Originally posted by BOJAN Чисто само да информирам дека лудилото во центарот на Скопје не престанува. Викендов се отстранети табличките на „Паркинзи на Општина Центар“ околу Соборниот храм и на нивно место се поставени таблички за паркирање од Градски паркинг. Вработените на првото претпријатие се повлечени, а од градското претпријатие ги сметаат овие паркинзи како црвена зона. Многу сум заинтересиран што ќе се случува со станарите од околните згради. Сите тие си платија налепници на „Паркинзи на Општина Центар“ за автомобилите и преку ноќ се случи друго претпријатие да ги управува паркинг местата. Има ли крај е*ењево?

Чекај, ако добро знам Градски Паркинг е бесплатен за станари а Паркинг Центар не е. Значи сега имаме ситуација кога станарите веќе им платиле на Паркинзи Центар а овие си одат, додека истата услуга кај новиот “провајдер“ е бесплатна.  Следува > Паркинзи Центар треба да враќаат пари, не?

А зошто не се соберете и да реагирате некако? 

Пресметката кај ОК коралот на паркинзите во Центар продолжува. Од вчера таблите на Градски паркинг се симнати или покриени со црни ќеси и не се наплаќа на паркингот кој ја опфаќа пристапната улица кај МПЦ во насоката кон влада. Не знам како е на другите паркинзи во општината, ама ако истото ова се случува...

Петиција за укинување на зонското паркирање:

http://www.peticije24.net/signatures/ukinuvanje_na_zonskoto_parkiranje/

Бројот на потпишани за кратко време ближи до 1000

Радо се потпишав и јас иако на почеток го подржував воведувањето на зонско паркирање.

Но во меѓувреме стана јасно дека зонското паркирање недоволно се користи како начин со кој ќе се воведе ред во паркирањето и решавање на проблемите во проблематичните реони. Наместо тоа, примарна цел му е молзење на што поголеми суми од граѓаните (кои суми не знаеме каде одат, но секако не се паметно вложени во подобрување на паркинг инфраструктурата, а камо ли јавниот превоз), вработување на партиски војници, узурпација на тротоари... Цените се астрономски, а зонско паркирање се воведува и таму каде што нема потреба (лесно е - една канта со боја, една информативна табла и еден вработен партиски војник се неопходната инвестиција)

УКИНУВАЊЕ НА ЗОНСКОТО ПАРКИРАЊЕ – СКОПЈАНИ ЌЕ БАРААТ СО ПЕТИЦИЈА Скопјани собираат потписи за со петиција да бараат укинување на зонското паркирање. На интернет се појави страна (ОВДЕ ) на која се бара да се соберат што поголем број потписи за и формално да се поднесе барање за укинување на зонското паркирање. Нема информација кои стои зад петицијита. Еве што велат ,,Проектот за зонско паркирање ја изгуби својата смисла. Од проект кој требаше да овозможи во строгиот центар да има паркинг за краток престој заради работа, денес го има буквално на секоја улица и тротоар. Земјиштето е на граѓаните. Не можеме веќе да си ги посетиме пријателите и роднините, бидејќи еден час може да не чини и 45 денари. Ова мора да прекине. Собраните потписи ќе го укинат зонското парикирање. Дајте го Вашиот потпис.,,

http://mkd-news.com/ukinuvane-na-zonskoto-parkirane-skopjani-ke-baraat-so-petitsija/?utm_source=rss&utm_medium=rss&utm_campaign=ukinuvane-na-zonskoto-parkirane-skopjani-ke-baraat-so-petitsija

Во право си дека не треба да се укине, но не се плаши, сигурно нема да го укинат па макар се потпишале и 500 илјади граѓани
Петицијата ја разбирам како начин да се испрати порака и да се изврши притисок, за да надлежните престанат со глупостите и неодговорноста. Ако луѓето масовно го искажат револтот, пораката ќе допре до глаавучите. Ако луѓето молчат, главучите ќе си продолжат по старо или уште повеќе ќе аздисаат.

Вакво какво што е сега зонското паркирање, не е добро. А она што е навистина алармантно е фактот што не се подобрува, туку баш се движи во многу погрешен правец.

Што се однесува до паралелното паркинг претпријатие на Општина Центар, не верувам дека некој нормален го подржува неговото постоење, освен оние кои имаат директна корист од него.

1. Во дефинираните зони воопшто не се почитуваат маркираните места. Редовно има натрупани возила на сред возните коридори и сл. Сето тоа очигледно се дозволува за да се лапаат повеќе пари. Ако на почетокот беше супер бидејќи секогаш имаше место, сега луѓето легнаа на брашно, почнаа да плаќаат а место повторно нема. Значи поентата е тотално утната.

2. Зонирањето на се и сешто отиде вон контрола.

3. Мислам дека е потребна посебна петиција и фокус за Зонското на Општина Центар кое е најголемото зло кое се случило во последно време. Ќе наредам нов сет на точки за нив.

__

А. Ужасниот систем на наплата, тотално несоодветен на ова време. Зезање со ситни пари, банкноти кои не се изгужвани и не ги прима автоматот, непотребното наметнување на обврска човек да плаќа од напред......

Б. Внесување на тотална конфузија во ситуација кога веќе има постоечки систем кој функционира во градот. Ова особено доаѓа до израз на локации како Дебар Маало каде двете зонски се испреплетени. На човек му треба прирачник за таму да се снајде бидејќи две паркинг места едно до друго може да се од две разчични прептријатија кои функционираат сосема различно: има преклопи на имињата на зоните, имаат различно работно време (Центар е до 22:00 а Градот е до 21:00 зимно време) имаат тотално различни услови на користење (ограничувања, локации каде важи уплатата итн)..... Со еден збор ХАОС!

В. Дрскоста на Општина Центар е неверојатна со оглед на тоа дека го има зонирано малтене секое сокаче, навлегувајќи во тотално резиденцијални зони кои и воошто немаат врска со зонирање никаде во нормален свет.




Edited by pbanks - 21-Oct-2012 at 15:16

Системот на Општина Центар треба да се УКИНЕ

Системот на Град Скопје треба понатау да се надградува и оптимизира

@FoSsiL
 
Ти велиш дека концептот на зонско паркирање е во ред.
 
Јас велам дека концептот е тотално промашен, бидејќи воопшто не е ориентиран кон решавањето на проблемот со сообраќајниот метеж и со недостигот на простор за паркирање, туку е ориентиран чисто само кон остварување профит, без притоа било какво гарантирање на безбедноста на возилата чиишто сопственици плаќаат за паркирање.
 
Општинската, градската и државната власт се подготвени да фрлаат пари за приватни агенции за обезбедување да ги обезбедуваат спомениците, значи не зградите во кои се сместени општинската, градската, државната и јавната администрација, или станбените згради, куќите и бараките во кои се сместени граѓаните на Република Македонија, туку на спомениците во кои не домува никој жив, освен споменот на некој кој од поодамна не е повеќе меѓу нас живите, а истиот тој спомен на истата таа личност која од поодамна не е помеѓу нас живите, го обезбедуваат приватни агенции за обезбедување кои се платени со народни пари, додека возилата чиишто сопственици плаќаат за зонско паркирање, се оставени на милост и немилост на хулиганите и на крадците.
 
Така да, концептот на зонско паркирање е тотално погрешен, промашен и треба целосно да биде укинат.
 
@Cloverstack
 
И 5 милиони граѓани (иако Македонија нема ни половина од толкав број на граѓани) да се потпишат на таа виртуелна петиција, нивниот потпис ќе остане само виртуелен, а не реален, и како таков нема да има никаков ефект врз општинските и врз градските власти.
 
Патем, оваа недела поминав низ Автокоманда и забележав дека за прв пат од кога ја знам улицата Јани Лукровски, која патем е една од главните улици во Автокоманда, а ја знам повеќе од 15 години, за прв пат означиле места за паркирање на самата улица, што значи дека и таму подготвуваат зонско паркирање, со среќа нека им е на автокоманданчани.
 
Нешто слично беше направено од почетокот на годинава и кај спортската сала во Автокоманда, каде што беше изграден нов паркинг до самата сала, некогашната пешачка патека која ја дели салата од улицата Јани Лукровски беше израмнета со улицата и беа обележани места за паркирање со бекатон плочки, а тревникот кој беше буквално залепен до спортската сала, иако вообичаено беше само кал, бидејќи воопшто не го одржуваа и речиси никогаш не растеше трева, го отстранија и сега таму е преместена пешачката патека.
 
Со други зборови кажано, ако не до крајот на 2012 година, тогаш сигурно во 2013 година, можеби после редовните локални избори 2013, зонското паркирање ќе стартува и во Автокоманда.
 
И да, во право си, само ако народот масовно ги изрази својот револт и своето незадоволство од постапките на општинските и на градските власти, ќе се случи вистинска промена, а вака со виртуелни петиции, нема да се постигне ама баш ништо против глупоста, или подобро кажано, организираниот грабеж наречен зонско паркирање.


Edited by Dexter26 - 21-Oct-2012 at 16:17

Абе јас сто пати сум зборел дека центарот треба да се затвори за сообраќај... 

А тоа може само да се случи со добра инфраструктура околу и низ него... и собирни точки, буферни паркинзи од околу...

Ова со катниве гаражи манијава делумно го следи тој став... Но локациите им се повеќето тотално погрешни...

Ама бидејќи тоа е многу неверојатно да се случи... бидејќи воопшто не ни размислуваат така... 

Ова што го имаме денес од зонско паркирање е прилично добар концепт кој може да се разработува... а со заршување на катните гаражи некако би се дополнила таа целина...

Јас тогаш би постапил и вака... Сите тротоари физички би ги обезбедил против паркирање... и сите други посебни паркинзи како и паркинзи на коловоз каде што има смисла да има... би ги оставил под зонско... само што би ја качил цената за најмалку 50%... би било нешто 65-70 денари... Со тоа што во исто време... цените во катните гаражи би се движеле 20-40 денари... 

И така мислам дека би се добило... порастеретени улици, улични и наземни посебни паркинзи... а паркирањето би се концетрирало и организирало регулирано и сигурносно обезбедено во катниве гаражи...

Тој што сака да паркира на улица во град... нека паркира, ама нека си плати...

Да плати поради луксозот да паркира пред врата од таму каде што тргнал...