Градски плоштад - Гевгелија

Незнам дали е тука и дали имате кажано на форумов, но еве:

Гевгелискиот градоначалник Иван Франгов, во една емисија на Алфа ТВ, кажа дека има план (кој сеуште е во изработка) за разубавување на Гевгелискиот плоштад.
Тој напомна дека сеуште е тајна но дека ќе се работи нешто.
Што ќе се работи незнам, но мислам дека треба да се има на форумот дека постои можност. Искрено верувам дека нешто ќе се направи (нешто мора да се направи), но според мене тоа би било некаде на пролет.

Еве и првото видео (од четири) каде градоначалникот тоа и го најавува (ама многу кратко и незнам во кој дел е: http://www.youtube.com/watch?v=F_PM-Yu43NA

п.с. Исто така во тоа интервју има други интересни работи што ги кажува за работите во општина Гевгелија.

Гевгелија ќе добие нов плоштад

Гевгелија, 25. август 2011 (ИНПРЕС)
извор: Инпрес фото: архива

Гевгелија конечно ќе добие нов градски плоштад, кој се предвидува да биде уреден на просторот од сегашниот паркинг простор пред Стопанска банка до споменикот на Сава Михајлов.

На паркингот пред Стопанска банка е предвидна изградба на подземен паркинг простор, а на површината летна сцена, кој ќе се спушти кон улицата „7 Ноември" и споменикот Сава Михајлов, каде што е предвидена изградба на фонтана и зелени површини.

Заедно со просторот пред реконструираниот Народен театар Градскиот плоштад ќе биде значително проширен и освежен со нови содржини. (Крај)

http://daily.mk/cluster3/80a09551f603650a5e4996be286ef209/877627

Градски плоштад
Главно Мени
Општина Гевгелија распиша конкурс за изработка на идејно решение за уредување на Градскиот плоштад воп центарот на Гевгелија.


Со донесувањето на ДУП за центарот на градот се создадени услови за изградба на нов Градски плоштад. За таа цел, распишан е конкурс за идејно решение на кој можат да учествуваат домашни и странски правни лица-регистрирани за оваа дејност, како и физички лица, државјани на РМ, дипломирани архитекти или студенти на архитектура.
Првата награда за идејно решение на Градскиот плоштад во Гевгелија изнесува 90.000 денари, втората 60.000, а третата 30.000 денари.
Конкурсот е отворен до 23 март 2012 година, а објавен е на веб страната на општина Гевгелија www.gevgelija.gov.mk

http://gevgelija.gov.mk/mk/index.php?option=com_content&view=article&id=930:2012-02-21-16-28-09&catid=8:actual&Itemid=1

Уште една мала слика.

Гевгелија ќе гради нов плоштад
25.08.2012 - 16:04 | Македонија
Централното градско подраче на Гевгелија ќе добие комплетно нов лик.


Градскиот пазар и автобуската станица ќе бидат дислоцирани, а на нивно место ќе се гради нов градски плоштад кој според понудените идејни решенија треба да биде со површина од 5000 метри квадтратни.

Под него е предвидено изградба на подземна гаража а над неа летна сцена на три нивоа, пространо шеталиште, фонтана и зелени површини.

Идејата за изградба на нов градски плоштад доаѓа на иницијатива на самите граѓани, велат од локалната самоуправа.

- Тоа фали. Гевгелија нема буквално такво плоштадно место кое што би наликувало на тоа што ни треба во Гевгелија, едно пошироко плоштадно подрачје за прочетки, за среќавања, за манифестации, вели Иван Франгов – градоначалник на општина Гевгелија

Со реализација на новиот плоштад, покрај тоа што централниот дел на градот ќе добие модерен и современ изглед треба да се реши и проблемот со сообраќајот и паркирањето во истиот кој претставува еден од најгорливите проблеми во последните години.

- Со тоа и ќе ни се растеретат гужвите сообраќајни кои што ги имаме пазарните денови и нормално во централно градско подрачје кога влегува автобус се прави гужва, а сега ќе ја имаме автобуската станица веднаш до железничката станица и ќе се оформи како еден транспортен центар комплетен, додаде Франгов

Целиот проект ќе се реализира со средства од општинскиот буџет.Доколку се оди според планираното, изградбата на новиот плоштад во Гевгелија треба да започне до крајот на годината ,а да заврши најдоцна за шест месеци.
http://sitel.com.mk/dnevnik/makedonija/gevgelija-ke-gradi-nov-ploshtad