Агрокор (Агрофруктус) - Струмица

Откупен центар во Струмица и агроберза во Кочани Хрватскиот гигант Агрокор во Струмица ќе гради откупно-дистрибутивен  центар со пропратни содржини. Фирмата ќерка „Агрофруктус“ ДОО – Валандово е избрана за најповолен понудувач на наддавањето за 99-годишен закуп на земјиштето со површина од  52.815 метри квадратни. Со договорот закупецот се обврзува дека  предвидениот објект  со деталниот урбанистички план „Дел од УЕ 6 Урбан Блок 9 Струмица“ ќе го изгради  во  рок  од 3 години. Агрокор од поодамна најавува инвестиции во Македонија. Во Кочани пак, се подготвува изградба на агроберза. Тамошната локална самоуправа и холандската компанија „Go 4 Agri“ неодамна потпишаа договор за нејзина реализација, како и за откуп и за пласман на раноградинарски производи и за користење на геотермални води. Во тек е подготовка на урбанистичка документација  за просторот од околу 210.000 метри квадратни на кој треба да никне агроберзата со пропратните објекти.

http://www.build.com.mk/?p=1901

Edited by Cloverstack - 14-Feb-2010 at 11:05

Пролетва се очекува да почне изградбата на „Агрокор“

Струмица подготвена за „Агрокор“

За изградба на целокупната инфраструктура за отворање на првата агроберза во регионот и во Македонија, Општина Струмица ќе потроши вкупно 77,2 милиони денари од локалниот буџет.

Најголем дел од градежните работи се веќе завршени, а помал дел се во финална фаза, така што уште во текот на летото хрватската компанија „Агрокор“ може да почне со изградба на откупно-дистрибутивниот центар за земјоделски производи.

- За изградба на водоводна мрежа и на систем за фекална и атмосферска канализација инвестиравме 35 милиони денари, за улица и тротоари 24 милиони, за бетонски мост од 15 метри вложивме 14,5 милиони, за улично осветлување 1,7 и за експропријација на земјиштето 2 милиона, или вкупно 77,2 милиони денари. Сега веќе нема никакви пречки да почне изградбата на првата агроберза во земјава, која треба на подолг рок да им ги реши проблемите на земјоделците од Струмичко и од останатите региони во југоисточниот дел на Македонија околу откупот и пласманот на зеленчук и на други земјоделски производи - вели градоначалникот Зоран Заев.

Дистрибутивниот центар ќе се гради на површина од 50 хектари, а само градежните објекти ќе зафаќаат околу 11.000 квадратни метри затворен простор. Агроберзата ќе располага со најсовремени мерни уреди, разладни комори, калибратори, хали за пакување и транспортни системи за прифаќање и дистрибуција на 30.000 до 50.000 тони ран и индустриски зеленчук годишно.

Најмалку една третина од производството на домати, пиперки, краставици, зелка, бостан и на други градинарски производи од овој регион, преку широката дистрибутивна мрежа на „Агрокор“, ќе се пласираат не само на хрватскиот туку и на европските пазари.

http://www.dnevnik.com.mk/?ItemID=3B1A699BFACF964DAAE1F33829E4E26C

Струмица подготвена за агроберзата

По четири години ветувања струмичките земјоделци конечно ќе можат полесно да се справат со најголемиот проблем - пласманот на нивните производи. Изградбата на агроберзата на хрватски „Агрокор“ влегува во завршна фаза. Деновиве на предвидената локација за изградба се завршени сите работи за уредувањето на потребната инфраструктура, а земјоделците во тоа гледаат можност за организиран пласман и откуп на производството.

- Свесни сме дека со отворањето на агроберзата ќе се зголеми конкуренцијата кај трговците, а со тоа ќе се зголеми и цената на нашите производи - вели Ристо Велков, од задругата „Агросојуз“ од село Василево.

За изградба на целокупната инфраструктура за потребите на првата агроберза во Македонија, општина Струмица вложи над 77 милиони денари. Најголем дел од градежните работи веќе се завршени, а помал дел се во завршна фаза. Изградени се водоводна мрежа, систем за атмосферска и фекална канализација, улици и тротоари, бетонски мост и улично осветление. Од општината очекуваат по средувањето на документацијата хрватски „Агрокор“ да почне со изградбата во почетокот на септемвриц.

- „Агрокор“ доби локација од општината. Деновиве го очекуваме главниот проект од Хрватска, кој треба да биде доставен кај нашите проектантски фирми, кои мора да го преведат и треба да го достават до Општината. Во почетокот на наредниот месец треба да биде ставен камен-темелникот на агроберзата - вели градоначалникот, Зоран Заев.

Агроберзата ќе се гради на површина од 50 хектари, а градежните објекти ќе зафаќаат околу 11 илјади квадратни метри. Агроберзата ќе располага со најсовремени уреди, разладни комори, калибратори, хали за пакување и транспортни системи за прифаќање и дистрибуција на педесет илјади тони ран и индустриски зеленчук годишно од Струмичкиот регион.

http://www.dnevnik.com.mk/?ItemID=1D00160953F9204FBF7AB1E47B69BBF0

1


2


3


4

Се гради откупниот центар на Агрокор во Струмица

http://www.sitel.com.mk/dnevnik/biznis/se-gradi-otkupniot-centar-na-agrokor-vo-strumica

За долго најавуваниот откупно-дистрибутивен центар за земјоделски производи, односно агроберзата во Струмица, која забрзано ја гради Хрватската компанија „Агрокор“ ќе бидат бидат инвестирани околу девет милиони евра.

Комплексот се очекува да биде готов до почетокот на летото и веќе во годинашнава градинарска сезона, со откуп на околу 30 илјади тони зеленчук и овошје, да реши барем дел од проблемите поврзани со откупот и пласманот на зеленчук во регионот.

- Струмичката Агроберза ќе се простира на површина од околу осум илјади метри квадратни. Очекуваме веќе во текот на јули да почне откупот на градинарски производи во новиот откупно-дистрибутивен центар, како еден од најсовремените објекти од таков тип во Републикава. Досега имаме склучено договори за откуп на зеленчук и овошје со над 2.000 кооперанти, кои однапред ќе добијат субвенции во вештачки ѓубрива, заштитни средства, семенски и други репроматеријали, вели Блажо Витанов, директор на фирмата „Плодови-фруктус“, претставник на „Агрокор“.

Се надеваме дека годинава ќе соработуваме со околу 5.000 земјоделци од Струмичко од кои ќе откупиме вкупно 30 илјади тони градинарски производи, или 30 отсто повеќе од лани.

Како што е предвидено, струмичката Агроберза ќе располага со најсовремени мерни уреди, разладни комори, калибратори, хали за пакување и транспортни системи за дистрибуција на ран и индустриски зеленчук и овошје.

http://daily.mk/cluster3/0a096f0311601475172fec09d2fb587b/652508

http://www.youtube.com/watch?v=7S6hsRo0jFU

-
-
-

Потпретседателот на Владата и министер за финансии, Зоран Ставревски денеска во Струмица го посети откупно-дистрибутивниот центар во изградба на хрватската компанија “Агрокор“, или идната струмичка агроберза.

“Откупниот центар на “Агрокор“ во Струмица, чија што изградба е во напредна фаза, не е само ветување, туку е и реалност и тој ќе биде готов до крајот на јуни или во почетокот на јули. Очигледно е дека, кога се работи со сериозни компании, можат да се постигнат резултати. Владата го одработи својот дел во смисла на поддршка на проектот со обезбедување земјиште, инфраструктура и се друго што беше потребно за отворање на идната агроберза во Струмица, која ќе реши најголем дел од проблемите на земјоделците при откупот и пласманот на зеленчук и на други земјоделски производи. Реализацијата на оваа инвестиција покажува дека ние опстојуваме на сопствените ветувања и дека ќе настојуваме и во иднина да им помагаме на земјоделците во изградбата на вакви откупни центри, но и помош во се она што е потребно за да се постигне поквалитетно производство и подобри цени“ - изјави Ставревски.

http://strumicanet.com/world/world-news/europe/item/1851-%D0%B2%D0%B8%D1%86%D0%B5%D0%BF%D1%80%D0%B5%D0%BC%D0%B8%D0%B5%D1%80%D0%BE%D1%82-%D1%81%D1%82%D0%B0%D0%B2%D1%80%D0%B5%D0%B2%D1%81%D0%BA%D0%B8-%D0%B2%D0%BE-%D0%BF%D0%BE%D1%81%D0%B5%D1%82%D0%B0-%D0%BD%D0%B0-%E2%80%9C%D0%B0%D0%B3%D1%80%D0%BE%D0%BA%D0%BE%D1%80%E2%80%9C-%D0%B2%D0%BE-%D1%81%D1%82%D1%80%D1%83%D0%BC%D0%B8%D1%86%D0%B0.html

Edited by Phalanx - 18-May-2011 at 11:14

Државата ќе гради шест откупно-дистрибутивни центри

Министерството за земјоделство, шумарство и водостопанство најавува изградба на шест откупно-дистрибутивни центри за овошје и зеленчук од кои три е предвидено да се изградат во Скопје, и по еден во Валандово, Радовиш и Гевгелија. Вкупната инвестиција е предвидено да изнесува два милиона евра, а ќе се реализира преку ИПАРД и Програмата за рурален развој, со што државата ќе кофинансира половина од трошоците на домашните инвестииции во откупно-дистрибутивните центри.

Министерството најавува подобрување на откупот и пласманот на јаболката за што во Ресенско се најавува отворање центар со капацитет од 25.000 тони.

Од идниот месец треба да почне со работа и првиот откупно-дистрибутивен центар за овошје и зеленчук во Струмица, инвестиција на хрватската компанија Агрокор вредна речиси девет милиони евра. Објектот што зафаќа површина од 8.000 метри квадратни ќе има најсовремени разладни комори и калибратори. Опремата речиси е набавена, а во финална фаза е и надворешното уредување. Според најавите, годишно ќе се откупуваат 30.000 до 50.000 тони овошје и зеленчук со што се очекува да се реши еден од најголемите проблеми на земјоделците во регионот, откупот и пласманот.

http://www.kapital.com.mk/mk/dneven_vesnik.aspx/72494/drzhavata_kje_gradi_shest_otkupno-distributivni_centri.aspx?iId=2314

В понеделник во Струмица ќе почне со работа откупно-дистрибутивниот центар на хрватската компанија „Агрокор“.

Според директорот на претставништвото на „Агрокор“, Блажо Витанов, монтирани се машините и останатата опрема и со откуп ќе стартуваат на сезонските земјоделски производи, како што се индустриската црвена пиперка, доматите и корнишоните.

- Овој откупно-дистрибутивен центар, прв од таков тип во државата, располага со најсовремени мерни уреди, разладни комори, калибратори, хали за пакување и транспортни системи за прифаќање и дистрибуција на зеленчук и овошје, со дневен капацитет меѓу 200 и 300 тони - изјави Витанов.

Центарот, кој почна да се гради во февруари годинава, зафаќа површина од 8.000 метри квадратни и во него досега се инвестирани 11 милиони евра. Се очекува во Центарот годишно да се откупуваат околу 50 илјади тони зеленчук и овошје.

http://daily.mk/cluster3/a27fd6e4c8a3ff0a37c7d1dfa449d1f4/889274