Македонски народен театар (Стар театар)

ОБНОВЕНО: Дрвениот покрив се запалил при заварување?

Нема жртви ни повредени во пожарот на покривната конструкција од театарот во изградба во Скопје. Противпожарната екипа пред малку ја совлада огнената стихија, која околу пладне го зафати горното десно крило на објактот.

Неофицијално постои сомневање дека пожарот избувнал при вршење на заварувачки работи.

Фотографиите ни ги испрати читател на „Дневник“, а направени се о зградата на Телеком. Нашата екипа е излезена на терен и собира информации за причините и штетите од пожарот. Меѓу загрижените набљудувачи на настанот ги забележавме актерите Никола Ристановски и Драгана Костадиновска и режисерот Александар Поповски.

За да се информира од прва рака за настанот на лице-место пристигна премиерот Никола Груевски (кој беше на пат за Бардовци за да присуствува на дел од снимањето на филмот „Трето полувреме“), а покрај објектот можеа да се забележам и првите луѓе на Министерството за култура, министерката Елизабета Канчевска-Милевска и заменикот Драган Недељковиќ.

- Истрагата за причините за пожарот е во тек. Знаеме дека избил на дрвната потконструкција која се наоѓа над мутимедијалната сала, а врз која има и бетонска плоча. Затоа, матерајалната штета ќе биде незначителна. Поради спецификата на материјалот, чадот ќе го има уште, зашто долго чади, но огнот е изгаснат. Објектот е целосно осигуран и штетата ќе биде целосно надокнадена - изјави Борјанка Серафимовиќ, стручен надзор на изградбата на театарот.

Изведувач на објектот е „Бетон - Штип“.