Возен парк (ЈСП - ЛАЗ)

Јавното сообраќајно претпријатие, денеска официјално пушти во употреба 17 нови нископодни автобуси и еден двокатен автобус кој ќе сообраќа на линијата 15А од населбата Ново Лисиче до Карпош 4.

При првиот промотивен круг со даблдекерот, ја имавме ексклузивната можност да направиме интервју со директорот на ЈСП, Мишо Николов .

-Колку автобуси се пристигнати досега и уште колку треба да пристигнат на скопските улици?

Со денешната промоција 17 нископодни автобуси и промоцијата на 15-те автобуси пред два месеци, вкупно имаме 32 нископодни едноспратни автобуси и денеска промовираме еден двокатен. Од утре ќе сообраќаат вкупно 33 нови автобуси.

-Кога целосно ќе биде реконструиран возниот парк на Јавното сообраќајно претпријатие?

Следниот месец очекуваме уште 20 нископодни автобуси, а до крајот на јули ги очекуваме останатите, вкупно 80. Со почетокот на есента, во септември и октомври месец, очекуваме пристигнување и на 67 двокатни автобуси. Со тоа ќе се обнови возниот парк на Јавното сообраќајно претпријатие.

-Најавивте изедначување на цената на возните билети за градските и приградските автобуски линии. Колку ќе чинат билетите?

Досега имавме една градска и три приградски зони. Приградските зони претставуваа проблем за нас, затоа што патниците мораа да внимаваат до која зона патуваат и каков билет да вадат. Најчесто тие грешеа во вадењето на билет, намерно или ненамерно, па затоа дојдовме до идеја дека подобро е да има само една градска и една приградска зона, со што би се олеснила работата на контролорите, а и на патниците. Со тоа добиваме еден градски и еден приградски билет кои купени во возило ќе чинат исто, но градскиот билет ќе биде поевтин купен во билетара или надвор од возилото.

-Дали ќе поевтинат месечните билети?

Цената на месечните билети засега останува иста, но согласно движењата на цената на нафтата и намалувањето на нашите трошоци, можеби ќе се намали во иднина.

-Како граѓаните се однесуваат кон новите автобуси, дали се регистрирани штети?

Ние сме позитивно изненадени, очекувавме да има повеќе штети на новите автобуси. Граѓаните ги почитуваат и чуваат новите автобуси. Се надевам дека таа динамика ќе продолжи и во иднина и нема да имаме оштетување.

-Со оглед на тоа дека автобусите се со посовремена технологија, дали возачите се обучени?

Возачите се обучени, имавме интензивна обука на 15 возачи од страна на производителот. Сега овие 15 возачи ги обучуваат останатите. Подготвени сме со персонал за да ги користиме новите автобуси.

-Каков бенефит ќе имаат граѓаните од новите автобуси?

Бенефитите се неколкукратни. Најнапред пристојна атмосфера за патување, поголема сигурност дека автобусот ќе се појави, затоа што досега за старите автобуси не бевме сигурни дали ќе излезат, бидејќи многу често се расипуваа. Овие автобуси се бенефит и за животната средина, бидејќи се со ЕКО 4 и ЕКО 5 мотори, што значи минимално ја загадуваат животната средина. Со еден збор голем број на бенефити.

Пуштањето на автобусите е преседан во ЈСП кое како претпријатие постои од 1947 година.

Директорот, Николов посочи дека новите автобуси не се само привилегија за вработените во Јавното претпријатие, туку се и сериозна обврска која им се доделува со цел граѓаните да имаат пристоен јавен превоз.

http://kurir.mk/makedonija/intervjua/26398-Novi-avtobusi-poevtini-ceni

додека да ги добиеме сите автобуси, првите автобуси кои сме ги добиле ќе застарат...

Originally posted by zabegan зошто мораше да биде баш типот на автобуси кој ни е највеќе потребен

    Зарем мислиш дека 4(четири!) зглобни автобуси ќе го решат проблемот? Не можат една линија да покријат.

    По се изгледа дека двокатните ќе пристигнат побргу отколку ЛАЗ-овите.

пред два дена на автопат во Србија, нешто пред Чупруја, сретнав три црвени ЛАЗ автобуси упатени накај Скопје. За жал, немам фото бидејќи возев :-)

Почитувани новинари,

крајно време е својата професија да ја сфатите озбилно и кон неа да се однесувате како кон вокација наместо како кон хоби. Ви се обраќам на овој начин затоа што знам дека ја читате оваа нишка. Впрочем последните ваши статии пренесуваат голем дел на шпекулациите кои произлегоа од неа. Како најочигледен пример ќе ја наведам бројката на нарачани автобуси од страна на украинската влада за потребите на EURO 2012. Пишувате дека се нарачани 1000 автобуси, податок кој го изнесе нашиот член BKV (на претходната страна од нишкава). Тоа не е точен податок. Украинската влада има нарачано 1500 автобуси и 500 тролејбуси (извори: официјален youtube канал на ЛАЗ и Украинско радио).

Навистина ли ви е тешко да се јавите во ЛАЗ и да ја добиете втората страна од приказната? Ви текнало ли да побарате копија од официјалниот договор помеѓу македонската влада и ЛАЗ? И да не ви го дадат, вие сте тие кои најповеќе треба да го користат Законот за пристап до јавни информации. Не ли ве интересира дали и колку платија од ЛАЗ за првото доцнење? Која е сумата која се обврзани да ја плаќаат за наводното ново доцнење? Сигурни ли сте дека вината е кај нив?

Ме радува што црпете информации од форумов но наместо да ги претставувате како шпекулации обидете се да ги проверите.

Поздрав.

Прееска поминав низ битпазар и видов еден од новите ЛАЗ-ови како гори ,за малку сите патници ке изгореа ,среќа некој извади боца од некаде и ја изгасна ,автобусот го знаете кој е тој со ознаките на Т-МОБИЛЕ.

Страотни и горки моменти доживеале вчера патниците на еден од новите украински автобуси, кога од возилото одеднаш почнале да излегуваат огнени пламени, во делот кај моторот.
Дефектот се случил на Бит-пазар, при што автобусот запрел, а патниците во паника почнале да излегуваат од Лазовецот.
Директорот на јавното сообраќајно претпријатие, Мишо Николов, истакна дека автобусот едноставно прегреал и оти нема повредени патници, како ни штета на возилото.

Уште од самиот почеток новите украински автобуси кои почнаа да сообраќаат на скопските улици ги бие малер. Јавноста беше изненадена од неквалитетната изработка поради што се појави ‘рѓа на каросеријата во делот каде што се тркалата, неколкуте судари за кус период и најновото прегревање на моторот што предизвика мало опожарување на возилото. Останува да видиме дали другите Лазовци ќе ги издржат африканските лета во Скопје и голготата по вжештениот асфалт.

http://www.time.mk/read/NONE/abd7bd7e0b/index.html

Originally posted by sanos_a тоа што прегреал моторот е крив само возачот и никој друг затоа што пред него има инструменти за следење на работната температура на моторот,  а не  е до автобусот

Како и во другите случаи нанесената штета на возилата се во голем дел од човечка природа, каде што возачите го држат највисокиот удел.
Правата обука и чувството за одговорност за чување на општото добро (автобусите платени со парите на граѓаните) на возачите е од најголема важност. Колку ове две работи се исполнети во работата на ЈСП можеме да видиме од досегашните штети создадени врз новите автобуси.

12 години вршам увиди на пожари и тврдам дека исправен мотор неможе да се прегрее до степен да предизвика пожар барем не на градска вожња,може да скува водата но пожар,не.причината нека ја бараат на друго место.ако е од прегревање,тогаш се работи за проектанска грешка(пр.ферари 458 италиа).сигурно не добро заптивало некое црево или дихтунг,па фрлало масло на грана и дошло до пожар.како и да е главниот проблем е
ЗДЕЛАНО В СССР

сепак, не смее само да се префрла одговорноста на шоферот и да се преќути и продолжи, имало градови кои по такви дефекти сериозно размислиле за тоа колку автобусите кои ги купиле им одговараат, кај нас само се забаталува работата