Жичарница на Водно

И жичарницата Милениумски Крст стана средство за рекламирање.
 

 

 

Одвратно...

според мене, единствена реклама што треба да се закачи на жичарницата е реклама за туристичка промоција на Скопје (или други туристички локации во Македонија).

повеќе би рекол дека е доказ за неисплатливоста на жичарата моментално

државни фирми мора да градат објекти и кога не се финансиски исплатливи,едноставно е тоа општо добро.не се тоа приватни фирми па да вложуваат ако има корист од тоа.еден поголем град(да не речам метропола) мора да има театар(во Кичево нема),повеќе кина,зоолошка,жичара,големи трговски,музеј,опера и балет,убав аеродром,голема жел.станица итн,да не набројувам понатака


ПС.патниот железнички сообраќај никогаш не бил исплатлив,дури ни сега во САД,ама мора да го има

Лоша вест

Жичницата нема да се доградува до Kозле



Лани со жичницата се возеле 350.000 патници, но засега ниту во Градот ниту во Министерството за транспорт немаат планови за доградба на преостанатите две секции

Жичницата на Водно е атрактивна и користена и од скопјани и од туристи, но нема да се доградува до населбата Kозле како што беше планирано затоа што не е приоритет, ниту се предвидени пари за нешто такво. Kога почна изградбата на првата секција од средно Водно до врвот, инвеститорот, Министерството за транспорт и врски, најави дека изградбата на останатите две секции ќе зависи од посетеноста на жичницата и нејзините финансиски резултати. Втората секција е планирана од Институтот за белодробни заболувања до средно Водно, а третата е од црквата „Свети Јован Kрстител“ во Kозле до Институтот.

Две години по изградбата на првиот дел надлежните не размислуваат за реализација на целиот проект, ниту во Министерството за транспорт и врски, ниту во Град Скопје.

- По изградбата и пуштањето во употреба на жичницата од средно Водно до Милениумски крст, Владата на Република Македонија донесе одлука за пренесување на правото на сопственост на жичницата на Градот Скопје - кусо одговорија од Министерството за тоа што планираат со доизградбата на жичницата.

Велат дека договорот со австриската фирма „Допелмаер“, која ја изгради жичницата, се однесувал на проектирање на трите секции и изградба на постојната, но не и за изградба на останатите секции.

Од Градот објаснуваат дека ним им е пренесена сопственоста на објектот, но не и обврската за градење.

- Во програмата за работа за оваа година немаме предвидени пари за изградба на втората секција на жичницата - велат во Градот.

Жичницата ја стопанисува ЈСП „Скопје“, од каде што велат дека имаат позитивен извештај за нејзината работа. Во 2012 година имала 350.000 патници, од кои 220.000 биле возрасни, 60.000 деца, а 70.000 се возеле со бесплатните билети за постарите лица и децата.

Според директорот Мишо Николов, ова прашање е чувствително, а проблем за изградбата се финансиите.

- Потребни се уште 8 до 10 милиони евра за изградба на втората делница. Но, според мене, треба да се направи јавна дебата дали навистина ни треба. Лично сметам дека засега нема поголема потреба, затоа што оној што сака да го посети средно Водно има автобуска линија „Милениумски крст“ што оди дотаму. Сега, откако се затопли времето, ќе биде пуштен отворен, панорамски автобус. Оние што сакаат да одат до врвот, можат да се превезат со жичницата. Но, предностите од изградбата на втората секција на жичницата е тоа што луѓето не ќе мора да користат автобус до средно Водно. За во иднина, добро е да се направи, но сега, во време на економска криза, не е потребно да се потрошат пари за тоа. Подобро е да се пренасочат за нешто друго - вели Николов.

Жичницата е владин проект што свечено профункционира на 2 јуни 2011 година. Изградбата чинеше 6,7 милиони евра. Првата секција е долга 1.750 метри, а вкупната должина на сите три секции е 3.000 метри. Има капацитет да превезе 1.200 патници на час.

http://www.dnevnik.com.mk/?ItemID=AFC77A6156A88B45BC312347F0932676

edno od retkite proketi koi se potrebni i toj e prekinat. bravos

За во иднина, добро е да се направи, но сега, во време на економска криза, не е потребно да се трошат пари за тоа. Подобро е да се пренасочат за нешто друго, некој споменик, некоја врба, нешто...

Бај д веј, Жичарницава испадба попрофитабилна и исплатлива капитална инвестиција, од оние ‚‚капиталнине‚‚ глупости во Центар... сите... заедно...

Edited by FoSsiL - 16-May-2013 at 14:48

Не е некоја новост, и онака од реформаториве научивме дека увек е економска криза кога треба да се вложи во капитални проекти кои реално носат пари, ама економска криза нема за споменици кои носат туристи само у главата на креаторите...

Јас да бев новинар на изјавата на Mишо Николов "Скопската жичница ги надмина очекувањата" ќе го поставев прашањето "Штом е толку популарна кога ќе ја продолжите?"

Но нели ние имаме курири, не новинари...

Инаку дефинитивно ова зо жичарата е полн погодок. Само да им текне да посадат нискостеблеста шума долж трасата лошо изгледа вака исечено зеленилото гледано од Скопје.

Edited by alexsend - 17-Aug-2013 at 22:00

Ејјј која беда сме ние МАКЕДОНЦИТЕ, пред да почне да се гради жичницата Средно водно - Милениумски Крс, плачевме кукавме плукавме дека не треба да се гради глупост било, дека само пари ќе се трошеле, се уништувала шумата, кој ќе ја користел, пари се переле и ред други коментари и изјави, ЗА ДА ДОЈДЕ РЕД ДЕНЕС ДА КУКАМЕ И ПЛУКА ЗОШТО НЕ СЕ ГРАДИ ДРУГИОТ ПРЕДВИДЕН КРАК?????? Е АЈ СЕГА РАЗБЕРЕТЕ ШТО САКАМЕ?????? ОФ МОРИ МАЈКООО - ГОСПОД НЕКА НИ Е ПОМОШ СО ТИЕ ЛУДИ ГЛАВИ !!!!