Железнички станици

Холандски „Гронтмеј“ ќе го изработи новиот дизајн на скопската железничка станица Холандската консултантска компанија „Гронтмеј“ (Grontmij) го доби тендерот за дизајн на проектот за реконструкција на главната скопска железничка станица, јавува интернет – порталот „Плусинфо“. Покрај идниот изглед на станицата, холандскиот гигант ќе ја подготви и тендерската документација за избор на компанија за реконструкција на објектот, а ќе врши и супервизија на градежните активности.   Министерот за транспорт и врски Миле Јанакиески, во неодамнешното обраќање по повод првите 100 дена од работата на министерството, го најави зафатот за реконструкција на станицата за наредната година. „Овој проект е вреден 2,9 милиони евра и се очекува да започне во последниот квартал на 2012 година и да трае до средината на 2014 година и со истиот Скопје ќе добие современа и репрезентативна железничка станица“, истакна министерот Јанакиески.   „Гронтмеј“ е четвртата по големина европска консултантска фирма за инжинерство со 10.000 вработени и 350 канцеларии во меѓународни рамки. Оваа компанија пред неколку дена победи на проектот за дизајнирање на новиот терминал на аеродромот во Франкфурт кој во првата фаза од изградба ќе чини 450 милиони евра и претставува една од најважните инвестиции од овој вид во Германија.             Бојан Блажевски # Објавено на 09.11.2011 во категорија Вести.  Тагови: Grontmij, Железница, Железнички станици, Инфраструктура, Реновирање и реконструкција, Скопје

http://www.build.mk/?p=10445

dobroo use nekoj bilbord da stavea!!!!!!

Ааааа не, не, не, тоа е судбината на СИТЕ објекти во Македонија (на Балканот)! Нека да не мешаме баби и жаби!

Originally posted by WNBARCH супер ултра модерно не баш. со една чекална,еден ескалатор и два телевизора тешко.поготово зошто е застанато уште на почеток од целиот проект и не е ни довршена станицата никогаш.

Три чекални од кои една за странци, нешто као вип, 4 телевизора, два ескалатора..

нејсе, мислам дека одамна требаше да почне да се реновира и тоа здраво, ама ајде ќе почекаме уште малце..

мислам дека заштитен знак на новава железничка ке биде ескалаторот. Неможам да ја сфатам потребата од скали воопшто и сметам дека сите сегашни скали треба да се заменат со ескалатори.

Не ми се допаѓа тоа што малце делува бункерски долниот дел, а доколку би имало прозори од страните да се гледа градот, сообраќајот, булеварите би било поинтересно. Ова може малце барем на горниот дел да го корегираат. И да се трудат што повеќе да има дневна светлина,стакло па макар и куполи.

Не ми се допаѓа и што во очај се издадоа деловни простори, што при адаптирањето секој индивидуално си го средуваше и се изгуби целината.

Не би да идам подлабоко, до шалтери, инфопулт, монитори, чекални, тоалети и сл. пошто би немало крај, премногу е запоставено.

Дали би било премногу ако наместо сегашниот таканаречен кров се изгради нов над кој всушност би имало парк со езерца, трева, клупи и дрва.

Originally posted by WNBARCH супер ултра модерно не баш. со една чекална,еден ескалатор и два телевизора тешко.поготово зошто е застанато уште на почеток од целиот проект и не е ни довршена станицата никогаш.

Не треба да се суди модерноста (таков поим и воопшто не постои), туку функционалноста на еден ваков инфраструктурен објект. Прво да нагласам дека е многу тешко да се зборува за полна функционалност на еден објек кој ни приближно целосно не е изграден. Како да зборуваме за кола која нема кров, врати и опрема.
Железничката станица треба да се гледа во целост а не на парче. Така таа вклучува километри бетонски столбови, кои не само што го денивелираат железничкиот сообраќај низ тој дел на градот (проблем кој допрва треба да го решаваат многу европски градови и чие решение чини баснословно и вклучува долгогодишно затворање на централни булевари), туку и отвараар простор за развој и изградба на содржини под нив-паркинзи, главна пошта со поштенски логистички центар-меѓуградска и приградска автобуска станица итн. Сите овие исклучително важни објекти се многу полесни и поефтини за изведба под столбовите, отколку да градевме целосно нови објекти. Фактот дека тие се собрани на толку мал простор, формирајќи вистински транспортен центар со неколку вида на транспорт ич не е за занемарување.
Што се однесува до самата железничка станица, исто така не можеме да го оценуваме решението кое било зацртано во планот. Наша кривица е што железничката не е доградена (колосеци, кров, ескалатори, пристап за автомобили за авто-воз итн.), а уште поголема кривица што сме ја запуштиле до степен на очај. Од најубавиот објект во смисла на железничка станица од градовите на Балканот пред 30 години, ние ја дотеравме до најнеодржуваниот и мизерен.
Единствено што ми фали кај нашата железничка станица е голем централен простор на приземјето, каде би се сместиле различни продавници, кафеани и пунктови на железницата. Вакави има во сите поголеми железнички станици каде сум бил (освен Загреб и Љубљана кои имаат многу постари објекти). Како пример ја давам Прага хлавни надражи (Praha hl.n.):





Друга приказна е колку сето ова чинело и ќе чини (да се догради и одржува) и дали не би било пофункционално за истите пари да се изградат подземни тунели низ центарот, кои би ја опслужувале старата ж.с. (која секако би била реконструирана, проширена и модернизирана).

Originally posted by mladen_s А во врска со идејата за Ст.ЖС - ја поддржувам, само што тоа веројатно би се извело на ниво на градски транспорт, евентуално регионални возови.. Ќе се обидам да најдам начин и време да го постирам мојот проект на таа тема

Со нетрпение го очекувам (да ти извршам малку притисок)

за ориентација има стрелка кон север

Значи колку што разбрав, делот кај ОТО мебел и Колосеум бил првично наменет за обработка и дистрибуција на багажот до/од патниците од/до возовите. Многу културно. Нешто како и на аеродромите. А претпоставувам дека и лифтовите биле за тоа наменети. Има смисла. Но најверојатно тоа не се случило како што било предвидено, па денес наместо да се користи таа услуга, патниците сами си го качуваат/симнуваат/носат багажот по скали. А овој простор наместо како простор за процесирање на багаж е претворен во дискотека и салон за мебел. Кога сме кај тоа. Дали Железничката Станица Скопје го изнајмува тој простор на овие субјекти, или пак им го продала?

Originally posted by mladen_s Па не бил рекол дека е баш така. Порано се патувало на многу поинаков начин од сега - луѓето се преселувале со воз - па деловите на железничките станици за процесирање на крупен багаж се помалку остаток од минатото (нормални парчиња багаж се носат од страна на самите патници или некаква придружба). Добро е ако станицата може да ја пружи таа услуга, но како и други делови од овој објект и тој е предимензиониран - барем според мене.. Што се однесува до дискотеката, тоа е пренаменета голема сала за синдикални и слични конференции - исто така остаток од друго време.. Тоа што ми се допаѓа е како Транспортниот центар прима различни содржини и се менува според барањата. Не треба да мислиме дека проектот мора да се изведе баш како што бил предвиден, бидејќи многу работи се промениле во меѓувреме. Единствено не треба да се затвараат одередени можности, што според мене и се случи со несоодветното поставување на автобуската (и тоа само за патниците што чекаат воз да не ги користеле чекалните на автобуската). Инаку, мислам дека Железницата ги издава тие и други простории. Колку таквите договори се поволни и дали земаат во предвид дека тој простор во меѓувреме стана поатрактивен, не би можел да кажам (а вообичаено не се, што заради лошо работење, што заради корупција). Но сепак, загубите во работата на МЖ не можат да се покријат со кирија од дискотека..

Околу кириите за користење на просторот во Скопската железничка станица имаше големи заврзлами во минатото, не знам сега колку е средена состојбата. Сепак, сметам дека не доликува злоупотребата што ја вршат некои субјекти кои го користат работното време на станицата за создавање на екстра профити, иако не работат во склоп на Македонски железници. Од друга страна, мислам дека треба да се размислува на поголем број комерцијални објекти на второто или третото ниво на станицата.