Моторни гарнитури

Originally posted by BOJAN Андреј, јас сум воодушевен од тоа како изгледаат реконструираните молдавски дизел моторни гарнитури. Но, уште во првиот дел од текстот ја напоменуваш цената-2,2 милиони евра по гарнитура, тоа е баснословна сума на пари која МЖ-Транспорт во моментов нема шанси да може да ја вложи за една гарнитура. Втора работа е што сепак Романија и Молдавија имаат многу, многу, многу поголема традиција на патување со воз и железнички сообраќај. Прашањето на времето па и сега во Молдавија било не да избереш со што сакаш да патуваш, туку дали ќе патуваш со воз или нема да патуваш. Од она што го знам за Молдавските железници е дека беа во прилично лоша состојба до пред 2-3 години, сега можеби има вложувања како овие на фотографиите. Третата работа е политичка и не сакам да ја дебатирам, но Романија сакајќи милом или силом да си ја приспои повторно Молдавија и прави отстапки и нуди помош во сите области, вклучително и во железницата. Повторно ќе кажам никогаш не сум ја оправдувал состојба со железницата кај нас и треба да не срами што Молдавците веќе имаат вакви модернизирани гарнитури.

Всушност, двајцата потполно се согласуваме.
Јас не велам дека вината за состојбите е (само) во МЖ, се знае дека најголема вина за тоа има држават. Поразителни и срамни се постапките со кои се уништува и малкуто железница со која располагаме.

Се разбира дека железницата има(ла) примарна улога во превозот на патници и стока во сите земји на Источниот блок, но железницата кај нас беше далеку поразвиена и користена отколку што е сега. Каква традиција може да има кај нас кога возовите се мизерни, нередовни, преретки и преспори? Традицијата се создава преку инвестиции и сум сигурен дека кај нас истата може да биде многу профитабилна и употребувана доколку се подобрат основните параметри за патување. До резултати можеме да дојдем буквално за неколку години, доколку се има визија и одлучност.
Не се гради железница со обнова ради реда, колку да се симулира активност и само со цел да се прикаже дека ете се вложува и во инфраструктурата. Како што повеќе од очигледно се докажа во минативе години, во Македонија пари има премногу, но како тие се трошат? Во момент кога даваме 2 милиони евра за рачна изработка на ограда на мост, трагично е да се зборува дека нема пари за сериозни обновувања на железничкиот парк! Евентуалните нови возови ќе и служат на државата 30+ години и секоја гарнитура удобно ќе пренесе милиони патници. Или во време кога се даваат 50 милиони евра за изградба на една тотално спорна и непотребна зграда, се издвојуваат смешни 16 милиона евра за реконструкција на пруга долга 60 километри. Ако беше така лесно и ефтино, до сега сите држави ќе имаа експресни пруги.

Навистина е трагично да се зовиме во 40 годишни смрдливи вагони, по најстари пруги во Европа, единствените инвестиции да се крајно ниски и банални, а истовремено да се фрлаат пари буквално во бунар за врби, огради, фасади...Незнам како ќе излеземе од овој магичен круг, но крајно време е бидејќи сите не претркаа, па дури и Молдавија!

Ко да има уплав фатено од возови... 

Абе остај....можеше и Цеца да биде вака барем е произведено во Македонија....


Fossil: Ко да има уплав фатено од возови... 



Edited by polval - 11-Jun-2012 at 08:16

Originally posted by zabegan Да можеше и да сакаше МЖ да инвестира дебело и квалитетно во гарнитури, нема дискусија дека ќе купеше нови

МЖ да инвестира во гарнитури??? Во ЈСП кој инвестира во возен парк ЈСП ли???

мое мислење е дека ниедна влада не и текнува да инвестира во нови гарнитури плашејќи се од искуството на телекомот и Електростопанство-државата да купува и да гради,а ќарот да го збира некој друг што дал некое милионче во џебот на некој министер и го купил гигантот за половина цена.

сигурно и МЖ го чека истата судбина,да биде купена од некоја странска фирма.дотогаш нашиве влади ќе крпат.

можеби сум во право , можеби не.времето ќе го каже последниот збор

 
Повеќе не држи отколку што држи вода.
 
Македонски Телекомуникации и Електростопанство на Македонија беа во целост солидни, стабилни и успешни фирми, не беа загубари, за разлика од Македонски Железници, кој е загубар исто како ЕМО и Охис.
 
Исто како што никој не е заинтересиран за купување на загубарите ЕМО и Охис, така најсигурно никој не би бил заинтересиран за купување на загубарот Македонски Железници, а и доколку воопшто некој го купи Македонски Железници, слободно ќе можеме да се збогуваме со евтиниот железнички превоз, бидејќи една од првите промени кои ќе ги донесе приватниот инвеститор ќе биде поскапување на железничкиот превоз, а резултатите од таквото поскапување можеби ќе ги видиме дури после 5 години, ако не и подоцна.
 
Чисто за потсетување, Македонски Телекомуникации во повеќе наврати ги поскапуваше цените на телефонските разговори и на Интернет услугите откако во 2001 стана приватна сопственост на унгарски Матав, кој патем е во приватна сопственост на германски Дојче Телеком, но резултатите од сите тие поскапувања ги дочекавме дури во 2008 кога Ти-Хоум почна да нуди телевизиски услуги преку Интернет протокол (IPTV) и кога конечно добивме не баш евтини, но за повеќето граѓани на Република Македонија, прифатливи опции за користење на повеќе телекомуникациски услуги во еден заеднички пакет по една заедничка цена.
 
Ако на Македонски Телеком му требаа 7 години, а да не заборавиме во меѓувреме и финансиска проневера во самата компанија од страна на самите директори на компанијата, за да созрее и почне да нуди квалитетни услуги по прифатливи цени, тогаш можеме само да замислиме колку години ќе му требаат на било кој приватен инвеститор кој би го купил Македонски Железници, за да од загубар го претвори Македонски Железници во солиден, стабилен и успешен железнички превозник.
 
А најтрагично во сето ова е тоа што актуелната влада немаше никаков проблем околу тоа на тутунскиот комбинат од Прилеп да му ги прости 30 милиони евра неплатени долгови за да го спаси комбинатот од стечај, а од друга страна, воопшто не делува како да планира да го направи истото и со Македонски Железници, па и со ЕМО и Охис.
 
А тоа дека актуелната влада повеќе е заинтересирана за фрлање на пари за споменици и за непотребни административни згради, наместо за модернизирање на патничката и железничката инфраструктура во Македонија, тоа е веќе друга приказна, но сепак еднакво трагична како и состојбите во кои во моментов се наоѓаат Македонски Железници, ЕМО и Охис.


Edited by Dexter26 - 12-Jun-2012 at 10:45

Има ли уште слики или барем поголеми? Интересно изгледа вака.

во пост бр.153 има повеќе слики

Климатизација (греење и ладење ) на воз ДМГ 712-103/104

Шпанецот што во моментов се реконструира дефинитивно ќе биде првиот што ќе добие климатизација. Тендерот на следниов линк: https://www.e-nabavki.gov.mk/PublicAccess/Dossie/dosieACPP.aspx?EntityId=d8921987-0776-4ab5-a067-9e45e7dff6a0&Level=2

Да се надеваме дека и следната гарнитура што треба да влезе на реконструкција ќе добие климатизација.

Една од поодамна гарираните електромоторни гарнитури е сместена пред салата за ремонт во депо Лисиче, ја зазема позицијата на Шпанците. Има ли некој информација дали се подготвува обнова на еден Горбачов? Мислам дека моето око ја фати 412/059-060, инсајдерски информации се добредојдени.