Неколку фотки од внатрешноста на црквата што е во процес на обнова:

До 2016-та треба да завршат конзерваторските и градежните работи за објектот повторно да се стави во употреба, на стогодишнината од неговото уништување
СЕ САНИРА ЕДЕН ОД НАЈГОЛЕМИТЕ СТАРИ ХРАМОВИ ВО ЗЕМЈАВА Нов иконостас, прозорци и врати, како и малтер на ѕидовите, недостигаат за да може повторно да се стави во функција еден од најголемите стари верски храмови во земјава, црквата „Св. Пророк Илија“ во Стар Дојран. За оваа година Министерството за култура одобрило 300.000 денари за санирање на внатрешноста на ѕидовите во црквата, а идејата е до 2016 година да се завршат неопходните конзерваторски и градежни работи за повторно да се стави во употреба, токму на стогодишнината од неговото уништување. - Сите ѕидови што се оштетени ги конзервираме и ги подготвуваме за малтерисување, кое е предвидено за наредната година. Притоа употребуваме и оригинален камен, кој го вградуваме во конструкцијата и со тоа оставаме да се види и автентичниот материјал од кој била направена црквата - вели Славица Тасева од Завод и музеј-Струмица, раководителка на проектот за црквата „Св. Пророк Илија“. Според неа, има големи оштетувања на ѕидовите, пред сѐ затоа што објектот бил напуштен долго време и со текот на времето самиот градежен материјал попуштил, како и од бомбардирањата за време на Првата светска војна. Слично како и во неколку струмички цркви, и тука ќе се постави камен-иконостас. - Иконостасот ќе биде мермерен, со оглед на тоа што најдовме артефакти за постар иконостас од оној што бил уништен во Првата светска војна. Во него ќе ги поставиме пронајдените камени фрагменти - вели Тасева. При реставрацијата во план е да се остави и дел од оригиналниот малтер на ѕидовите, со што ќе се покаже каква била градбата некогаш. Како што велат од Музејот, годинава ќе се работи најмногу два-три месеци, зависно од временските услови. Реконструкцијата на црквата почна пред 11 години, на урнатините од некогашниот импозантен храм, кој по Првата светска војна останал полуразурнат и без покрив. Неколку години се довршуваше ѕидната конструкција и се изградија нови куполи, се постави покрив, а потоа следуваше и поплочување на подот со нов мермер.  Археолошките истражувања покажаа дека тука постоела средновековна црква и трислојна некропола, слична на онаа пронајдена во струмичкото село Водоча, кои датираат од 12, 13 и од 14 век. Во ископувања беа пронајдени и гробови со добро зачувани посмртни останки. - Од она што го истраживме пред неколку години, пред сѐ пронајдовме десетина гробови, а сигурно има најмалку уште толку, кои претходно биле истражувани од диви копачи. Гробовите се наоѓале веројатно покрај црква, со оглед на тоа што најдовме доста фрагменти од фрескоживопис со богата пигментација, но остатоци од архитектура, односно од самата црква не најдовме. Беа пронајдени и накит, белегзии, монети и слично - вели археологот Зоран Рујак од струмичкиот Завод и музеј, кој пред неколку години работеше на истражувањата во оваа црква. Според него, се претпоставува дека сегашниот храм е изграден во 1848 година врз темелите на постарата црква. Тој немал фрескоживопис, веројатно бидејќи не бил целосно завршен. Црквата „Свети Пророк Илија“, на влезот на стариот дел на Дојран, заедно со градот била разурната и запалена во 1916 година, за време на Првата светска војна. Според старите фотографии, храмот бил опкружен со придружни објекти - камбанарија, која и денес постои, и конаци, како и со бедеми, кои не се сочувани. Објектот е долг 30 метри, широк 20 метри и висок десет метри. Тој има 600 квадратни метри внатрешен простор на два ката, каде што во минатото се собирале околу 600 верници. Во внатрешноста се наоѓаат таканаречени акустични стомни, кои се гледаат во самите ѕидови од црквата, симетрично подредени како по висина така и по должина. Главен архитект бил Ѓорѓе Новаков од велешкото село Папрадиште, познато по мајсторите што работеле на некои од најубавите цркви во Македонија.
Автор: Роза Шулева http://www.novamakedonija.com.mk/NewsDetal.asp?vest=72214855403&id=9&prilog=0&setIzdanie=23231

Originally posted by stratus Не е ова археолошки локалитет за да не се доградува. Напртив треба да се реконструира но со посоодветни матерјали. Оваа црква точно се знае кога е разрушена (пред околу 100години ако не се лажам)

Точно, урната е во Првата светска војна, кога борбите од Солунскиот фронт се одвивале и во близина на Дојран. Тогаш настрадало и населеното место што се наоѓало тука.

Edited by Џоле - 16-Jul-2014 at 21:37

Јас освен кровот не гледам да е нешто чепната фасадата

Edited by jyvation - 16-Jul-2014 at 17:06

Krovot veke 2-3 godini e gotov, ima posebna niška za objektot, bi bilo dobro tamu da ja zakačeš slikata....

Канческа – Милевска ја посети црквата „Св. Пророк Илија“ во Дојран

Со градоначалникот на Дојран Глигор Чабулев таа ја посети и црквата „Св. Пророк Илија“ изградена во 1848 година од македонски градители предводени од Андреја Дамјанов, а уништена во 1916 при бомбардирањето на Дојран во Првата светска војна. Археолошките истражувања кои се континуирани од 2009 година откриле дека под иконостасот на црквата имало ранохристијански камени фрагменти што укажува или дека таа лежи на постар објект или дека при изградбата во 19 век во неа биле вградени од некои околни археолошки локалитети.

Во моментов со мермерни плочи се возобновува оригиналниот под на пространата црква со цел да и се врати автентичниот изглед. Се интервенира и на столбовите со идеја објектот целосно да биде возобновен до 2016 кога ќе бидат 100 години од неговото уништување. Тогаш ќе биде оспособена и за црковни служби.

Славица Тасева од Музејот во Струмица, кој ги врши истражувањата, рече дека бомбардирањето ја нарушило нејзината архитектонска концепција.

- Имаме податоци за оригиналниот под, за изгледот на иконостасот и воопшто за црквата, така што се надеваме дека ќе ја доловиме амбиентално и конструкциски и ќе ја пуштиме во употреба. Ќе добиеме еден преубав објект кој ќе го покажува и прикажува историјатот на овој град, изјави Тасева.

Министерката Канческа – Милевска рече дека црквата има голема историска и културна вредност зашто светецот Илија е заштитник на Дојран.

- Стручните лица од Завод и Музеј Струмица во изминатиов период активно работеа на археолошки ископувања, на конзервации и реставрација на ѕидовите. Покривната конструкција е завршена, а во фаза е поставување на подот. Се работи на довршување на иконостасот и олтарот каде што ќе бидат поставени пронајдените камени фрагменти. Очекуваме за брзо време објектот да биде завршен, рече министерката за култура.

Храмот во минатото бил многу посетуван и забележан во многу патописи. Во него службувал владиката Партение Зографски, а е поврзан и со работата на просветителот и печатар Теодосиј Синаитски.

Градоначалникот на општината со околу 3.600 жители, Чабулев рече дека иницијативите со поддршка на Министерството за култура ќе го промовираат културниот потенцијал на Дојран. Таму е при крај и изградба на музеј за Првата светска војна кој се очекува да биде пуштен оваа година, а во ова туристичко место се прави и летна сцена за културни настани.

http://vlada.mk/node/3743

Димензиите се 30 х 20 метри и околу 10 метра висина.

Originally posted by kultuzin Да се надеваме дека наскоро целосно ќе ја реставрират оваа црква се работи за импозантен објект со феноменална локација и прекрасен поглед кон Дојранското езеро.

Се придружувам кон твојата надеж, но ногу бавно оде работата а и објектот е доста голем можеби затоа, досега заначи во целиот период единствено шо се направи е покривањето на храмот и поплочувањето на подот.