Проблеми со водоснабдување и водоводи (општо)

САНАЦИЈАТА Е ПРИ КРАЈ, ПУШТЕНА Е ГЛАВНАТА ЦЕВКА И ЗА НЕКОЛКУ ЧАСА СКОПЈЕ ЌЕ ИМА ВОДА, ВЕЛАТ ОД „ВОДОВОД“

Пуштена е водата во главаната водоводна цевка во Скопје и за неколку часа ќе има вода во домовите, велат од ЈП „Водовод и канализација“. Од претпријатието информираат дека активностите се во завршна фаза односно поправени се дефектите кај Порта Влае, мост Обединети нации и на булевар Партизански одреди во Карпош 4, за што беше потребно затворање на главната цевка.

Во моментов се работи на завршување на последната постапката за реконструкција на затварач Ф700 на улица Никола Парапунов.

„Овој зафат се одвива независно од останатите и за него не е неопходно затворање на главниот довод. Затоа полнењето на главната цевка веќе е започнато и се очекува притисокот да се стабилизира за неколку часа“, велат од ЈП „Водовод и канализација“.

Од Институтот за јавно здравје апелираат граѓаните да не ја пијат веднаш водата по нејзиното пуштање во водоводната мрежа зашто контактното време на резидуалниот хлор и водата во мрежата може да потрае и до 1 час. Може да се очекува водата за пиење по пуштањето во водоводната мрежа да ја промени бојата, добие невообичаен мирис, да има видлива заматеност или евентуално ситни зрнца или песок.

„Непосредно после доаѓањето на водата во водоводните цевки во домовите, потребно е да се испуштат сите чешми во домот да истечат неколку минути, па да се провери дали органолептичките својства се во ред, па дури потоа да се пие. Најдобро е во текот на првите часови после пуштањето на водата во водоводната мрежа, граѓаните сè уште да консумираат пакувана вода, сè до добивањето на известување од јавното претпријатие дека водата е исправна и безбедна за консумација“, велат од Институтот за јавно здравје.

https://sdk.mk/index.php/dopisna-mrezha/sanatsijata-e-pri-kraj-pushtena-e-glavnata-tsevka-i-za-nekolku-chasa-skopje-ke-ima-voda-velat-od-vodovod/?fbclid=IwY2xjawHTjBRleHRuA2FlbQIxMQABHZgya3KThxEu_KQMEGe8UCY15srUlSeMCJjrdFV8MTVgJsmCFrc42JNZtQ_aem_QdmOuznn12RE3fhrpcZWqA

На 21 декември „Водовод и канализација“ ќе го затвори главниот градски цевковод за да санира дефект во скопски Карпош 4

Главниот градски цевков, додаваат од Претпријатието, ќе биде затворен до завршување на интервенцијата

Јавното претпријатие „Водовод и канализација“ на 21 декември ќе го затвори главниот градски цевковод Ф1600мм што се наоѓа во кругот на касарната во скопската населба Ѓорче Петров. Причина за затворањето, како што велат оттаму, е санирање на дефектот поради кој неколку дена има излевaње на вода на улицата „Никола Парапунов“ во населбата Карпош 4.

Главниот градски цевков, додаваат од Претпријатието, ќе биде затворен до завршување на интервенцијата.

Од „Водовод и канализација“ велат дека имаат изготвено сложен оперативен план за санација, а покрај оваа локација опфатена е поправка и на уште три дефекти на затварачи по должината на главниот цевковод Ф1600мм и тоа на потегот од кружниот тек во Ѓорче Петров до раскрсницата на булевар „Партизански одреди“ со улицата „Никола Парапунов“.

„Затвoрање на вода на главниот градски вод Ф1600мм се прави еднаш на педесет години, а последно такво затварање било во 1991/1992 година за реализација на водоводен приклучок на бунарското подрачје Лепенец. За решавање на дефект од овој тип се изготви оперативен план со кој поефикасно и побрзо ќе се санира истиот“,се вели во соопштението од „Водовод и канализација“.

Со реализацијата на овој зафат, покрај тоа што се врши санација на овие дефекти, од Претпријатието велат дека дирекно ќе се намали и загубата на вода од нивно протекување и ќе се овозможи ревитализација на потегот од Ѓорче Петров до Карпош.

„Системска промена на пет децении стари затварачи и рехабилитација на хидротехничката опрема е потребна со цел зголемување на трајноста на водоводната мрежа и подобрување на нивото на притисок во водоводната мрежа. Со воспоставувње на зони како адекватен метод за контрола на загубите на вода се овозможуваат услови за значително редуцирање на времето потребно за санација на дефекти, а овој зафат е дел од фундаменталната стратегија во намалување на загубата на вода во водоводниот систем“,додаваат од „Водовод и канализација“.

https://360stepeni.mk/na-21-dekemvri-vodovod-i-kanalizatsija-ke-go-zatvori-glavniot-gradski-tsevkovod-za-da-sanira-defekt-vo-skopski-karposh-4/

(ВИДЕО) Кој ја мати водата во Струмица



https://360stepeni.mk/video-koj-ja-mati-vodata-vo-strumitsa/

(ВИДЕО) Струмица останува без пивка вода и со неизвесност до кога



https://360stepeni.mk/video-strumitsa-ostanuva-bez-pivka-voda-i-so-neizvesnost-do-koga/

Пукната цевка кај МКЦ остави без вода за пиење голем број домаќинства



https://kanal5.com.mk/puknata-cevka-kaj-mkc-ostavi-bez-voda-za-pienje-golem-broj-domakjinstva/a616644

ТЕТОВЧАНИ, НАЗДРАВЈЕ: Од денес на сила шест часовни рестрикции на вода!

Во Тетово од денеска ќе има привремен прекин во водоснабдувањето секојдневно по вкупно шест часа поради рестрикциите што ги воведе јавното комунално претријатие. Причина е дефектот на филтрите во пречистителната станица на новиот водоснабдителен систем.

-Недостатокот на вода е резултат на дефект на филтрите од пречистителната станица на изворите во Лешница, кои што моментално се надвор од употреба. Принудени сме да превземеме рестриктивни мерки за водоснабдување според следниот распоред- во временски интервал од 12:30 до 15:30 часот и во временски интервал од 01:00 до 04:30 часот. Бараме разбирање за оваа непријатна ситуација во овие ограничени временски периоди на водоснабдување, информираат од ЈКП Тетово.

Од ЈКП Тетово истакнуваат дека нивните работници работат на надминување на техничките проблеми.

https://www.faktor.mk/tetovchani-nazdravje-od-denes-na-sila-shest-chasovni-restrikcii-na-voda

Постои ли законски минимум на притисок што водовод мора да го исполни? Последниве години притисокот на Исаија Мажовски во Хром е во големо опаѓање, поготово со сите нови згради што се градат на таа улица стана катастрофален. Дали може законски да се реагира кон водовод да го зголеми или останува на секој да се снаоѓа?

(ВИДЕО) Живот без вода на петнаесетина километри од Скопје



https://360stepeni.mk/video-zhivot-bez-voda-na-petnaesetina-kilometri-od-skopje/

Ќе остане ли Куманово без вода за пиење? Кумановски „Водовод“ не плаќал струја, му го раскинале договорот

Опции се снабдување од универзален снабдувач и од снабдувач во краен случај, но ако јавното претпријатие е неликвидно и не може да плаќа прашање е дали некој ќе превземе обврска да плаќа за да може Куманово, најголемата општина во Македонија, да се снабдува со вода за пиење

Општината со најмногу жители во Македонија се соочува со ризик во догледно време да остане без вода за пиење. Вода има, но општинското комунално претпријатие „Водовод“ го изгуби својот снабдувач заради тоа што не ги плаќал сметките за вода. Договорот за снабдување со електрична енергија кумановски „Водовод“ го склучи на 1 март годинава и неговата вредност за набавка на струја беше еден милион евра без ДДВ.По само неполни 6 месеци соработка ЕДС, најдобриот снабдувач избран на тендер, одлучил да го раскине договорот со кумановски „Водовод“, а причината е нередовното плаќање на сметки.

Договорот уредувал „Водовод“ струјата да ја плаќа по просечна месечна цена која е постигната на ХУПЕКС берзата за струја во Унгарија. А на таа цена за својата услуга и покривање на своите трошоци ЕДС би пресметал 22,5 отсто маржа. Договорот требало да важи до искористување на износот од 1 милион евра или надолго 12 месеци од неговото склучување.

Компанијата за снабдување го раскинала договорот и во својот одговор до „Фактор“ наведува дека ги исцрпеле сите можности за соработка со “Водовод“ и било неминовно да донесат таква одлука. При тоа објаснуваат дека за „Водовод“ на располагање се опциите да биде снабдуван од универзалниот снабдувач или од снабдувачот во краен случај.

„Фактор“ побара информација и став и од кумановскиот градоначалник Максим Димитриевски и доколку добиеме известување ќе го објавиме во целост.

Еве го интегралниот текст на одговорот од компанијата ЕДС:

„ЕДС АД Скопје (Energy Delivery Solutions) е компанија која што веќе 10 години постои на македонскиот пазар и која што постојано работи по највисоки професионални и корпоративни стандарди обезбедувајќи квалитетно и непречено снабдување со енергија за своите клиенти.

За да обезбедиме непречено снабдување со енергија особено во ситуација кога цената на електричната енергија се менува од час во час, а ЕДС АД Скопје истата ја плаќа однапред, континуитетот на снабдување за целата балансна група (сите наши клиенти заедно) зависи и од ажурноста со која што клиентите ги подмируваат своите финансиски обврски согласно договорите за снабдување со електрична енергија.

Така кога некои од нашите клиенти ќе се соочат со сериозно задоцнување во прашање се доведува стабилноста на целата балансна група и ЕДС понекогаш доаѓа во ситуација кога поради неподмирени обврски на дел од клиентите се загрозува и снабдувањето со електрична енергија на останатите клиенти кои уредно и навремено ги сервисираат своите обврски. Нашата компанија има целосно разбирање за предизвиците со кои што се соочуваат сите деловни субјекти во енергетска и во финансиска смисла и кога ќе дојдеме во ситуацијата некои од клиентите да се соочуваат со проблеми при подмирувањето на своите обврските, ние работиме со нив да најдеме начин како соработката да продолжи, а клиентот да има непречено снабдување, особено кога се работи за клиенти чија примарна дејност е давање услуги кон граѓаните и домаќинствата.

Во таков случај, на клиентите им нудиме олеснување на обврските, односно подмирување на долговите на рати. Но, за жал понекогаш доаѓаме во ситуација во која што за да ја заштитиме целата баланса група и стабилноста во снабдувањето, принудени сме да ги искористиме законските решенија за раскинување на договорот и прекин на испораката кон некои од клиентите. Во секој случај, на овие клиенти секогаш им останува опцијата да бидат снабдувани од страна на Универзалниот снабдувач, односно Снабдувачот во краен случај, во зависност од нивниот законски третман, односно дали се или не се мали потрошувачи. Самиот прекин на испораката од страна на ЕДС АД Скопје не значи дека тие потрошувачи ќе останат без електрична енергија.

Затоа, апелираме до сите наши клиенти и до јавноста дека разумното користење на електричната енергија и навременото подмирување на обврските е клучно за стабилноста на системот и снабдувањето со енергија во денешните дадени услови.

https://faktor.mk/kje-ostane-li-kumanovo-bez-voda-za-pienje-kumanovski-vodovod-ne-plakjal-struja-mu-go-raskinale-dogovorot

ДРАЧЕВО И ДОЛНО ЛИСИЧЕ ОД ВЧЕРА СЕ БЕЗ ВОДА, ОД „ВОДОВОД“ ВЕЛАТ ПУКНАТА Е ГОЛЕМА ЦЕВКА, ВО ТЕКОТ НА ДЕНОТ ДЕФЕКТОТ ЌЕ БИДЕ РЕШЕН



Од синоќа населбите Драчево, Усје, Долно Лисиче како и другите приградските населени места од тој дел на Скопје се без вода. Пукната е цевка со профил Ф600 на улица Борис Трајковски, а како што велат од ЈП „Водовод и канализација“ дополнително се појавиле и дефекти на спојките, па затоа потребно е подолго време да се санира дефектот.

„Екипите работат цела ноќ, очекуваме во текот на денот водоснабдувањето да биде стабилизирано. Кога почна да се копа ровот за санација на цевката која пукна беа откриени уште неколку дефекти на спојните делови на цевката, а како резултат на сложеноста на теренот каде се работи и видот на дефектите, санацијата продолжи во текот на целата вечер и денешниот ден. Во моментот екипите на ЈП Водовод и канализација – Скопје го санираат четвртиот дефект“, велат од ЈП „Водовод и канализација“.

За граѓаните кои живеат во тој регион, обезбедени се 2 цистерни со питка вода и уште 2 цистерни со техничка вода. Цистерни ќе циркулираат и низ населените места каде има прекин на водоснабдувањето и за задоволување на потребите на училиштата и градинките.

https://sdk.mk/index.php/dopisna-mrezha/drachevo-i-dolno-lisiche-od-vchera-se-bez-voda-od-vodovod-velat-puknata-e-golema-tsevka-vo-tekot-na-denot-defektot-ke-bide-reshen/