Проблем со диви паркинзи во Скопје

ВИДЕО+ФОТО | Див паркинг кај Народната Банка: „Ничија земја“ за надлежните, бесплатна опција за возачите







Близу зградата на Народната банка на Македонија, веднаш до пешачката патека и патеката за велосипеди, досетливите скопјани пронајдоа парче земја под ничија надлежност, кое од поодамна има улога на импровизиран „див паркинг“, видлив за сите граѓани, но нерешлива загатка за надлежните.

Проблемот со паркирањето, постојано актуелен за скопјани, е присутен насекаде низ градот, а особено во строгиот центар на градот. Справувањето со него, според центарци, се врши или со менување на типот на транспорт – автобус, електричен мопед или велосипед, а некои, пак, изнаоѓаат креативни паркинг-места и „црни дупки“ за кои надлежните немаат решение.

Ваква „црна дупка“, скопјани пронајдоа веднаш до Народна банка на Македонија, во населбата Маџир Маало, каде што на неозначена ширинка веќе подолго време можат да се забележат непрописно паркирани автомобили, кои ја покриваат зелената површина и се во непосредна близина на пешаците.

До „Слободен печат“ пристигнаа фотографии и видеа од случајни минувачи каде што се забележува импровизираниот „див“ паркинг лоциран зад автобуските постојки наспроти „Веро Џамбо“, каде што веќе подолг период се паркираат повеќе од 30 автомобили дневно.

Екипа на „Слободен печат“ отиде на локацијата и повторно таму забележа десетици паркирани возила, а според минувачите, веќе подолго време луѓето практикуваат да си ги паркираат автомобилите на овој простор. Возачите дури успеале да направат алтернативен излез од овој паркинг, кој директно ја сече велосипедската и пешачката патека во должина на тротоарот, загрозувајќи ја безбедноста и на велосипедистите и на пешаците.

Од Општина Центар велат дека не се надлежни за овој проблем и нè насочија кон службата на ПОЦ, која според нив е одговорна за овој див паркинг.

Пративме прашања до службата на ПОЦ за тоа дали се запознаени со тоа што се случува на тој простор и зошто не ги казнуваат сопствениците што непрописно ги паркираат своите возила, но оттаму не добивме конкретен одговор околу начинот на кој ќе се справат со овој див паркинг или, пак, дали имаат добиено поплаки од граѓаните. Оттаму тврдат дека оваа област во Маџир Маало не е во нивна надлежност, туку во надлежност на Општина Центар или Град Скопје.

Никоја од овие институции не ни даде конкретен одговор околу надлежноста и начинот на санкционирање на овие возачи во иднина, а очигледно е дека и полицијата ретко навраќа таму. Штом нема казнувања, има големи шанси оваа „ничија земја“ уште долго да продолжи да служи како бесплатна паркинг-опција за скопјани во центарот на главниот град, со што секојдневно ќе ја узурпира зелената површина и се загрозува безбедноста на минувачите.

https://www.slobodenpecat.mk/videofoto-div-parking-kaj-narodnata-banka-nichija-zemja-za-nadlezhnite-besplatna-opcija-za-vozachite/

ВЛАДИНАТА ЗГРАДА БЛОКИРАНА ОД ДИВ ПАРКИНГ, НЕМА ПРИСТАП НИ ЗА ПЕШАЦИ, А КАМОЛИ ЗА ПОЖАРНА ИЛИ БРЗА ПОМОШ



Пешачката улица до зградата на Владата, која води до кејот на реката Вардар, е див паркинг и никој со години не го решава проблемот.

На улицата и во зеленилото кое е дел од дворот на Владата секој ден се паркирани возила, едно зад друго, без никаков ред, блокирајќи се меѓу себе. За да не плаќаат паркинг, вработените во Владата и во околните фирми се паркираат буквално во дворот на државниот објект.

Од многуте испаркирани коли едвај може да помине пешак. Нема простор за мајки со колички и за лица со инвалидски колички. До владиниот објект и до околните куќи не може да пристапи ни Пожарна ни Брза помош.

Од Владата велат дека ги разгледуваат сите проблеми со државните објекти и бараат решенија.

„Владата посветува особено внимание на објектите, особено во делот на одржување и нивно инфраструктурно унапредување. Во моментов се прави анализа на состојбата за горенаведените прашања. По утврдување и изнаоѓање на соодветно решение ќе ја информираме јавноста“, ни одговорија од Владата.

https://sdk.mk/index.php/dopisna-mrezha/vladinata-zgrada-blokirana-od-div-parking-nema-pristap-ni-za-peshatsi-a-kamoli-pozharna-ili-brza-pomosh/

60 денари за еден час паркинг во кал – Општина Центар ќе наплаќа за паркирање во близина на ПС „Пролет“



До неодамна бесплатен, од пред неколку денови на оваа локација која се наоѓа во непосредна близина на полициската станица „Пролет“ со одлука на јавното претпријатие „Паркинзи на Општина Центар“ беше воведено зонско паркирање и оваа локација беше пренаменета во платен паркинг.

Граѓаните на социјалните мрежи реагираат дека станува збор за незаконска одлука, гневни за фактот дека јавно претпријатие наплаќа паркинг за локација која не е соодветно наменета и уредена за таа цел. Тие бараат реакција од Град Скопје и Министерството за внатрешни работи.

Скопје Инфо побара став од општинското јавно претпријатие, за причините за оваа одлука и дали за истата е спроведена согласност од Министерството за внатрешни работи. Од таму велат дека тие не стопанисуваат со конкретната локација и дека таблата не е поставена од нивна страна.

https://skopjeinfo.mk/60-dena-za-eden-chas-parking-vo-kal-opshtina-centar-kje-naplakja-za-parkiranje-vo-blizina-na-ps?

Ставаме крај на непрописното паркирање во Општина Аеродром, работиме на подигнување на безбедноста на граѓаните и ги чуваме парковите и зелените површини. За таа цел, денеска беше поставена заштитна ограда околу новиот сквер во непосредна близина на училиштето „Блаже Конески“.
🅿️ Локацијата која претходно служеше како див паркинг и на која се злоупотребуваше јавниот простор, по барање на граѓаните од неодамна е пренаменета во парк и простор за забава и релаксација на граѓаните од овој дел на Аеродром.
‼️ Изминатиот период во неколку наврати бевме сведоци на отстранување на заштитните столпчиња од страна на несовесни граѓани. Апелираме до сите граѓани да ги почитуваат законите и правилата, бидејќи на тој начин се придонесува кон заштитата на децата, но и грижа за животната средина и нашето опкружување.



https://www.facebook.com/photo/?fbid=352806647299857&set=pcb.352808013966387

кај Мајчин Дом,имаше најави дека ќе се среди ова но сеуште нема ништо...(од фб)

И тој кружен тек и улица прашање е дали некогаш ќе се реализираат.Може со децении да се вртат по детални планови и ништо да не испадне.

Тука е планиран кружниот тек.

ДУП

По тоа кај се паркираат автомобили на вакви диви паркиралишта може самите општини и Градот да утврдат каде требаат нови паркинг-места, преку монтажни паркинзи и сл. Не е квантна физика.

Edited by skopskodete - 08-Jul-2022 at 11:52

Кај ФФМ во Ново Лисиче(од фб)

https://www.facebook.com/groups/vozduhsega