Милениумски Крст

ХРИСТИЈАНСКИОТ СИМБОЛ СО НОВА СОДРЖИНА

Милениумскиот крст доби лифт што ќе вози и по краците

Возењето ќе се наплаќа, но цената на билетот допрва ќе
биде одредена

Милениумскиот крст на Водно доби лифт. За десетина дена тој и официјално ќе биде пуштен во употреба. Лифтот се карактеризира со тоа што освен вертикално ќе се движи и хоризонтално по краците. Возењето ќе се наплаќа, а средствата ќе бидат наменети за одржување на овој објект. Цената на билетот допрва ќе биде одредена. Станува збор за долгонајавуваниот панорамски лифт, кој требаше да биде монтиран уште пред неколку години, но остана нереализиран поради немање голем број проблеми со неговата набавка.Лифтот, објаснуваат од Фондацијата за изградба на Милениумскиот крст, е монтиран на средина на објектот, а со него посетителите ќе може да пристигнат до платформата на краците на крстот.

НЕМА ОПАСНОСТ ОД ГРОМОВИ

- Останува да се постават плочките на платформата на подножјето од каде што ќе тргнува лифтот, па и официјално лифтот да биде пуштен во употреба и за посетителите. Тој ќе биде предизвик за похрабрите што ќе сакаат да одат до краците - изјави Благоја Дојчиновски, претседател на Фондацијата. Висината на лифтот од подножјето до платформата изнесува 43 метри. Дојчиновски вели дека во него ќе може да се возат по осум лица. Дециден е дека возењето во лифтот е безбедно. Извршен е технички прием на лифтот, а за да го испробаат во него веќе се возеа членовите на Фондацијата изјавиДојчиновски.За оголемабезбедност, Фондацијата купила и нов громобран заради решавање на проблемот со громовите што често предизвикуваат прекин во напојувањето со електрична енергија и хаварии врз објектот. Лифтот чини 45.000 евра, а купен од грчката фирма „Доплер“. Монтажата ја извршила фирмата „Емо“.

КРСТОТ ПОД КОНЦЕСИЈА

Осветлувањето, вели Дојчиновски, кое со години беше проблем, веќе не е, бидејќи Фондацијата редовно ги плаќа сметките кон ЕВН-ЕСМ. Останува во иднина да се уреди околината на Милениумскиот крст, да се изгради хотел во негова близина, црква, како и жичницата што треба да поаѓа од трговскиот центар „Рамстор“ и да води до самиот крст.Засега, постојат заинтересирани инвеститори за жичницата, од кои двајца македонски, но и двајца од странство, меѓу кои и австриската фирма „Лајтнер“.Ние треба во иднина да решиме дали објектот ќе го издаваме под концесија. Би сакале да најдеме концесионер, кој ќе го изгради сето тоа и потоа ќе стопанисува со објектот, за да може конечно објектот да го добие вистинскиот лик-сметаат од Фондацијата.Според Дојчиновски на тоа се решиле бидејќи Градот се откажал од тоа да ја преземе обврската за одржување на крстот. Од Градот, пак, тврдат дека тоа не е точно.Не е вистина дека Градот одбил натаму да се грижи за Милениумскиот крст. Напротив, се согласивме понатаму да ја преземеме обврската за одржување на крстот, да се доизгради и уреди околниот простор, но тоа не го дозволија претставниците од Фондацијата . Доколку дозволеа, преземањето на крстот би се ставило на дневен ред на Седницата на советот на Град Скопје - изјавија од градското одделение за односи со јавноста.

Анела Перова
Фото:Слободан Ѓуриќ