Дури и жителите на населбата Бутел, кои живеат во близината, се изненадени со каква брзина еден објект кој започна да се гради како приватна куќа, прераснува во џамија. На покривот никнаа куполи, уште недостасува минарето, вели еден жител кој нагласува дека и самиот еден ден се изненадил кога ги видел куполите. Вели дека како за неколку денови да се изградени. 

Жителите од македонска националност велат дека по се изгледа станува збор за џамија. Тие велат дека не се против верски објекти, но нагласуваат дека џамии тука има преку десет, а само една црква.

Од општината, каде градоначалникот е на одмор, велат дека ќе се реагира зашто објектот ги надминал проектираните димензии, претставени во проектот за кој е дадена дозвола.  

Од Исламската верска заедница забележуваат дека џамија може да се гради доколку за тоа се има дозвола од општината и секако, одобрение од ИВЗ.