Адора ќе гради станбено-деловен комплекс од 80 милиони евра

Адора инженеринг најави градба на нов елитен станбено-деловен комплекс во општина Центар, инвестиција вредна околу 80 милиони евра.

 „Комлексот ќе се вика Порта Скопје, а оваа инвестиција ќе биде доказ дека не застануваме на патот кон успехот и не случајно сме една од најбрзорастечките компании во Македонија последниве години“, рече Ванчо Чифлиганец, сопственикот и генерален менаџер на Адора инженеринг, за време на синоќешната прослава на 10-годишниот јубилеј на компанијата.

Чифлиганец истакна дека Адора бележи континуиран раст на приходите и добивката од своето почнување со работа во 2002 година, за да во перидот 2011/2012 година влезе меѓу 20-те најуспешни компании во земјава според остварениот приход (околу 25 милиони долари за 2012 година) и меѓу петте најбрзорастечки компании.

За успешниот раст на компанијата на вчерашната свеченост зборуваа и министерот за финансии, Зоран Ставрески, како и директорот на Централниот регистар, Ванчо Костадиновски.

http://www.kapital.com.mk/mk/makedonija/91226/adora_kje_gradi_stanbeno-deloven_kompleks_od_80__milioni_evra.aspx

Не верувам... според ДУП таму се предвидуваат два објекта со комерцијална и/или деловна намена, со висина од 40 м, и П+10 нивоа

Од друга страна пак јас типувам за оваа локација (41°59'49.88"N 21°26'58.46"E), спроти оваа ти што ја сподели, каде што се предвидува објект за домување со висина од 42 м, и П+12+Пк нивоа... а незнам што се и зошто се тие црни правоаголници, зошто би ги покривале ознаките на маркичките од дупот на сликата... тоа до о. Центар е...

Во Прилеп се градат нови згради, автобуска станица и домови во населбата Градина

Во последната Објава за продажба на градежно неизградено земјиште сопственост на Република Македонија, продадена е една парцела за изградба на мали комерцијални и деловни намени во старата чаршија, со големина од 25м2, исто така продадена е уште една парцела за изградба на станбена зграда во близина на касарната, со површина од 2935м2 за изградба на станбена зграда со максимална височина од приземје и 12 ката, соопштуваат од општина Прилеп.

Во оваа објава, информираат од Општината, продадена е парцелата за изградба на транспортен центар – автобуска станица со бензинска пумпа и придружни содржини на место на противпожарниот дом, како и две парцели за домување во новопроектираната населба Градина.

http://faktor.mk/archives/23107

Со финансиски средства од Европската Унија во рамки на ИПА Програмата за прекугранична соработка ќе биде реконструиран кејот на реката Брегалница во Берово.

Активностите, што ќе почнат денеска, се дел од проектот „Обнова на животната средина за поквалитетен живот”, во вкупна вредност од 500 илјади евра, што ќе се реализира во соработка со бугарската општина Сандански. Половина од финансиите се наменети за уредување на кејот во централното градско подрачје на Берово, како и за изградба на пешачка и велосипедска патека и скејт парк со површина од 500 метри квадратни.

На свеченоста е најавено присуство на заменик-министерот за локална самоуправа Сашо Лазаровски

http://kurir.mk/republika/opstini/104586-So-sredstva-od-IPA-ke-se-rekonstruira-kejot-na-rekata-Bregalnica