Булевар Илинден

Пробивањето на „Илинденска“ до Ѓорче Петров останува нереализиран проект на хартија



Во изборната програма со која победи на локалните избори актуелниот градоначалник ветуваше дека Градот Скопје ќе го продолжи булеварот „Илинден“ до Ѓорче Петров и со тоа жителите на оваа скопска населба ќе бидат поврзани со остатокот од градот. Скопскиот градоначалник е на крајот на својот мандат, но овој проект се уште не е започнат.

„Обиколницата на градот Скопје е изградена за да го релаксира сообраќајот во градот, но до ден денес не се постигнати очекуваните резултати. Една од основните причини е нејзината оддалеченост и нејзината непристапност од повеќе локации на градот. Пробивањето на булеварот „Илинденска“, со мост над реката Вардар, кон „Ѓорче Петров“, и поврзувањето со обиколницата, ќе обезбеди нејзина поголема искористеност. Жителите на населбите „Даме Груев“, „Ново село“, „Кисела Јабука“ и Волково, во рамките на општината „Ѓорче Петров“, ќе се поврзат со општината Карпош и полесно сообраќајно ќе комуницираат со центарот на градот и со неговите содржини. Сите граѓани имаат право да бидат поврзани„, стои во програмата на градоначалникот.

На оваа тема деновиве анализираше и „Вистиномер“ кој е сервис за провери на факти.

Две години по доаѓањето на градоначалничката функција Шилегов се откажа од пробивањето на „Илинденска“. Тој во декември 2019 година изјави дека „пробивањето на „Илинденска“ е возможно само ако Градот најде пари – што е многу тешко, да се направи висечки мост долг 350 метри, а тоа пак, нема економска логика поради постоењето на бунарите на Лепенец, се вели во нивната анализа.

Деновиве и опозициската ВМРО-ДПМНЕ го критикуваше Шилегов дека не го исполнил ветувњето за пробивање на „Илинденска“ кон Ѓорче Петров.

„Овде требаше да поминува продолжувањето на булевар Илинден, и да завршува кај обиколница, тука нема ништо, реагираше Ирена Попова, советничка во Советот на Град Скопје од редовите на ВМРО-ДПМНЕ.

Таа додаде дека Шилегов ветувал решавање на сообраќајниот метеж кој се создава на влезот во Скопје кај Сарај со изградба на нов кружен тек, изградба на голем железнички надвозник во населбата Даме Груев и поврзување на велосипедските патеки со Вардар и реката Лепенец со останатите во градот. Шилегов ветувал и нови велосипедски патеки на жителите на Ѓорче Петров, Даме Груев и Волково.

Скопјани и ѓорчепетровци добија само ветувања од Шилегов и ова се сведе само на лаги, заклучи Попова.

https://skopjeinfo.mk/probivanjeto-na-ilindenska-do-gjorche-petrov-ostanuva-nerealiziran-proekt-na-hartija

Ако не грешам сите бунари се наоѓаат во засегнатото подрачје - бунарите Лепенец се на западниот брег на Вардар, а бунарите Нерези се на источниот, со што сите се теоретски загрозени од изградба на мостов.

На сајтот на Водовод ја најдов оваа информација:

Главни објекти на системот за производство и за дистрибуција на вода за Град Скопје се: изворот Рашче, бунарските подрачја Нерези и Лепенец, хлоринаторски станици, препумпни станици, хидрофори, резервоари и водоводна мрежа. Потребите за вода за Град Скопје скоро во целост се обезбедуваат од изворот Рашче кој се состои од две Каптажи Рашче 1 и Рашче 2, со вкупен инсталиран капацитет од 6 м3/во секунда односно 6000 литри/во секунда. Поради енормната потрошувачка на вода во летниот период и покрај обилниот капацитет на изворот Рашче може да се појави потреба од активирање на бунарските подрачја Нерези и Лепенец. Бунарското подрачје Нерези се состои од 4 (четири) бунари, кои се со капацитет од 0,76 м3/во секунда. Бунарското подрачје Лепенец се состои од 3 (три) бунари, кои се со капацитет од 0.69 м3/во секунда.

Значи:

Извор Рашче 6 m³/s   односно 80,5 %
Бунари Нерези + Лепенец 1,45 m³/s   односно 19,5 %


Ова не е мал процент што се обезбедува од бунарите, но треба да се земе во предвид дека се активирале по потреба само во летен период, а и дека таа вода сигурно не е со ист квалитет како водата од Рашче.

Останува и прашањето за тоа колкав и каков ризик за овие бунари претставува мостот... Дали веројатноста за последици е занемарлива/мала/голема? А во случај на последици дали би се очекувале ограничени ефекти или катастрофални нарушувања?

Во секој случај со бунарите не треба да се играат играчки, ниту да се прават легалистички акробации, преседани и slippery slope, што можат во други случаи да ни се треснат од глава многу посилно (ова во контекст на предлогот на user8642). Но мислам дека има добра алтернатива и треба да се обидеме да обезбедиме услови во кои заштитата ќе се тргне по нормален пат, а истовремено да се елиминира ризикот дека ќе се загрози водоснабдувањето на Скопје. Еве ја во кратки црти идејата:

Обичен мост чии темели потенцијално би ги загрозиле бунарите би чинел неколку милиони евра. Висечки мост со распон од 350+ метри би чинел многукратно повеќе. Проценкиве се многу груби, но јасно е дека разликата е огромна и дека се движи во десетици милиони евра. Во рамките на оваа разлика имаме простор да изиграме паметно - од една страна да се обезбеди цврста основа за укинување на првата заштитна зона, а од друга страна да не влегуваме слепо во огромна инвестиција за висечки мост кој најверојатно воопшто не е потребен.


Имено, ПРВИОТ ЧЕКОР e да се најде и испроектира квалитетно алтернативно решение за бунарите Лепенец/Нерези, кое ќе може да се изгради во разумно брз рок. Дали ќе бидат тоа некои други бунари, дали ќе се зафаќа вода од некои извори и рекички во скопскиот регион, дали ќе биде некава акумулација, или нешто 18-то, тоа не знам но сигурно има кој знае. Скопје е опкружено со планини, дури и „Мокра Планина“ (што не за џабе се вика така) ни е во дворот, така што опции има. Во рамки на разликата на чинење помеѓу обичен и висечки мост (а претпоставувам и значително помалку од тоа) сигурно може да се најде решение кое ќе обезбедува:

- барем 1,45 m³/s
- барем 3-4 месеци во годината
- барем со ист квалитет како бунарите Лепенец/Нерези.


ВТОРИОТ ЧЕКОР би се направил кога Градот ќе биде финансиски спремен да ја обезбеди сумата потребна за реализација на алтернативното водоснабдително решение. Таа сума тогаш, како еден вид гаранција за водоснабдувањето, би се инвестирала во најбезбедни можни финансиски инструменти (lowest risk & lowest rate of return). Врз база на таа гаранција, би се укинала или модификувала заштитата на бунарите, а на терен би почнала изградбата на обичен мост. Ситуацијата со издашноста и со квалитетот на водата од бунарите Лепенец/Нерези највнимателно би се следела. Мостот би го добиле многу порано отколку некаков висечки мост. Доколку во даден временски период не се јават проблеми со бунарите, тие ќе си останат во функција, а Градот ќе си ги повлече парите што стоеле како гаранција (чиста заштеда во случајов), па со нив ќе може да се финансираат други проекти.

Проектот за водоснабдителната алтернатива би останал како бонус, спремен да се реализира во брз рок ако некогаш се јави потреба при некакви околности (значително зголемување на потребите за вода во иднина, или намалување на издашноста на Рашче ради климатските промени и слично).



Во најлош случај - ТРЕТ ЧЕКОР. Доколку при изградбата на обичен мост се регистрираат загрижувачки параметри кај бунарите, со парите од „гаранцијата“ веднаш би почнала реализацијата на спремниот проект за алтернативно водоснабдување. Не сум стручен, но и во најцрно сценарио сигурно нема да мора бунарите преку ноќ сите и целосно да ги отпишеме, па се што би требало да се направи е решението за алтернативата да може да биде изводливо во рамки на некој претходно пресметан „грејс-период“ што би го имале во најцрното сценарио. Дури и во овој случај, веројатно ќе имаме солидна заштеда на финансии (во споредба со изградба на висечки мост), а бунарите Лепенец/Нерези сепак ќе останат како извор на вода, бидејќи ако се наруши квалитетот па дури и издашноста, сепак ќе може таа вода да се искористи за други намени.



Ова што го предлагам може и да се модифицира, да се прилагоди... Можеби може ситуацијата да се реши и по некој друг, подобар пат. Но важно е никако да не се избрзува со заклучок дека мора да се гради висечки мост и после да го чекаме 30 години и да го платиме цело богатство. Комарец на ѕид може да се утепа и со базука, ама не е баш најдобар начин... Нека најдат подобра алтернатива!



Edited by Cloverstack - 25-Jan-2021 at 03:05

Originally posted by Staro Skopje До каде точно е заштитена зона, може ли малку повеќе да се помести мостот на југ за да се избегне?

Прва заштитна зона се површините со портокалови граници:



извор:
https://www.moepp.gov.mk/wp-content/uploads/2015/01/PURS_LEPENEC.pdf

Висечки мост од 350 метри би чинел колку, 80 милиони евра? И 50 да е, пак е многу.

Ако изградба на обичен мост никако не влијае на изворите, туку само е таму некаде во некоја си зона, најдобро би било законски да се дозволи неговата изградба, но многумина би се бунеле, а би било и лош преседан. Прашањето може и на референдум да оди.

Во секој случај прво треба да се оформи остатокот од сообраќајната мрежа, па после да се види дали и како да се гради мост тука.

Шилегов рече дека Словенија ќе оди до Волково, што значи дека на среден рок, при работа на локалната власт внатрешниот прстен ќе се изради 4/5 (веројатно до ул. Лука Геров), а Илинденска во целост со исклучок на сегментот од ул. Марк Твен до ул. Никола Парапунов. Ако подоцна се изгради и од Твен до ул. Ацо Шопов Љубљанска би можела да биде супститут, но сообраќајот би барал мост и тука, особено со АСНОМ и селење на Клинички во Ѓорче, но не е итно сега да се бара решение.

До каде точно е заштитена зона, може ли малку повеќе да се помести мостот на југ за да се избегне?

Тешко ова во нашиот животен век Да не го зборувам моментот со железничката во Ѓорче после тоа, па едно стотина експропријации, па што не има тука

Edited by Cloverstack - 08-Oct-2018 at 21:05

Што и да е потребно мора да направат. Глупаво е градски булевар да звршува вака слепо. Сигурно е спако но исто така е и корисно и од некаде мора да почнат.

Па и не баш мислам дека булеварот продолжува по течението на Лепенец а ги одбегнува куќите кој се на спротивната страна на сликава, едино мислам дека има два објекта на трасата токму после мостот на пресекот со улицата (мислам марк твен) да ми се отвори синтезниот план и ќе погледнам поубаво во ГУП.

Decki, znae li nekoj za koga se planira povrzuvanje na Ilindenska s
o Volkovo t.e. Obikolnica?


Edited by cako - 17-Feb-2014 at 23:10

ќе послужи како shortcut на недисциплинираните возачи на кои нема да им се чека на семафор... прашање на време е кога ќе се случи ова (се случува на семафорите кај воена болница)