Емпорио деловен центар и општинска зграда Ѓ.Петров

Уште еден СП Планет на повидок. На приземјето има Спорт Реалити, Офис Плус, некое дуќанче за оптика и голем дуќан за облека не ми текнува на брендот.
Долу е КАМот, не влегов во него гужва беше (како и во тоа за облека), LLGourmet за готвени јадења... има во најава некоја мобиљара и Зегин.
Горе по катовите (наводно, така чув) ќе имало куглана, теретана и ваљда некој кафич ама сега за сега уште ништо.
Паркинг гаражата на 2 нивоа е голема и има бајаги места. Има и ценовник: прв час бесплатно, после по 40мкд/час.

едит: ах, отпосле видов дека се наведени брендовите на е-флаерот погоре.

Edited by fichot - 18-Dec-2023 at 19:16

ГОЛЕМО ОТВОРАЊЕ KMALL - Ѓорче Петров
📆 Дата - 15.12.2023 ( ПЕТОК )
🕙 Време - 17:00
📌 Локација - Ул. Ѓорче Петров 22 ( до општината )







https://www.facebook.com/profile.php?id=61554143371372

Општина Ѓорче Петров официјално ќе го одбележи вселувањето во новата општинска зграда

Општина Ѓорче Петров и официјално на 20 септември, во реонскиот парк, ќе го одбележи вселувањето во новата општинска зграда, која се наоѓа спроти СП „Планет“, во рамки на трговскиот центра „Емпорио“. По тој повод се подготвува музички хепенинг, кој ќе се одржува во рамки на деновите на Општината од 19. до 23. овој месец.

Инаку, како што информираат општинските власти за Деновите на Општина Ѓорче Петров, кои исто така ќе се одржат во реонскиот парк, предвидени се богата музичка програма, детска програма, изложба на органска храна, настап на КУД „Глигор Прличев“, театарска претстава, филмска проекција и диџеј.

Администрацијата на Општина Ѓорче Петров почна да се сели во новата општинската зграда на крајот од мај годинава и симболично го означи тоа со садење дрвца во дворот.

Новата општинска зграда има четири ката, а на секој кат има по 15 канцеларии. Меѓу нив има и конференциски сали. Таа е изградена преку јавно-приватно партнерство со фирмата „Трансмет“ на бизнисменот Сеат Кочан, уште во времето кога беше градоначалник Сокол Митровски од ВМРО-ДПМНЕ.

Договорот за изградба на трговскиот центар „Емпорио“, во кој дел ќе биде наменет за општинската зграда на Ѓорче Петров, беше склучен во јуни 2013 година, по спроведена постапка со јавен оглас. Се предвидуваше приватниот партнер, компанијата „Трансмет“, да изгради административна деловна зграда со бруто-површина од 15.000 квадратни метри и со подземен паркинг-простор. Од вкупната површина, 24 отсто, односно 3.600 квадратни метри и 40 паркинг-места под објектот ѝ припаѓаат на Општината, а 76, односно 11.400 квадрати, на приватниот партнер.

https://www.vecer.press/општина-ѓорче-петров-официјално-ќе-го/

Администрацијата на Општина Ѓорче Петров се сели во „Емпорио“

Администрацијата на Општина Ѓорче Петров се сели во новата општинската зграда спроти СП „Планет“, во трговскиот центар „Емпорио“. Градоначалникот Александар Стојкоски информира дека со вработените веќе симболично го означиле селењето во новите простории, со што заедно хортикултурно го уредиле просторот околу општината.

– На овој начин, освен што сакаме да придонесеме за зазеленување на просторот кој е непосредно до реонскиот парк во Ѓорче Петров, истовремено целта беше да испратиме и порака за сочувување и негување на животната средина што е наш заеднички приоритет – истакна Стојкоски, додавајќи дека Општина Ѓорче Петров наскоро ќе добие нов дом и централизирана администрација која после децении, конечно, на едно место ќе ги врши сите услуги на граѓаните.

Од Општината истакнаа дека 90 проценти администрацијата е преселена и очекуваат од понеделник да почнат да функционираат нормално.

– Се уште не се случило официјалното отворање на општинската зграда. На крајот на месецов или на почетокот на јуни со настан ќе се одбележи вселувањето во новата општинска зграда – наведуваат од Општина Ѓорче Петров.

Новата општинска зграда има четири ката, а на секој кат има по 15 канцеларии, а меѓу нив и конференциски сали. Таа е изградена преку јавно-приватно партнерство со фирмата „Трансмет“, на бизнисменот Сеат Кочан, уште во времето кога градоначалник беше Сокол Митровски од ВМРО-ДПМНЕ.

Договорот за изградба на трговскиот центар „Емпорио“, во кој дел ќе биде наменет за општинската зграда на Ѓорче Петров беше, склучен во јуни 2013 година, по спроведена постапка со јавен оглас. Се предвидуваше приватниот партнер, компанијата „Трансмет“ да изгради административна деловна зграда со бруто површина од 15.000 метри квадратни и подземен паркинг простор. Од вкупната површина, 24 отсто односно 3.600 метри квадратни и 40 паркинг места под објектот припаѓа на Општината, а 76 односно 11.400 квадрати на приватниот партнер.

Иако објектот за новата општинска зграда со години е готов, поранешниот градоначалник на општината Александар Наумоски одбиваше да се пресели во неа, поради големите трошоци за опремување. Но, очигледно актуелниот градоначалник Александар Стојкоски мисли поинаку и сака општинската администрација да ја пресели во нов модерен објект. Тој потпиша три посебни договори со фирми за доизградба и опремување на општинската зграда.

https://www.vecer.press/%d0%b0%d0%b4%d0%bc%d0%b8%d0%bd%d0%b8%d1%81%d1%82%d1%80%d0%b0%d1%86%d0%b8%d1%98%d0%b0%d1%82%d0%b0-%d0%bd%d0%b0-%d0%be%d0%bf%d1%88%d1%82%d0%b8%d0%bd%d0%b0-%d1%93%d0%be%d1%80%d1%87%d0%b5-%d0%bf%d0%b5/

Дали ова ќе биде новата општинска зграда на Ѓорче Петров?



На фејсбук станицата „Ѓорче Петров“ каде се споделуваат новините и случувањата во оваа скопска општина е објавена фотографија од зграда за која неофицијално дознаваме дека ќе биде новата општинска зграда.

Дали оваа зграда ќе биде новото седиште на локалната самоуправа останува да почекаме и да видиме.

https://skopjeinfo.mk/dali-ova-kje-bide-novata-opshtinska-zgrada-na-gjorche-petrov

Дајте фотки ако има видлив напредок, вака ќе треба да ви веруваме на зборот

Има активности на објектов последниов период, а има и работници цело време.

Ја освен табла нова не гледам нешто да се работи.

Ѓорче Петров нема доволно пари да ја заврши општинската зграда

Од локалната самоуправа очекуваат по отворената стечајна постапка за фирмата „Трансмет“, со која имаше склучено договор за јавно-приватно партнерство за изградба на општинската зграда да ги наплатат своите побарувања

-Приватниот партнер од субјективни и објективни причини не беше во состојба во предвидениот рок да го изгради објектот. Делот на Општината 90 отсто е изграден, остануваат недовршени внатрешните градежно-занаетски работи, тестирање на инсталациите и опремување со мебел и друга опрема. Според последните проценки за довршување на градежните работи и внатрешно опремување на општинската зграда потребни се околу 500.000 евра за новата зграда да се оспособи и да се пушти во функција – децидни се од Општина Ѓорче Петров

Сега за сега, администрацијата на Општина Ѓорче Петров останува во стариот објект иако досега требаше да биде изградена новата општинска зграда до трговскиот центар „Емпорио“, кој заедно требаше да изгради фирмата „Трансмет“ којашто отиде во стечај.

Причината за тоа, како што велат од Општината Ѓорче Петров, е тоа што во моментов нема толку пари за да можат сами да ја доврши општинската зграда.

Оттаму очекуваат по отворена стечајната постапка во 2019 година за фирмата „Трансмет“ да ги наплатат своите побарувања.

-Во октомври 2017 година е изграден габаритот на целиот објект, но оттогаш градежните работи стагнираат. Приватниот партнер од субјективни и објективни причини не беше во состојба во предвидениот рок да го изгради објектот. Делот на Општината 90 отсто е изграден, остануваат недовршени внатрешните градежно-занаетски работи, тестирање на инсталациите и опремување со мебел и друга опрема. Според последните проценки за довршување на градежните работи и внатрешно опремување на општинската зграда потребни се околу 500.000 евра за новата зграда да се оспособи и да се пушти во функција – децидни се од Општина Ѓорче Петров.

Оттаму објаснуваат дека во согласност договорот за јавно-приватно партнерство, склучен помеѓу Општина Ѓорче Петров како јавен партнер и Друштвото „Трансмет“ ДОО Скопје, на 26. 6. 2013 година, по спроведена постапка со јавен оглас е предвидено приватниот партнер т.е. „Трансмет“ ДОО Скопје да изгради административно деловна зграда со бруто-површина од 15.000 квадратни метри и подземен паркинг простор во согласност со постојната законска регулатива за ваков вид на објекти.

-Од вкупната бруто-површина 15.000 квадратни метри, 24 проценти, односно 3.600 квадратни метри и 40 паркинг-места под објектот припаѓа на јавниот партнер Општина Ѓорче Петров, а 76 проценти, односно 11.400 метри квадратни на приватниот партнер „Трансмет“. Согласно со овој договор од самиот почеток е и утврдена сопственоста на објектите – велат од Општина Ѓорче Петров.

Општината не учествуваше со финансиски средства во изградбата на објектот туку со градежното земјиште кое е во сопственост на државата и со ослободување на приватниот партнер од надоместокот за уредување на градежно земјиште во висина од 40 проценти, односно делот од надоместокот за уредување на градежно земјиште што ѝ припаѓа на Општината.

Како што информираат од Општина Ѓорче Петров, по измените на ДУП-от од претходната владејачка гарнитура, зголемена е квадратурата за деловниот простор на „Трансмет“ преку зголемена катност, а квадратурата на општината останува иста.

-Со тоа, наместо 24 проценти од комплексот, согласно со ЈПП договорот, општината добива двојно помалку простор, а просторот на „Трансмет“ двојно се зголемува. Дополнително „Трансмет“ добива 40 проценти за комуналии -нагласуваат општинските власти.

https://www.vecer.press/ѓорче-петров-нема-доволно-пари-да-ја-за/