Новиот театар готов следната пролет

Театарот во Велес треба да биде завршен пролетта следната година, ова е последниот рок кој министерството им го даде на изведувачите. Завршени се сите тендерски постапки и процедури за негова изградба. Ладното време изминатите три месеци довело до застој во работите. Фасадата и кровот треба да бидат завршени до крајот мај, по што ќе се работи на партерното уредување и сценската технологија. Досега во изградбата на велешкиот театар државата потроши  3,5 милиони евра.

Ова е капитална инвестиција,  на која Министерството дава посебно значење. Целосно се затворени сите фази во изградбата,  останува на фирмите да ги почитуваат нивните рокови, кои само ги понудија во тендерската документација. Очекувам дека во првиот дел на 2013 година велешките актери ќе имаат соодветни услови за творење и премиерно ќе ја одиграат првата претстава во овој објект. Се трудиме да бидат запазени светските стандарди во изградбата на неговата внатрешност – рече Елизабета Канчевска Милевска министерка за култура во Владата на Република Македонија.

Зградата на новиот театар во Велес ќе има 3.800 метри квадратни површина, со две сали  голема за 368 и мала сцена за стотина гледачи и луксузно фоаје. Тој е дело на архитектите Илија и Моника Стојчевски и Билјана Христова.

Сцената ќе овозможи најнови компјутерски достигнувања за нејзиниот изглед. Брзо ќе се прават измени на декорот,различна сценографија со повеќе сценски слики. На располагање ќе има  моторизирана платформа  и без големо учество на вработени ќе може  секој ден да се прават визуелно различни претстави. Светлото и тонот ќе бидат на највисоко светско ниво рече претставникот на  фирмата Светлост Театар од Белград кои  ја работат сцената. Министерката ја посети и велешката Спомен Костурница, каде што се јавија проблеми поради прокиснувањето на кровот.

Во овој објект е инвестирано многу пати до страна на Министерството за култура. Важно е да се откријат точните проблеми или од каде протекува во внатрешноста, добро е што нема големи оштетувања на мозаикот. Затоа ќе дојде поголем стручен тим каде ќе има  лица до Националниот конзерваторски центар, од Управата за заштита на културното наследство, од министерството за култура, од велешкиот музеј и локалната власт. Има повеќе можности но стручните лица ќе кажат што и како д  се работи. Се разбира нема да биде одминат и Градежниот институт кои работеле на санацијата   - рече министерката Канчевска Милевска. Таа побара од општината Велес да воведе чуварска служба, хортикултурно да го уреди просторот околу споменикот и  да го осветли.

http://tirekovmirece.com

ште половина милион евра за театарот во Велес, ќе ги лапне српска фирма

Министерството за култура ќе и плати дополнителни 457 илјади евра на српската фирма Светлост театар за изведување дополнителни, непредвидени работи на театарот во Велес кои не биле вклучени во основниот договор.

Според договорот објавен на Бирото за јавни набавки, фирмата треба да врши инсталација и пуштање во работа на сценската механика. Досега во изградбата на велешкиот театар државата потроши 3,5 милиони евра а истиот треба да биде целосно завршен пролетва.

http://faktor.mk/archives/20733

Новиот театар во Велес ќе биде готов до септември

23.02.2013 | 15:52   Министерката за култура Елизабета Канческа-Милевска во рамки на посетата на новиот театар кој се гради во Велес,  денеска најави дека објектот ќе биде готов до септември годинава.     Таа заедно со својот тим, придружувани од изведувачите на работитите и надзорните органи, денеска направи увид во изведбата на работите на новата театарска зграда во Велес. Министерката заклучи дека динамиката на работите  добро се движи  и годинава, и најави дека ќе бидат свечено пуштени двата нови театри во Македонија, во Скопје, а потоа и во Велес.   Театарот во Велес, посочи Канческа-Милевска, ќе биде готов во септември годинава, кога ќе се изврши примопредавањето на зградата на претставниците на театарот од Велес „Јордан Хаџи Константинов-Џинот‘‘. Тие потоа ќе работат месец - два на новата премиера, по што до крајот на годинава со свечена премиера, новата театарска зграда  во Велес свечено ќе биде пуштена во функција, најави министерката за култура Елизабета Канческа Милевска.   - Моментално сите фирми ангажирани на новата театарска зграда  работат на усогласување на сценската техника. Ќе има една мала подвижна сцена со сто седишта и втора со 380 до 400 седишта, а за кои столчињата се веќе нарачани. Важно е што машинството во зградата е завршено со  околу 95 отсто  и сега се е сконцентрирано на изведба на работите во внатрешниот дел на зградата. Фасадата скоро се привршува. Исто така сега се договаравме за изгледот на мозаик на главниот влез на театарот под куполата. Мозаикот ќе биде со орнаментика извадена од Стоби, најави Канчевска Милевска.   Таа изјави дека средствата за завршување на работите за новата театарска зграда се целосно обезбедени од Буџетот на Република Македонија, а за што посебно им се заблагодари на премиерот Никола Груевски, на министерот за финансии Зоран Ставревски и сите надлежни министерства и служби.   Колку ќе чини новата театарска зграда во Велес, рече Канческа-Милевска, ќе се знае по целосното завршување на работите. Најави дека јавноста потоа ќе биде информирана за финансиската конструкција на новиот театар во Велес.   - Велес заслужува да има еден ваков современ театар бидејќи театарската традиција е долга, а театарскиот ансамбл во Велес е еден од најуспешните во земјава.  Оваа  инвестиција ќе биде значајна не само за граѓаните на Велес, туку и за Македонија, потенцира министерката Канческа-Милевска.   Директорот на велешкиот Народен театр, Јордан Витанов изјави дека не се знае со која претстава ќе ја отворат новата театарска зграда, но, посочи дека таа ќе биде со македонски текст, македонски автор и режисер. Тој најави дека во внатрешноста на театарот ќе бидат ставени фотографии на значајни личности кои  работеле и соработувале во велешкиот театар и од бројните награди и признанија. Воедно на платото пред новата театрска зграда ќе биде поставен и споменик на патронатот на театарот, првиот театарски писател и драматург во  Македонија,  Јордан Хаџи Константинов-Џинот.