Возен парк (ЈСП - двокатни автобуси)

Message Topic Search Topic Options Post Reply Create New Topic Printable Version

http://mtc.gov.mk/new_site/mk/storija.asp?id=35 
Пристигнати се сите нови миниавтобуси, во тек е испораката на нови двокатни автобуси - 9.1.2012

Почитувани,

Ве информираме дека се пристигнати сите 16 миниавтобуси кои се наменети за јавниот градски превоз во Скопје. Во моментот на миниавтобусите е во тек постапката за хомологација, по што истите ќе бидат пуштени во употреба во јавниот превоз во Скопје.

Исто така, започната е испораката на 68 новопроизведени двокатни автобуси кои ќе се користат во јавниот градски превоз во Скопје. Автобусите се испорачани од фабриката и во текот на денешниот ден се товарат на пристаништето во Шангај. Очекувано е истите да пристигнат на пристаништето во Пиреа кон средината на февруари и да бидат доставени во Република Македонија во март 2012 година, што е неколку месеци порано отколку очекуваната испорака согласно договорот.

Новопроизведените двокатни автобуси се дизајнирани во ретро стил како автобусите што се користеле за градски сообраќај во педесеттите и шеесетите години од минатиот век во Скопје.и истите се препознатливи исклучиво за Скопје, што значи ќе бидат уникатни и нема да се возат на друга локација и не се во сериско производство. Тие ги исполнуваат сите потребни стандарди, односно имаат емисија на издувни гасови „ЕУРО 4“, дигитален тахограф, автоматски управувана рампа за инвалидски и детски колички, целосно се климатизирани и многу поудобни од автобусите кои моментално се користат во главниот град.

До сега во Македонија веќе пристигнаа 68 двокатни и 80 нископодни автобуси и истите сe пуштени во сообраќај. а до крајот на 2013 година треба да бидат испорачани преостанатите 66 автобуси.

Набавката на 202 двокатни автобуси, петнаесет отворени двокатни автобуси, како и 80 нископодни автобуси и 16 минибуси, претставуваат реализација на проектот за обновување на возниот парк на јавното сообраќајно претпријатие „Скопје“, со што за граѓаните на Скопје ќе се обезбеди  удобен, безбеден и модернизиран јавен градски превоз во главниот град на Република Македонија.

Потребата за обнова на возниот парк и овозможување на пристоен превоз за граѓаните на Скопје е произлезена од фактот дека истите со децении наназад, се возат во застарени автобуси со лоши услови за чие подобрување во минатото и не се водело грижа.

Со почит,
Министерство за транспорт и врски
Конечно и некои ведри вести !!!! 