А1 Арена (Спортски центар „Борис Трајковски“)

Малку вон сржта на темата, но сепак поврзано со салата.
______________________________

Најдов најава на Фејсбук страницата на хокејарската федерација на Македонија (веројатно се и официјални лица штом знаат) дека во февруари треба да им стигне монтажното игралиште кое ќе биде на паркингот пред салата (постарата вест регистрирана тука).

Се надевам барем дека ќе има можност (лесно) да се пренесува внатре во салата па затоа избрале да биде таму, впрочем и дечките што коментираат се радуваат што конечно ќе имаат место каде што ќе можат да играат хокеј 12 месеци во годината. Е сега должината на еден ринк за хокеј е 61 метар, а на ракометарски терен ~40 метри. Од сликите што ги имаме не ми изгледа дека од зад гол линијата до трибините има по десет метри од секоја страна за да собери цел ринк. Ама останува да се надеваме, и ајде со среќа нека ни е.

Сите заинтересирани за тренинг може да најдат број таму да се договорат. Мене лично ми е криво што немам можност да присуствувам на тренинзи, ќе се потрудам кога ќе бидам Скопје да ги посетам па и да се испробам. Исто, најдов една стара идеја за лого на ХФМ од alexgizh на оваа фејсбук страница

Edited by гитардемон - 21-Jan-2011 at 01:14

Колку пати е исполнета салата во Сплит после СП во ракомет?Или во Задар или Загреб?Белград ја полни кога игра нивната репрезентација кошарка,одбојка или тенис или кога игра Партизан во Евролига.Дали тоа значи дека не треба да ги има?

ПС Кај нас кога игра репрезентација во било кој спорт човек не може да дојде до карта.Се делат по партиски штабови.Доволен показател дека е мала.И убаво спомна,оваа сала е таман за утакмици од типот МЗТ Скопје-Работнички или Вардар-Металург.Таква сала за локални средби до сега немавме,се тискавме во Градски Парк,Аеродром или Кале.Сега е покомотно.

Ако е салата изградена за локални средби,тогаш е сосема во ред.

Не беше муабетот цената него големината.И зборував за старата загребска сала,а не за новата.Ама кога веќе спомна...Салата во Цеље со големина како нашата-3,5 мил ЕУР.4 трибини,поубава,тоа и е плус.Цеље-50.000 жители.

Стадиони во Австрија,Полска за 15.000 гледачи,покриени,цена околу 10-12 милиона.Нашата 17 милиона?Или веќе станаа 20?Ај размисли малку.Да бевме Словенци ќе изградевме 5 вакви сали,а не една.Меѓутоа си има луѓе задолжени за ревизија,ваљда ќе проверат зошто кај нас цените се за 5 пати поскапи отколку во Словенија-ЕУ.

ПС Арена-Белград чини 65-70 милиони.

Originally posted by pbanks Генерално, држат точките на Сале (не сите), но се работи и за тоа како човек сака да ги гледа работите. Дали чашата е половина празна или половина полна... Дека има утки со димензионирањето тоа е факт и тоа е проблем кој влече уште неколку гарнитури поназад кога се планираше објектот. Но факт е дека пред оваа сала ситуацијата беше мизерна, и Скопје немаше никаков пристоен капацитет.

Чашата не е празна до половина,празна е малку повеќе од половина.Дали тоа што до сега имавме мизерни сали значи дека треба да се задоволуваме со СЦ БТ?Па една КК Игокеа  за НЛБ Лига направи во село сала за 4.000 луѓе.Каде се Љубљана,Сплит,Загреб,Задар,Белград...Ние правиме саличе за 6.000 луѓе а еден Задар,Сплит или Љубљана направија за 15.000 луѓе.

И не е битно која гарнитура почнала со планирање.Тие работи можат да се сменат во ход.Сите сме свесни дека салата е големо промашување,дека таква сала Скопје мораше да има уште пред 20-25 години.Исто така сме свесни дека за нова поголема  сала ќе чекаме уште 25 години.Најжалосно е што сме веќе научени да се радуваме на било што,па паѓаме во несвест за нешто што во Загреб било стандард пред 40 години.Тоа што целиот проект е буквално ископиран е друга приказна...Цената на салата е исто така друга приказна.

Времето покажа дека уште од сега мора да се размислува за една нова модерна арена која ќе собира 13-14.000 луѓе.Таков објект му треба и на Скопје и на цела Македонија.

Originally posted by micko_v Во однос на тоа што го напиша Сале_СК (точка 3), има ли некакви реални шански да се конструира 4/та трибина на сметка на малата сала(којашто нема голема употребливост) , колку би чинела таа модификација и дале на тој начин би можело да се стигне до капацитет од барем 10000 гледачи?

Апсолутно дека е невозможно да се оди на тој чекор.Воедно треба и да се напомене дека четврта трибина е завршена ствар уште кога ја проектирале салата со три трибини,и тука е крај на муабетот.

Генерално, држат точките на Сале (не сите), но се работи и за тоа како човек сака да ги гледа работите. Дали чашата е половина празна или половина полна...

Дека има утки со димензионирањето тоа е факт и тоа е проблем кој влече уште неколку гарнитури поназад кога се планираше објектот.

Но факт е дека пред оваа сала ситуацијата беше мизерна, и Скопје немаше никаков пристоен капацитет.

Sale, I jas se soglasuvam

Cista bruka naj golemata arena da sobira 6000, pa sramota e toa i ne mi se veruva. Ljubljana e grad od 250,000 ziteli a imaat sala za 15,000 dushi nie na shto licime? Ke mora da se napravi kako sto treba so 4 tribina i so mnogu po golem kapacitet i toa barem duplo od ova sto go imame momentalno.

Ako celta im bese da napravat sala za 6000 trebase Kale da go renoviraat i taka veke sobira 5000, za 6000 nemase ic da bide problem i ke gi kostase mnogu po malce ovaa sala mora da bide nesto kao Zagrebacka Arena a ne tolku mala da ja napravat.

Обновата на ВИП-ложата голтна 20.000 евра

ВИП-делот на трибинскиот простор во салата „Борис Трајковски“ до крајов на месецов се очекува, конечно, да изгледа како што прилега. Импровизираните столчиња, кои повеќе од два месеца го пополнуваа уништениот дел од трибината, ќе се заменат со соодветни ВИП-столови, брендирани, кожни во жолто-црвена боја, изработени во Шпанија. За обновување на трибината управата на спортскиот центар потроши близу 20.000 евра, колку што тежи склучениот договор за набавка на 68 столчиња. Едно столче чини речиси 300 евра, што е повисока цена од набавната. Ратко Капушевски, директор на спортскиот центар, вели дека овој пат столчињата се поскапи, бидејќи нарачката е инцидента и количински значително помала од првиот пат.

„Сега едно столче ќе не' чини поскапо за околу 5 евра, но сега количината на набавката е многу мала. Само за споредба, кога се опремуваше салата, столчиња и другата опрема стасуваше со четири шлепери, а овој пат станува збор за столчиња сместени во две палети“, вели Капушевски и информира дека столчињата веќе се на пат за Македонија и се очекува нивното монтирање да заврши до крајот на месецов.

Инаку, обновувањето на ВИП-ложата беше неопходно по скопското кошаркарско дерби во кое навивачите ја демолираа речиси цела ложа, но и уште триста обични столчиња, кои управата на салата ги замени речиси преку ноќ, оти такви имаше на лагер. (Дс.Т.)

http://www.utrinski.com.mk/?ItemID=72F06E74B229894EBCF40A05EE066D09

Мислам дека цената е ок.

Концертите и кугларницата не' одржуваат во живот Ратко Капушевски, директор на спортскиот центар „Борис Трајковски“ „Комплетна реконструкција на базенот ’Младост‘ е приоритетен проект од кој граѓаните ќе почувствуваат бенефит веќе налето“ Деспина Трајковска Застана ли, конечно, спортскиот центар „Борис Трајковски“ на нозе откако почна да работи на принцип на самофинансирање? Факт е дека извесен период центарот едвај излегуваше на крај со финансиите. Но, во последнава половина од годината речиси секој месец сме рентабилни, работиме со добивки, кои иако не се големи, сепак, за нас се значајни. На пример, во ноември имавме тековни расходи од 42.000 евра, а заработивме 48.000 евра, сосема доволно за инвестирање во нови содржини. Дефинитивно, последниве месеци салата живее благодарение на концертите, но значајни се и се' помасовните посети на кугларницата и другите содржини што ги нудиме, и тоа по симболични цени, а одлични услови. Значајни се добивките од фитнес-центарот, аеробик и салата за пинг-понг. В година очекуваме уште поголема посетеност на салата поради новите содржини. Сакам да напоменам дека тие не само што ќе бидат неопходни за „Борис Трајковски“ да го зачува приматот на единствен спортски центар во државава што е неопходно да исполнува одредени норми, туку целта ни е и да придонесуваме за зголемување на нивото на спортската култура кај граѓаните, особено кај младите. Зголемената посетеност на салата од месец во месец сметам дека ја одразува желбата кај младата популација за рекреативно спортување. Од тие причини, и не планираме да ги зголемуваме цените за услугите. Кои се новите содржини што ќе ги овозможи салата в година, на кои проекти ќе се концентрирате? Тоа се картинг-патеката, која е готова и требаше да биде отворена деновиве, но се одлучивме да ја пролонгираме за в година веднаш штом ќе има соодветни услови за функционирање. Новина ќе биде и монтажното игралиште за хокеј, кое ќе биде функционално 12 месеци, како и четири тениски игралишта, проект што планираме да го реализираме во соработка со Агенцијата за млади и спорт. Како поголем и приоритетен проект што веќе е почнат со реализација, е целосна реконструкција на базенот „Младост“, кој од неодамна е составен дел на спортскиот центар. Во тек е целосна реконструкција на фасадата, која ќе биде модерна, соодветна на спортската сала, по што ќе следува и втората фаза од проектот, реконструкција на ентериерот. Ќе се изгради нов модерен систем за филтрирање на водата, ќе се постави нова изолација, а во рамките на базенот ќе има и нова содржина, сала за бокс. Нов лик ќе добие и летната тераса на базенот. Целиот тој проект чини 6 милиони евра, средства обезбедени од инвестицискиот влог на Владата во изградба на спортската сала. Очекуваме базенот да биде пуштен во употреба најдоцна до јули. Како ќе биде решено затоплувањето на базенот? Тоа беше еден од клучните проблеми за големите трошоци, имајќи ја предвид тарифата што ви ја наплаќаше „Топлификација“? Проблеми со затоплувањето, дефинитивно, нема да има ниту во базенот ниту во салата. Во завршна фаза е утврдувањето на моделот за јавно приватно партнерство преку кој ќе ја изградиме долгонајавуваната котларница. За изградба на објектот речиси ја имаме обезбедено и потребната документација. Се надеваме дека котларницата ќе биде изградена до крајот на идната година. Тоа, дефинитивно, ќе биде најекономичен систем за затоплување на целиот центар. Ќе ја реализирате ли идејата на вашиот претходник, дел од паркингот да се пренамени во автопазар што би било дополнителен извор за буџетот? Дефинитивно сум против таа идеја. Првенствено, бидејќи сметам дека би се намалил капацитетот на паркингот на салата, а истовремено дека е несоодветно таква дејност да се врши во непосредна близина на центар каде што се концентрирани спортски содржини. Се докажа дека и со сите досегашни содржини салата може да функционира, барем откако сум јас на оваа функција, од април годинава. Дали уште отсега постои интерес за закупување на салата за одржување концерти? Досега се закажани 14 концерти за в година, претежно за првата половина. Очекуваме бројката да расте. Можам да потврдам дека од овие 14 концерти повеќе од половината ќе бидат на странски музички ѕвезди. Бројката на закупените термини уште отсега ни дава простор за размислување за инвестирање во нови содржини, бидејќи факт е дека од закупувањето на салата за музички настани имаме значителни добивки. Изнајмување на салата за концерт на домашен изведувач чини 5.200 евра без ДДВ, а за странски 2.000 евра повеќе.