АДИССДП - Комерцијални згради

Градиме станови по реални цени, поприфатливи за македонскиот стандард

Акционерското друштво за изградба и стопанисување со станбен и деловен простор (АДИССДП) почна со продажба на комерцијални станови по многу пониски цени од оние што ги нудат приватните градежни фирми, но истовремено се градат и социјални станови за ранливи категории семејства. Какви се очекувањата од ваквите проекти, поразговаравме со генералниот директор на АДИССДП, Марјан Стефановски.

*Дивеат цените на пазарот на недвижности, а Владата одлучи преку изградба и продажба на државни станови да ја намали цената на станбениот квадрат за 30 до 40 проценти. Уривањето на цените го почнавте од Битола. Кажете ни кои се следните градови каде што ќе се градат комерцијални станови?

– Во моментов, во фаза на градба е комерцијална зграда во градската четврт Даре Џамбаз, кај Стара воена пекара, Скопје. Објектот има 112 станбени единици кои беа продадени веднаш, по само два јавни повика, што само по себе зборува за огромната заинтересираност на купувачите. Покрај почетната цена од 1.450 евра за квадратен метар, дополнителен показател за довербата на граѓаните во АДИССДП е и високиот квалитет на градбата кој е впрочем и препознатлив елемент кај сите наши згради.

Исто така, започната е изградба на комерцијална станбена зграда во Битола која ќе има 65 станбени единици. Јавноста веќе е запознаена дека цената ќе биде за 30 до 40 проценти поевтина од онаа на пазарот во моментов, односно почетната цена ќе изнесува 1.000 евра за квадратен метар. Во овој град е предвидена градба на уште еден станбен објект со вкупно 60 станови.

Дополнително, АДИССДП ќе гради две комерцијални згради во Охрид со вкупно 130 станбени единици. Тендерската постапка за едниот објект е веќе во тек, а за втората се очекува наскоро да почне. Според „Годишната програма за изградба, продажба и одржување на станбен простор во сопственост на РМ“, која е во фаза на донесување, предвидено е и проектирање на комерцијални станбени згради, и тоа во Штип, Битола, Скопје и во Велес.

*Градењето станови очигледно е еден од најпрофитабилните сектори за инвеститорите, а за граѓаните можност да ги вложат своите заштеди во сигурна инвестиција. Логиката вели, побарувачката ги диктира цените на становите. Што мислите, дали е ова оправдано, или пак, сметате дека има и други фактори што ја определуваат цената?

– Се согласувам дека веќе извесен период се соочуваме со експлозија на цени на недвижностите. Секако дека побарувачката го диктира порастот, но време е да се стави крај на неконтролираното дивеење на цените од страна на приватните градежни фирми. Со нашите инвестиции ќе направиме сè за соодветно и во вистинска смисла да го регулираме пазарот на недвижности, нудејќи реални цени на становите кои не само што ќе бидат многу поприфатливи за македонскиот стандард, туку и ќе им помогнеме на младите семејства да обезбедат покрив над глава, тука во нашата држава, наместо иднината да ја бараат во странство. Притоа, треба да го имаме предвид фактот дека стабилизирањето на цените не зависи само од нас, туку и од други параметри. Меѓу основните се и се поскапата цена на работната рака, но и постојаното варирање на цените на градежните материјали.

*Вие како прв човек на АДИССДП, како ја оценувате куповната моќ на граѓаните?

– Сметам дека ова прашање е многу посоодветно за институциите што вршат статистички анализи. Сепак, повеќе од јасно е дека цената на станбениот квадрат не соодветствува со стандардот на македонските граѓани кои сè повеќе се одлучуваат за долгорочни станбени кредити кои секако дека во голема мера влијаат врз нивниот семеен буџет.

* Дали на пазарот на недвижности има неквалитетни станови?

– АДИССДП единствено може да го оценува квалитетот на сопствените градби. Нашиот висок стандард е гарантиран и обезбеден со континуиран надзор и редовни контроли од страна на инженери вработени во Друштвото кои имаат соодветни овластувања за сите фази од изградбата, но и од страна на надлежните институции, меѓу кои е и ИЗИИС. Токму безбедноста и високиот квалитет се и меѓу причините поради која граѓаните одлучуваат да го купат својот стан од нас, што секако дека ни дава мотив, но и одговорност да продолжиме во оваа насока.

*Очекувате ли со поевтини државни станови да се повлијае врз работата на градежните фирми да не размислуваат само на сопствениот профит?

– Најавените засилени инвестиции во изградба на комерцијални станбени згради се во насока на намалување на цената на станбениот квадрат, а со тоа и на неконтролираниот раст. Оттука, за вистински да ја оствариме улогата на коректор на цената на станбениот квадрат, нам ни е потребна изградба на поголем број комерцијални станбени згради, но затоа ќе ни треба одреден временски период. Нашите планови е да се наметнеме како посериозна конкуренција на приватните инвеститори.


Освен со градење и продажба на комерцијални станови, АДИССДП гради и социјални станови, а стопанисува и со деловен простор. Кажете ни нешто повеќе за тоа?



– Пред неколку денови доделивме клучеви за социјална зграда во Кочани, која во иднина ќе биде дом на 35 семејства од социјално ранливите категории граѓани. Во наредниот период станбени единици од овој тип ќе бидат распределени и во Велес и Дебар. Во моментов социјални згради се градат и во скопските општини Бутел и Сарај, како и во општината Прилеп, а во тек е јавна набавка за избор на изведувач во Штип, со што го заокружуваме Проектот Ф/П 1674 во рамки, на кој е опфатена изградба на 32 станбени згради. Сите се лоцирани на целата територија на државата што е во согласност со заложбата за порамномерен просторен развој и во извесна мера изедначување на станбениот стандард. На илјадници лица од социјален ризик меѓу кои самохрани родители, инвалидни лица, деца без родители, лица со оштетен вид, корисници на социјална помош, припадници на Ромската заедница кои се загрозени и останати ранливи категории, успеавме да им овозможиме покрив над глава и чувство на вистински дом.

АДИССДП располага со деловни простории, од кој дел е даден во владение од страна на Владата, а дел е стекнат преку изградба на станбените згради што се изградени од страна на нашето Друштво. Лоцирани се на територијата на целата држава. Нивната продажба или закуп се одвива транспарентно, преку објавување на огласи во јавните гласила и по пат на електронско јавно наддавање во согласност со Законот за продажба и давање под закуп на деловните згради и деловните простории на РМ и Правилникот за условите, начинот и постапката за издавање под закуп на деловен простор со кој стопанисува АДИССДП.

https://www.vecer.press/gradime-stanovi-po-realni-czeni-poprifatlivi-za-makedonskiot-standard/

Originally posted by Erol Здраво дали се заврше со карабина и покрив во ЈУЖЕН БУЛЕВАР ВО СКОПЈЕ?

Карабина завршена се работи на ѕидарија...денешен апдејт

Достигната предвидената висина

https://www.facebook.com/photo?fbid=600341019017164&set=pcb.600345689016697

Nesum od Skopje zato mi e problem, plus i imam zelba vo ova na adsdp.
da ve zamolam ako mozete ako imate vreme da slikate do kade e so gradbava(ako ste blisku)

Greshka ste bidejki ucestvuvav za 44m2 i vo to vreme mi beshe planot do 1800 m2 a pomalite stanovi se prodadoja po 2100em2, od toj den pratam i za skoro ista cena 2200e m2 mi e ponuden pa zato se dvoumam.

Originally posted by Erol Koja cena se prodade stanovite i dali e vredno mestoto?

Ништо лично, но не ве разбирам.
Прв пост фебруари 2024.
Прво јавно наддавање, во јануари 2024 понудени 70 станови можеби еве сте го промашиле. Ништо.
Второ јавно наддавање, во јули 2024, понудени 45 станови. Ништо.
Трето јавно наддавање 5 понудени станови, ноември 2024. Не ви е атрактивно.

Кога лично сте можеле да учествувате, не сакате. Наредно ви нудат стан, од некој кој го препродава уште со нестекнато право. Тогаш сакате. Ова е доказ дека ужасно се губи поентата на ова претпријатие и на овие станови.

Становите се продаваат од државно јавно претпријатие кое треба да регулира станбен пазар, а во реалноста на секој втор му се дозволува да го понуди на продажба, уште со нестекнато целосно право. Уште еден доказ дека фирми и луѓе купуваат и ги нудат на луѓе како вас за да остварат профит.

Сега вам ви е понуден стан, само пребележан во катастар, кој не е исплатен од првиот сопственик бидејќи плаќањето се врши на транши. Затоа ви потенцираат фаза карабина. Тогаш се врши плаќање. Стан сеуште во сопственост на АДСДП, стан кој нема имотен лист бидејќи е во градба. Ова мора да го регулира државата, не смеат овие станови да се оттуѓуваат и да бидат плен на препродавачи.
Прв оглас

Втор оглас

Трет оглас

Edited by koktelbar - 15-Nov-2024 at 14:54

Зошто некој би ти понудил, веројатно не од добра волја. Ако добро разбирам, повеќе сакаш да купиш од препродавач иако без проблем сам можеш да учествуваш на аукцијата од АДСДП?