Со сајла преку Водно

Според проектот, сајлата со која ќе се лета во воздух би се поставила на Средно Водно, во близина на почетната станица на жичницата

Ад­ре­на­лин­ска сајла, со која ќе се лета во воздух, може да се гради на Вод­но. Оваа идеја деновиве на градските власти им ја презентирала ан­гли­ска фирма, која со години се занимава со изведување на адреналински со­др­жи­ни.
Спо­ред проектот, сајлата би се поставила на Средно Водно, во близина на по­чет­на­та станица на жичницата. Освен оваа сајла, Англичаните понудиле на Водно да се градат и други реквизити за деца и за возрасни.
Ад­ре­на­лин­ски­от парк, како што го нарекле Англичаните, би го граделе со сопс­тве­ни средства, односно просторот да им се даде под концесија и от­ка­ко ќе ги изведат содржините, да стопанисуваат со нив.
Од кабинетот на градоначалникот Коце Трајановски велат дека немаат ни­как­ва одлука околу идејата за изградба на адреналински парк на Вод­но.
(А.А.)

http://www.vest.mk/default.asp?ItemID=BFACEFA7B04CC042B533DFD3C09ED1D9

27.09.2013  Игралиштето што се гради во Зрновци е дел од проектот на Владата за изградба на „100 повеќенаменски спортски игралишта во државата“. Интензивно се работи на негова градба и за месец и половина се очекува да биде завршено.

-Започнавме со изградба на повеќенаменското игралиште. Јас очекувам дека за месец и половина ќе биде завршено. Се работи за повеќенаменско игралиште за мал фудбал, кошарка и ракомет. Добиено е преку Агенцијата за млади и спорт. Иако беше најавувано повеќе време поради објективни причини досега не започнавме со негова изградба, но сега интензивно се работи и ќе биде завршено, рече Блаже Станков, градоначалник на Општина Зрновци.

Повеќенаменските игралишта се добиени преку агенцијата за спорт и млади и се гради на површина од 1.100 метри квадратни. Намената на игралиштето ќе биде за повеќе спортски активности, мал фудбал, кошарка, ракомет и одбојка. За реализација на овој проект се издвоени 6 милиони денари.

Т. Велкова

Мислам дека ова треба да се спомене:

 

Општината Ѓорче Петров и мотоклубот Вардар го почнаа проектот за изградба на нов мотодом на крос-патеката во селото Орман



Домот ќе биде отворен на 5 мај, на денот на трка за наградата „Скопје“

ПРВПАТ ВО СКОПЈЕ

Според општината, се работи за изградба на мотодом што ќе ѝ даде нов автентичен лик на патеката и ќе привлече многу странски туристи и љубители на мототрките.

- За оваа патека слободно можам да кажам дека е еден од најубавите мотокрос-рингови во Европа, а изградбата на новиот мотодом уште толку ќе ги потврди нејзината вредност и функционалност - вели Момо Николовски, портпарол во општината Ѓорче Петров.

Тој истакна дека моментално се врши реставрација на целата патека, а домот првпат ќе биде отворен на 5 мај, кога ќе се одржи меѓународната трка за наградата „Скопје“.

Од мотоклубот Вардар објаснуваат дека целиот проект финансиски е помогнат од општината Ѓорче Петров и Кралството Норвешка.

- За реализирање на овој проект беа потребни околу 100 илјади евра, а во тоа најмногу ни помогна Кралството Норвешка. Овој мотодом е единствениот во Македонија од ваков тип, бидејќи во него можат да кампуваат сите учесници на трките, а ќе им бидат овозможени сите услови, како за нив така и за моторите - вели Васил Николовски, претседател на мотоклуб Вардар.

Според него, се предвидува објектот да содржи две големи простории за дружење и преспивање, а исто така да ги нуди сите домашни услови како тоалети, туш-кабини, апарати за домаќинство и чешми за миење мотори.

- Доколку дозволат условите, мотодомот треба да биде пуштен во употреба на 5 мај оваа година, кога ќе се одржи меѓународната трка за наградата „Скопје“. Тоа е настан во кој ќе учествуваат натпреварувачи од многу земји, што значи дека одличната промоција е неизбежна - додаде Николовски.

http://www.novamakedonija.com.mk/NewsDetal.asp?vest=21131529126&id=14&prilog=0&setIzdanie=22795

Во скопската населба Капиштец е изградено мини игралиште за мал фудбал наменето за деца до 8-годишна возраст.

Игралиштето се наоѓа во зеленилото меѓу улиците Васил Ѓоргов и Народен фронд и е со димензии 8 X 12 метри.

Поставена е вештачка трева и заштитна ограда од метален и дрвен дел. Вештачката трева е обезбедена од „Колибри“, металниот дел од „Деко инжинеринг“, а дрвениот дел од „Лапласт“.

Општина Центар информира дека се работи за пилот проект и оти се планираат уште десет такви игралишта на повеќе локации.