Парк во населбата „Точила“ - Прилеп

Започна изградбата на парк во населбата „Точила“     
9.09.2011.

На површина од 16.500 м2, во присуство на голем број жители на оваа населба беше означен почетокот на градежните активности околу ревитализација на парковска површина помеѓу колективни стамбени згради во населба „Точила”. Идејното решение за проектот е на ЈП за ПУП, а инвеститор е Општина Прилеп и ЈКП „Комуналец”. Проект за ревитализација на парковската површина помеѓу колективните стамбени згради во населба „Точила” предвидено е во себе да опфаќа три дела. Во првиот дел се предвидени три игралишта од кои две постојни игралишта за кошарка и едно ново предвидено за одбојка на песок, во средишниот дел од просторот ќе биде сместено оградено детско игралиште.


Во третиот дел е предвидена површина за одмор со дрвени настрешници и клупи, како и водени површини. За реализација на овој проект предвидено е да се инвестираат околу пет милиони денари. Паркот има улога на декоративен и рекреативен парк за прошетки и одмор. Поплочувањето на патеките помеѓу зелените површини се предвидува од бекатон плочки во комбинација со патеки од кршена керамида како поразиграно и декоративно повпечатливо решение.
http://www.prilep.gov.mk/index.php?option=com_content&task=view&id=1265&Itemid=1