Дел од работниците кои ја градат новата Македонска филхармонија немаат земено плата цели три месеци. Луѓето велат дека последните пари ги примиле во Април и оттогаш немаат земено ни денар.
 
Работниците кои се плашат да зборуваат јавно бидејќи како што велат ќе останат без работа, освен без пари, оставени се и без сини картони и се жалат дека немаат да си купат ни за јадење, а не дај боже да се раболат од нешто.
 
По објавувањето во медумите дека работниците на повеќе објекти во центарот на Скопје непрестано работат на пеколното сонце, сега изведувањето е стопирано од 11 до 17 часот, но градежниците велат тоа е само во последните неколку дена и тие цело лето работат непрекинато на горештините. Сепак маките на работниците на филхармонијата се само продолжение на претходните случувања.
 

 
Проблемите со кои се соочуваат работниците на проектот Скопје 2014 не се нови. И порано за медиумите сведочеа дека работат непријавени, на црно, дека не им се ислатуваат социјалните и здравствените давачки. Но познавачите велат и дека проблемот лежи во тоа што државата не ги исплатува долговите кон дел од изведувачите на овој проект.
 
За 24 Вести извори од компанија која изведува дел од работите на новот министерство за надворешни работи белат дека освен одреден аванс, државата не им исплатила огромен дел од долгот за работите.
 
Велат од свој џеб инвестирале во материјали и плати, и дека се наоѓаат во тешка ситуација, бидејќи ако ги прекинат работите ќе ги изгубат сите можности за наплата. А за платите на работниците од филхармонијата, министерството за труд и социјална политика вели дека на тој објект се спроведени три надзори, изречени се казни за неносење на заштита опрема, неспроведување на обука за безбедност и непочитување на забраната за работа на отворено на топлото време.
 
„Освен платите на тој објект се констатирани повеќе неправилности и изведувачот доби рок да ги исправи, по што ќе следуваат казни“ – вели министерот за труд и социјална политика Спиро Ристовски
 
Обидите да се стапи во контакт со изведувачот на проектот компанијата Алпине бау останаа безуспешни, бидејќи никој не се јави на телефоните да одговори зошто дел од работниците на македонската филхармонија работат без пари.
 
Сеад Ризвановиќ