоз на патници.

Ј.С

http://faktor.mk/archives/85163

Во моментов сум во гр. Порто (Португалија) и искрено ми се плаче!

Иако бев скептичен точно за овој ЛРТ систем (или во голем дел лесно метро), сиот мој скептицизам се сруши кога видов колку добро тоа може да се направи. Градов има околу 1,3 милиона жители во својот поширок регион и има 6 метро линии, од кои пет се собираат во еден тунелски коридот низ центарот на градот. Линијата А оди околу 20+ километри надвор од градот низ предградијата. Системот навистина е одличен и токму тоа му треба на Скопје.

Очекувајте впечатоци, слики и идеи применливи во Скопје за околу 10 дена.

Edited by Andrej_LJ - 23-Sep-2013 at 00:30

Ретко се радувам на статус кво, а ова е еден од тие ретки случаи.
 
За поздрав е фактот дека одново ќе се почнува од почеток со постапката за избор на консултант за трамвајска мрежа во Скопје.
 
Во 2014 треба да се одржат редовни претседателски избори, а во 2015 треба да се одржат редовни парламентарни избори, а сето ова би требало да ги одложи уште повеќе ваквите јавни набавки, што со ваква градска/општинска/локална администрација, е повеќе од добра вест.
 
http://www.build.mk/?p=28134
 
Прво консултант, потоа нов тендер за воведување на трамвајот во Скопје
 

Градските власти пресекоа, најпрвин ќе се ангажира нова консултантска куќа, а потоа ќе се објави меѓународен тендер за изградба на долгонајавуваниот трамвај во Скопје. Огласот за избор на консултант денеска е објавен на интернет – страницата на Бирото за јавни набавки. Властите бараат субјект што ќе им дава советодавни услуги за реализацијата на постапката за доделување на договор за воспоставување на јавно – приватно партнерство за проектирање, изградба, финансирање, стопанисување и трансфер на трамвајски систем за превоз на патници во Скопје. Крајниот рок за доставување на понудите е 23 септември, за кога е закажано и отворањето на техничките понуди. Финансиските понуди ќе се отворат на датум што дополнително ќе биде закажан.   Засега нема информации колку оваа меѓуфаза во остварувањето на проектот ќе го оддолжи изборот на најповолен понудувач и почетокот на изградбата на трамвајот. Последниот тендер за воведување на алтернативен јавен превоз пропадна на крајот на јуни годинава, кога понудата на норвешкиот конзорциум „Скурдал и Метнит групација“ беше одбиена од Градот Скопје поради неисполнување на пропишаните услови на тендерот. Во проектот за изградба на трамвај треба да се вложат 240 милиони евра преку издавање на концесија на приватен партнер, кој би бил заинтересиран да инвестира и да управува со овој капитален проект. Преку моделот на јавно – приватно партнерство треба да се изгради првата трамвајска линија во должина од 12,1 километри и да се набават трамвајски возила за одвивање на сообраќајот.   # Објавено на 03.09.2013 во категорија Вести. Тагови: Јавен превоз, Виалто Консалтинг, Градска инфраструктура, ЕЦ Харис, Инфраструктура, ЛРТ / Трамвај, Скопје, Тендери и лицитации

Не ми се верува колку површно ги гледаш работиве во стилот ајде да си цртаме линии на картата. Ако викаш дека ако се прави треба да се прави како што треба (со што се согласувам), ајде тогаш кажи зошто линиите го заобиколуваат центарот наместо да го пресечат со тунели? Види каква Ѕ-форма има плавава линија тотално беспотребно, наместо право подземно низ центарот. Зарем мислиш дека твоево решение ќе биде поевтино од тунели? А си предвидел два трамвајски моста (Гоце Делчев и оној кај НБМ), што значи рушење на сегашните мостови и изградба на нови прилагодени и за трамваи, што освен вртоглавата цена ќе значи и тотално отсекување на половина Скопје за период од најмалку 4 години! Потоа никаде не ја користиш инфраструктурата предвидена во ГУПот, а имено Јужен и мостот под Калето кои би требало да се градат паралелно со некаков ЛРТ систем во Скопје.

Edited by Andrej_LJ - 28-Aug-2013 at 22:07

Мислам дека овие линии се премногу долги ,секоја од линииве (како што гледам на првата се 3 а на втората се 2) се подолги од 25км(освен плавата која е ~10км) што мислам дека реално тоа е веќе премногу долго

Имаш многу точки на вкрстување на линиите во мрежата, што според мене создава беспотребни трошоци за изградба. Зарем не е подобро да има разгранување на линиите во форма на грчката буква пси? Пример линија 1 Сити Мол - Транспортен Центар. Кај Сити Мол едниот крак ќе оди накај Влае, кајшто уште еднаш ќе се раздели (едниот за Дексион, а другиот за Волково, другиот накај Студентскиот Дом "Гоце Делчев" и Козле, а третиот накај Александар Палас и Момин Поток. Од другата страна, кај Транспортниот Центар едната линија ќе оди преку Аеродром до Ново Лисиче, втората линија преку Трета Македонска Бригада до Џеваир, а третата до Драчево. Линијата 2 сметам дека речиси е невозможно да се изведе од урбанистичкиот хаос и немањето простор кајшто треба да поминува. Е сега останува, според мене, линијата што оди накај Џеваир, да се продолжи на север, ќе ја вкрстува линијата што оди накај Ново Лисиче и ќе води кон Автокоманда, Маџари, Илинден и аеродромот .


Edited by phenomenon - 05-Aug-2013 at 19:19

Originally posted by BOJAN Дека сегашниов проект за трамвај е лош, тука апсолутно се согласувам

Значи сепак се сложуваме дека веста е добра.

Ако нешто се гради од ваков тип како што господинот градоначалник милува да каже "најкапиталниот проект во историјата на градот", секако после проширувањето на Илинденска треба да се направи на вистинскит начин. Инаку подобро да не се прави ништо. Ќе го блокираат градот и после нема назад.

Инаку не се сложувам дека Скопјани се возат со автомобили поради недостаток на трамвај. Тоа е наш животен стил и нема врска со јавниот превоз.

Да бидеме реални, станува збор за голема инвестиција, изградбата би траела со години, а тоа ќе биде само замена за автобуската линија број 5, ништо повеќе. Апсолутно ништо нема да се промени, само повисока цена и десетици трамваи плус по и така закрчените скопски булевари.

Ова не е решение, НО ќе го направат!

Edited by alexsend - 30-Jun-2013 at 11:46

Originally posted by BOJAN Јас не би се сложил дека ова е одлична вест. Алтернативата што ќе ја спроведе Град Скопје е многу едноставно-нема да се гради никаков алтернативен јавен превоз бидејќи Скопје го доживеа својот врв со двокатните автобуси. Не сум некој поборник на опцијата подобро ништо да не се гради отколку да имаме трамвај, иако ќе се сложам со досегашната документација тој не ветува алтернативна солуција за јавен транспорт на граѓаните. Во секој случај, изрично сум против градоначалничката стратегија за градење единствено на булевари и нивно проширување. Американ стајл стратегијата за мене е неприфатлива.

И јас сум против тоа да заглавиме само на двокатни циркузантски автобуси и проширување на булевари, но уште повеќе сум против тоа да заглавиме во уште подлабока кал. А плановите за трамвај такви какви што се во моментов не можат да се оценат никако поинаку освен токму како заглавување во подлабока кал. Со нивната евентуална реализација ќе се дозакрчи сообраќајот во градов. Но она што е најстрашно е што после тоа рацете ќе ни бидат врзани најмалку во наредните 30 години колку што би траела концесијата. Тоа ќе бидат 30 години на агонија за јавниот превоз и воопшто за сообраќајот во градот. Апсолутно е подобро да се одржува сегашното статус кво со надеж дека за некоја година ќе созрее свеста дека ни треба навистина издржано и ефикасно долгорочно решение, отколку набрзина да влетаме во авантура што ќе не парализира во следните три децении или повеќе. И патем да не заборавиме на фактот дека со сегашните планови се предвидени субвенции за потенцијалниот концесионер. Значи би имале катастрофално решение, кое нема да можеме да го исправиме во наредните 30 години, и кое ќе треба да го субвенционираме... НЕ ФАЛА

Ретко кој на форумов не сака современ шински јавен превоз во Скопје во форма на квалитетен ЛРТ систем, ама тоа во споредба со она што го има намислено нашата неписмена градска власт е различно како ден и ноќ.

Во даденава ситуација, секоја лоша вест за постојниот проект за трамвај во Скопје е всушност добра вест и за градот и за државава.

Јас не би се сложил дека ова е одлична вест. Алтернативата што ќе ја спроведе Град Скопје е многу едноставно-нема да се гради никаков алтернативен јавен превоз бидејќи Скопје го доживеа својот врв со двокатните автобуси. Не сум некој поборник на опцијата подобро ништо да не се гради отколку да имаме трамвај, иако ќе се сложам со досегашната документација тој не ветува алтернативна солуција за јавен транспорт на граѓаните.

Во секој случај, изрично сум против градоначалничката стратегија за градење единствено на булевари и нивно проширување. Американ стајл стратегијата за мене е неприфатлива.