Македонски народен театар (Стар театар)

Нема објект генерално што не е одржлив, истото важи и за МНТ

Коментар/осврт по прилогот на веб порталот „Порта 3“ – „И ова е Скопје – дали МНТ е одржлив објект“

Во прилогот објавен на 02.12.2022 „И ова е Скопје – дали МНТ е одржлив објект“ воведниот текст со поставените прашања за несреќно избрана локација, лош проект и изведба се повод и провокација, за моја реакција.



Нема објект генерално што не е одржлив, истото важи и за МНТ, а како битни фактори за одржливоста на секој објект би ги издвоил:

- КВАЛИТЕТНО ТЕХНИЧКО ПОКРИВАЊЕ

- НАВРЕМЕНА ФИНАНСИСКА ПОДДРШКА

Но за континуираниот квалитет, добрата искористеност и одржливост на секој објект, па и на „МНТ“ потребни се повеќе чинители при секојдневната негова експлоатација. Еден од нив е имањето на квалитетен тим / служба за одржување на објектот кои во рамките на своите технички можности најбрзо и ефикасно ќе ги отстрануваат појавените технички проблеми и недостатоци.

Пример од клиниката „Жан Митрев“. Вакво ефикасно и организирано одржување функционира во оваа клиника. Службата која комплетно го обезбедува секојдневно објектот, покрај примарната задача, обезбедување, имаше и обврска да реагира веднаш на сите воочени дефекти. Помалите дефекти во рамките на нивните технички можности, знаење и опременост ги отстрануваа во најкраток можен рок, веднаш. За поголемите воочени дефекти, каде не беа во можност да направат интервенција, ги информираа надлежните и најитно се бараа стручни лица или екипи од областа на појавениот дефект. Дефектите се решаваа и отстрануваа веднаш, без да направат понтамошни поголеми оштетувања, како и поголеми финансиски одливи (случајот со МНТ).

Но, за разлика од клиниката „Жан Митрев“ кај скоро сите јавни објекти евидентен е недостатокот од квалитетни технички лица или екипи во делот на одржувањето на објектите, како и слабата и ненавремена финансиска поддршка.

Пример од објектите во Студентскиот дом „Стив Наумов“. Овој познат за јавноста објект во населба Автокоманда е под управување од МОН. По извршената комплетна реконструкција и адаптација на една од зградите, со извршен технички прием на изведените работи беше пуштена во употреба. За неполни 2 години објектот беше повеќе од 30% руиниран, оштетен особено внатрешниот простор. Голем удел во оштетувањата имаа корисниците на објектот со нивното неодговорно и вандалско однесување, но и голем дел од одговорноста сносат и лицата чија задача беше одржување на објектот.

Од наведените примери може да се констатираат две работи:

- начинот на водење и одржување на објект кој е во приватна сопственост и

- начинот и одржувањето на објект кој е во сопственост на државата.

Сега еден осврт во делот од текстот за „несреќно избраната локација“, „лош проект“ и „лоша изведба“.



Несреќно избрана локација

Наведеното во текстот за „несреќно избраната локација“ во принцип, а и од урбанистички аспект не држи. На оваа локација пред земјотресот постоеше театар генерално во истите габарити, познат како „Стариот театар“. Репрезентативен објект посебно во својот ентериер, а што е најважно долги години експлоатиран и одржлив, се до скопскиот земјотрес. Од урбанистички аспект ново стариот театар е застапен со маркица во сите стари и нови ГУП-ови.

Лош проект

Констатацијата „лош проект“ што тоа значи? Кој е критериумот дали проектот е лош или добар? Ако е лош, што е тоа што го прави да биде лош, надворешниот изглед или ентериерните решенија? Надворешниот изглед генерално е како изгледот на „Стариот театар“ со нешто зголемен габарит и нормално со дополнителни архитектонски и декоративни елементи. Пристапот и влезот во „Новиот театар“ архитектонски е подоминантен, посвечен, со влез на спротивната страна од влезот во „Стариот театар“. Внатрешното уредување и декорирање на просторот, ентериерот, е поставка која најчесто се гледа кај многу светски реномирани театри, а и ентериерот на „Стариот театар“ беше декориран во таков стил.



Лоша изведба

Ова можеби е најмногу за коментирање. Проектната документација сигурно ги поминала, редоследно, сите фази, постапки, одобренија како и ревизија од стручни лица по сите фази кои се потребни еден објект да функционира и експлоатира со што помалку недостатоци и проблеми.

Постапката за избор на изведувач, како главен носител на работите и неговите соработници по фази на изведба, сигурно е со запазена законска процедура „Јавна набавка“, со вградена аномалија која се вика „најниска изведбена цена“.

Овој единствен и основен критериум не овозможува избор на квалитетен, реномиран и докажан изведувач со меѓународно реноме. Со таа постапка се дисквалификуваат многу квалитетни изведувачи кои во своите структури имаат врвни стручни лица. Изборот на изведувач по основ „најниска изведбена цена“, градбите ги прави поскапи поради појава на многу дополнителни работи.

Изборот и вградените материјали се набавуваат со пониски цени и аналогно на тоа и со полош квалитет. Целото ова предизвикува каснење и пролонгирање на предвидените изведбени рокови за градење со уште многу други аномалии кои објектите ги носат во ваквата состојба, како што е и објектот на МНТ.



Останато

Сите прикажани пројавени недостатоци и настанати проблеми, презентирани преку приложените фотографии, во најголем дел се од областа „градежна физика“, дел од хидроизолации, како и од партерното решение за прифаќање на атмосферските води.

Ова се недостатоци кои сите знаеме дека се решаваат.

Потребно е ангажирање на стручни докажани имиња и фирми, кои се носечки во областите од „градежна физика“, во деловите хидроизолации и изведба на дренажни системи за прифаќање на атмосферските води. Сепак мора да се напомене за недостатокот од стручни лица кои се занимаваат со проблемите кои ги обработува „градежната физика“, а и тие неколку што ги има, ако ги има, проектантските фирми и изведувачите, многу малку или воопшто не ги консултираат и користат.

Денес генерално се оди на универзални, стандардни постапки и решенија (папагалски), без разлика што секој еден објект е специфика за себе и потребен е адекватен наменски технички пристап во изборот на решенијата.

Без адекватна анализа, енергетска пресметка и примена на материјали кои одговараат на потребите за конкретен објект, се гледа при секојдневна експлоатација на објектите:

- лоша звучна изолација

- лоша, без пресметки изведена термичка изолација

- занемарување на дифузните процеси

- избор на лоши и неадекватни хидроизолациони решенија.

Запазувањето на сите овие елементи од „градежната физика“ го прават секојдневното користење на објектите, пријатно и удобно.

Се ова е познато, но сепак, насловот и фотографиите како повод за овој текст, отвараат многу теми, елаборации размислувања, ангажираност и делување како не би ги гледале овие оштетувања што ги има овој објект но за жал и многу други објекти.

Автор: Дончо КАРАТУКОВ, дипл.инж.арх.

https://www.porta3.mk/nema-objekt-generalno-shto-ne-e-odrzhliv-istoto-vazhi-i-za-mnt/?fbclid=IwAR05iZFKBKQDUYrB6t7ULZQ51xitC2PIaeihm0hrNw3-8OKMJDgxhb09xRY

Се распаѓа новоизградениот МНТ



МНТ како новоградба, дела од Скопје 2014, на неколку места во внатрешниот дел изгледа како стар објект пред распаѓање а не на зграда направена пред 7 години. Покривот е прокиснат а ѕидовите се излупени.

Започна да се гради во 2007 а беше пуштен во употреба во 2013. За изградбата на МНТ беа потрошени над 37 милиони евра. Но веќе се соочува со сериозни оштетувања кои претставуваат опасност и по безбедноста на вработените.

Во главното фоаје ќе забележите заграден простор и големо буре во кое капе вода и токму овде ќе ви падне в очи првото оштетување. Според директорката на МНТ Симона Угриновска проблем кој се појавил кратко по изградбата на објектот.

-Најголемото оштетување е во главното фоаје, меѓутоа проблемот во самото фоаје е настанато од горната тераса која при самата изградба била лошо направена. Водата наместо да истекува во одводите истекуваше во самото фоаје. Тука се направи таа дупка па од безбедносни причини го заградивме тој дел.- Симона Угриновска – Директор на МНТ.

За да се избегне дополнително уништување, дел од внатрешниот декор е тргнат настрана. Но распаѓањето на зградата на МНТ е забележливо и однадвор. Видливи се оштетувањата на оградата од терасата од каде и всушност и прокапало во главното фоаје што дојде во израз изминатите неколку дена со честите врнежи од дожд.

-Сега го санираме проблемот кај главното фоаје, но се отвораат нови проблематични точки кои со тек на време ќе израснат во голем проблем. Со оваа санација е опфатена само горната проодна тераса.- Симона Угриновска – Директор на МНТ.

Летните месеци МНТ ќе ги искористи за санација на дел од оштетувањата за да може од септември со премиери и редовен репертоар да ги отвори вратите за публиката, секако во зависност од состојбата со епидемијата.

https://kanal5.com.mk/se-raspagja-novoizgradeniot-mnt/a484696

Namesto da izgradat nova moderna zgrada koja ke go otslikuva novoto vreme tie ja podignaa zgradata na srpskiot kral. Luda nacija.

МНТ ВО ЗГРАДАТА ОД 40 МИЛИОНИ ЕВРА ЈА РЕНОВИРА ТЕРАСАТА КАДЕ СЕ СОБИРА ВОДА ПОСЛЕ ДОЖД И ПРОКАПУВА ВО ФОАЈЕТО



Почна да се реновира проодната тераса на североисточниот дел од првиот кат на Македонскиот народен театар (МНТ). Станува збор за терасата кон Музејот на Холокаустот, каде се собираше вода после обилни дождови, и потоа течеше во фоајето. Таму, уште стои кофата по дождовите во 2017, сѐ додека не се заврши со санацијата.

„Во изминатите години, при обилни дождови беа предизвикувани материјални штети од протекување од терасата во главното фоаје. Се работи за зафат со кој ќе се надминат проблемите наследени од самото отворање на театарот, како и натамошното руинирање на објектот. Искрено се радуваме што есенскиот дел од сезоната ќе го започнеме во безбеден и саниран објект“, велат од МНТ.

Реновирањето ќе чини 1.2 милиони денари (околу 20.000 евра), пари кои се во рамките на Годишната програма за 2021 година на Министерството за култура.

Објектот беше отворен во 2013, и чини 40 милиони евра.

На крајот на 2017, врнежливото време предизвика алармантна состојба во културата, со проблеми со крововите кај постарите објекти, и со опасност од спој на вода и струја и протекување кај новите објекти од „Скопје 2014“ изградени покрај Вардар.

Во декември 2017, тогашниот министер за култура Роберт Алаѓозовски најави дека изведувачите, надзорните органи и стручните служби во Министерството за култура и во други министерства ќе понесат одговорност за неквалитено градење на Македонскиот народен театар (МНТ) и во Археолошкиот музеј. Тој рече и дека Министерството за култура ќе истражува кој и зошто не ги извел квалитетно градежните работи и ќе поднесе тужби за сите ситуации каде што функционирала криминалата мрежа на нестручно градење објекти.

Алаѓозовски и тогашниот директор на МНТ, Драган Спасов-Дац пред медиумите ги покажаа местата каде тече во објектот. Во фоајето, на левата страна на Театарот беше поставена огромна кофа, а просторот каде што течеше беше зграден со црвена завеса. Таму, течеше од еден од балконите, бидејќи се собира вода.

Алаѓозовски тогаш најави формирање на подкомисија на работната група на „Скопје 2014 “ која ќе се состои од градежни и машински инженери, како и од архитекти, кои треба да утврдат колку се безбедни тие објекти.

Оттогаш, во Министерството за култура дојда уште тројца министри, Асаф Адеми, Хусни Исмаили и актуелната министерка Ирена Стефоска, но никој од нив не излезе со извештај за безбедноста на објектите од „Скопје 2014“.

https://sdk.mk/index.php/kultura/mnt-ja-renovira-terasata-kade-se-sobira-voda-posle-dozhd-i-prokapuva-vo-foajeto/

Originally posted by ironm Идеално решение е да се постави знамето на Кутлеш врз покривот од театаров за да не одбрани од сите идни дождови, стално ќе е сончево на тој начин. Не знам зошто на ниеден вистински Македонец ова не му текнало досега. Во однос на подрумските прозори што ги бетонирале -  доволно било да стават една библија на секои 33 прозори бидејќи Македонија е спомната 33 пати во библијата, па ќе сме биле спасени од потопот, но сега е веќе доцна па прозорите се осквернавени. Во случај на некакво зрачење од штекер поради вода во инсталацијата единствено што можам да препорачам е да го послушаме Зелениково како најупатен во темата.Исто така се согласувам со Давид, како секој вистински Македонец треба да размислуваме само од денес до утре и да го закрпиме Титаник - до наредната санта мраз.

Originally posted by ironm Идеално решение е да се постави знамето на Кутлеш врз покривот од театаров за да не одбрани од сите идни дождови, стално ќе е сончево на тој начин. Не знам зошто на ниеден вистински Македонец ова не му текнало досега. Во однос на подрумските прозори што ги бетонирале -  доволно било да стават една библија на секои 33 прозори бидејќи Македонија е спомната 33 пати во библијата, па ќе сме биле спасени од потопот, но сега е веќе доцна па прозорите се осквернавени. Во случај на некакво зрачење од штекер поради вода во инсталацијата единствено што можам да препорачам е да го послушаме Зелениково како најупатен во темата.Исто така се согласувам со Давид, како секој вистински Македонец треба да размислуваме само од денес до утре и да го закрпиме Титаник - до наредната санта мраз.

Не би да се спуштам на твое ниво очигледни ви се обидите на тебе и на другар ти да испровоцирате одредена реакција ама за жал нема да ја добиете,само би ти кажал дека не те бива за цинизам,како и за ништо во животот што не те бива,ама тоа веројатно го знаеш веќе сам.

Идеално решение е да се постави знамето на Кутлеш врз покривот од театаров за да не одбрани од сите идни дождови, стално ќе е сончево на тој начин. Не знам зошто на ниеден вистински Македонец ова не му текнало досега. Во однос на подрумските прозори што ги бетонирале -  доволно било да стават една библија на секои 33 прозори бидејќи Македонија е спомната 33 пати во библијата, па ќе сме биле спасени од потопот, но сега е веќе доцна па прозорите се осквернавени. Во случај на некакво зрачење од штекер поради вода во инсталацијата единствено што можам да препорачам е да го послушаме Зелениково како најупатен во темата.

Исто така се согласувам со Давид, како секој вистински Македонец треба да размислуваме само од денес до утре и да го закрпиме Титаник - до наредната санта мраз.

Кој спомна укинување на институцијата МНТ

Причина плус за целосно отстранување на Скопје 2014. Подобро да се сруши отколку постојано да цица пари за одржување и исправање на ужасов.