Св. Климентов Универзитет на Плаошник

Нова пречка за Светиклиментовиот универзитет на Плаошник После речиси двегодишно тапкање во место откако официјално беше означен почетокот на градежните работи, Управата за заштита на културното наследство на Република Македонија го раскина договорот за реализација на проектот „Возобновување на Светиклиментовиот универзитет на Плаошник во Охрид“ со хрватската фирма „Конструктор Инженеринг“ АД Подружница во Република Македонија. Според надлежните во Управата, договорот е раскинат поради тоа што изведувачот не доставил банкарска гаранција во договорениот рок, не постапувал по забелешките на надзорниот орган и не исполнил повеќе обврски согласно со Законот за градење и други законски прописи. Меѓу нив, посочуваат од Управата, е и тоа што реализацијата на проектот не е навреме започната и тоа што тој неоправдано се одолговлекувал. Проектот кој предвидува изградба на повеќенаменски комплекс со над 20 објекти околу црквата на Плаошник го следат проблеми уште од самата најава за негова реализација. Бројот и големината на објектите беше предмет на реакции од стручната и пошироката јавност, а локалната и централната власт се препираа околу комуналиите и градежната дозвола. Подоцна проблем се јави и помеѓу изведувачот и инвеститорот, при што „Конструктор Инженеринг“ ја обвини Управата за заштита на културното наследство дека им подмнетнале несоодветен проект врз основа на кој ќе се изведуваат работите и дека договорената сума од девет милиони евра ни од далеку нема да е доволна за завршување на градежните активности.   # Објавено на 21.06.2012 во категорија Вести. Тагови: Конструктор, Културни, Образовни, Охрид, Плаошник, Свети Климентов Универзитет

http://www.build.mk/?p=16137

Универзитетот на Плаошник ќе чини многу повеќе од предвиденото

петок, 02 март 2012, 19:10

Сплитската “Конструктор инжињеринг“ ја обвини Управата за заштита на културното наследство дека им го подмнетнала тендерот за возобновување на Свети Климентовиот универзитет на Плаошник. Велат, тендерот бил без соодветен проект врз основа на кој ќе се изведуваат работите.

Од хрватската компанија која се нафати за сума од 9 милиони евра да изгради 23 објекти, за Алфа велат дека откако го потпишале договорот, всушност виделе дека се работи за идеен проект кој се однесува само на архитектурата, а не за целосно разработен основен проект, како идејно решение за целиот локалитет.

Изградбата на комплексот ќе чини далеку повеќе од првично предвидените 9 милиони евра. Од компанијата велат дека нема да започнат со работа се додека не ја договорат финансиската конструција со ресорното министерство.

Оние кои го познаваат теренот кај Плаошник, велат дека поради неговата специфичност никој од напред не може да знае колку ќе чини изградбата на комплексот. Проектот Охрид 2014-та ќе чини двојно повеќе од есапот кој првично го направија, планирајќи Свети Климентовиот универзитет да го возобноват за 20-тина милиони евра. Во контекст на ова, од “Конструктор“ велат дека по ревизијата на пректот кој го вршеле во министерството за култура се воочило дека наместо на 4 –треба да се копаат темели на 14 метри длабочина, што бара посебна технологија и многу пари.

Директорот на Управата за заштита на културно наследство Паско Кузман, пак одолговлекувањето на работите ги поврзува со проблеми кои ги имала сплитската компанија. Нему му тежи и охридскиот градоначалник кој до второстепената владина комисија ја обжали одлуката за прогласување на Плаошник за локалитет од национален интерес и си ги бара парите за комуналии кои изнесуваат нешто повеќе од 1 милион евра.

http://www.vesti.alfa.mk/default.aspx?mId=36&eventId=46870

 


Од ненормалниов градоначалник можело да има и некаква корист. Изградбата на комплексот во таква големина и форма каква што е замислена е агресија врз просторот не само на Плаошник, туку и во голем радиус наоколу. Се надевам дека нема да дочека реализација!

Датум: 14.02.2012, 16:04
ЗА KУЛТУРНИОТ KОМПЛЕKС ОПШТИНАТА БАРА 260.000 ЕВРА

Општина Охрид ја кочи изградбата на Плаошник

Сакаат да го тужат Министерството за транспорт и врски, за да плати комуналии Управата за заштита, инаку ќе го запирале градењето на Светиклиментовиот униврезитет. Па ако дадеме толку пари за комуналии, со тие пари ќе го направиме комплексот - вели Паско Kузман, директор на Управата

Општина Охрид бара 260 илјади евра за комуналии за да може да почне изградбата на објектите во културниот комплекс „Светиклименотов универзитет“ на Плаошник. Од Управата за заштита на културното наследство, која го координира проектот, велат дека сумата е огромна и дека со тие парите ќе го изградат комплексот. Од локалната самоуправа се категорични дека мора да работат според прописите, а Законот за сите бил ист. Сепак, и двете страни не кријат дека капиталниот проект стагнира поради партиски реваншизам. Носител на проектот е Министерството за култура (владејачката ВМРО-ДПМНЕ), а градоначалникот на Охрид, Александар Петрески е од СДСМ.

- Течат работите на Плаошник, ама напорно. Градоначалникот ни бара 16 милиони денари за комуналии. Сакаат да го тужат Министерството за транспорт и врски, за да плати Управата за заштита комуналии, инаку ќе го запреле градењето на Светиклиментовиот униврезитет. Па ако дадеме толку пари за комуналии, со тие пари ќе го направиме комплексот - вели Паско Kузман, директор на Управата.

Од локалната самоуправа на Охрид велат дека се раководат според Законот за заштита на централното градско јадро на Охрид, кој го подготвија Министерствата за транспорт и врски и за култура (бидејќи Охрид е заштитен од УНЕСKО како природно и културно наследство). Тие велат дека цената за комуналии е иста како и за сите други градби во Охрид, а на Плаошник се планира да бидат подигнати повеќе објекти.



Големи пари за комуналии

- Плаошник е исклучително значаен објект за локалната самоуправа на Охрид, особено за развој на културниот туризам. Проектот е во Министерството за култура и треба да биде одобрен. До нас има доставено барање за градежна дозвола, но пресметаните комунали од 16 милиони денари досега не се уплатени. Немаме право никого да ослободиме од комуналии, инаку би работеле незаконски. Охрид има долгови кон државните институции и може да се договориме за компензација. Има начини, но и тоа мора да биде официјално договорено за да го почитуваме Законот - вели Симон Илиевски, портпарол на општина Охрид.

Kомплексот треба да биде готов до 2014 година, иако кога почнаа археолошките истражувања беше најавено дека градбите ќе бидат завршени годинава.



Светски универзитети на Плаошник

Планот се одложи бидејќи се пролонгираа археолошките истражувања на комплексот. Според Kузман, на Плаошник ќе бидат изградени неколку комплекси во кои ќе бидат инкорпорирани дваесетина објекти, а сите заедно ќе формираат една голема културна целина. Во новите објекти ќе бидат презентирани и археолошките остатоци од манастирските конаци на Светиклиментовото време кои беа откриени за време на истражувањата и сите артефакти откриени на локалитетот. За да се потенцира значењето на Плаошник, зад главните објекти ќе има депанданси на светските универзитети Kолумбија, Kембриџ, Болоња и други. Среде комплексот ќе има компјутерски центар. Во близина е веќе реконструираната црква, археолошките остатоци, реконструкциите, ранохристијанските мозаици, трите базилики и полоиконхалната црква која е подолго време презентирана.

Политички пресметки

На прашањето дали обновата на Светиклиментовиот универзитет на Плаошник е жртва на меѓуполитички пресметки, портпаролот на Општина Охрид, Симон Илиевски вели:

- Локалната самоуправа на Охрид со години работи со блокирана сметка. Kаматите постојано се трупаат. Неколку пати досега сме се обиделе да земеме кредит кој имаме капацитет да го плаќаме, не ни го одобруваат. Да немаше партиски реваншизам, с` би одело многу подобро и полесно - вели Илиевски.

Весна И. Илиевска

http://www.dnevnik.com.mk/?ItemID=883CEC3FF66C4442B1402898E466121A

Originally posted by lslcrew Епа не е нивна приватна куќа, ама се стопанственици на одредено време, така да сигурно вие не сте. Обајснивц во предходниот пост, да не дрвам уште еднаш.

ама лсл, државни власти и приватен инвеститор не е исто, што не е јасно
не може властите со државниот имот да стопанисуваат ради личен кеиф и интерес, бидејќи тоа што го работат треба да носи просперитет на државата, а не да ги задоволува страстите на политичарите чисот поради фактот дека тие управуваат со целиот случај, тоа е чисто безредие во вледеењето
и државен буџет е стопанисуван од политичари, па не е тоа нивна лична плата, ако веќе така ги поставуваме работите

Originally posted by lslcrew Добар ти беше примеров со пратениците. Закони носат кои друг ги пишува правник но идејата и целта се поставува политички од политички избрани претставници. Може некој правник од лични морални причини нема да напише закон на пример за штознам нешто за што има поделени мислења како легализација на дивоградби, но политиката легитимната управа го барала тоа. Исто така и архитектурата особено онаа јавната се декларира од легитимна управа, а има архитекти кои ќе го изработат тоа. А споредбиве за добар лекар добар правник с за лицхна потреба, и секој за своја куќа може како архитект сака да си земе, ама за јавни државни проекти е различна приказната.

сакаш да кажеш дека некој јавните простори во земјава за своја лична куќа ги смета? бидејќи колку што гледам, така е...

ОК,иначе да повторам јас никогаш нема да напишам навредлив коментар,или не дај боже нешто како караница.

а за проектов,иако стално мислам дека треба да се почека да се види,овој пат мислам дека е све предимензионирано,ќе излезе целиот проект да стрчи како чир на калето кога ќе се гледа од езеро

Добар ти беше примеров со пратениците. Закони носат кои друг ги пишува правник но идејата и целта се поставува политички од политички избрани претставници. Може некој правник од лични морални причини нема да напише закон на пример за штознам нешто за што има поделени мислења како легализација на дивоградби, но политиката легитимната управа го барала тоа. Исто така и архитектурата особено онаа јавната се декларира од легитимна управа, а има архитекти кои ќе го изработат тоа. А споредбиве за добар лекар добар правник с за лицхна потреба, и секој за своја куќа може како архитект сака да си земе, ама за јавни државни проекти е различна приказната.

кој архитект?не разбирам,јас воопшто не сум ставил навредлив коментар за никого

Dave Gahan:не те разбирам за мене,во врска со кој коментар треба ....Ѓоко батали го...