Булевар Митрополит Теодосиј Гологанов

“Градежните работи за реконструкција и проширување на вториот дел од булеварот ’Митрополит Теодосиј Гологанов’ се одвиваат според предвидената динамика и најдоцна за еден месец овој значаен проект ќе биде завршен, а граѓаните ќе добијат широка, проточна и безбедна сообраќајна артерија. По проширувањето, булеварот ќе добие четири коловозни ленти“, изјави Трајановски.

Градот Скопје во овој обемен зафат ќе вложи околу 47 милиони денари.

Градоначалникот додаде дека паралелно со проширувањето на вториот дел од булеварот екипите на Градот Скопје ќе го уредат паркот што е со вкупна површина од 30.000 квадратни метри.

“Од паркот ќе се отстранат сите пенушки, ќе се изврши чистење и површината ќе се зазелени. Во овој парк ќе се оформи трим-патека долга 700 метри што ќе се покрие со бела ризла, а ќе се постават и спортски реквизити слични на оние што Градот Скопје ги постави на кејот на реката Вардар. Во другиот дел од паркот Градот Скопје ќе оформи парк за миленици и ќе излезе во пресрет на барањата на околните жители што чуваат миленици. По должината на паркот на булеварот ’Митрополит Теодосиј Гологанов’ ќе се постават чешми за вода, клупи и корпи за отпадоци“, рече Трајановски.

На улицата “Братфордска“, пак, Градот Скопје почна со реконструкција на старата железничка чешма, која што според сознанија на Градот датира од 1924 година. “Оваа чешма беше многу оштетена и пред распаѓање. Според кажувањата на околните жители, доводот и одводот на чешмата не биле во функција повеќе од 40 години. По реконструкцијата на железничката чешма окопниот простор ќе биде зазеленет и ќе се постават клупи“, нагласи градоначалникот Трајановски.

http://kurir.mk/republika/skopje/86482-Park-od-30000-kvadrati-kaj-bulMitropolit-Teodosij-Gologanov-