Споменици и скулптури (општо)

Скулптурат го носи името „Скопје 63“, изработена е од академик Томе Серафимовски, а на оригиналното место беше поставена во 2006.

За својата скулптура, која преставува женско тело во грч и болка без лева дојка и срце, авторот Серафимовски вели дека ја симболизира безживотноста на разурнатото Скопје. Скулптурата ја одразува болката што скопјани во тие моменти ја почувствувале поради загубата на најмилите, но и за градот што веќе не постоел.

http://star.utrinski.com.mk/?pBroj=1230&stID=7079&pR=10


Edited by OCB - 15-Jun-2013 at 15:38

Мислиш Македонија сносила светска војна па споменици за бранители.
Претераа.

Пред „Пиво фест“ Прилеп ќе добие футуристички споменик

Среде кружниот тек во центарот на прилеп. кај основниот суд почна поставувањето на споменикот „прилепски бранители". модерното спомен обележје посветено на сите бранители и херои кои ги дал градот забрзано се монтира.Според Бранко Нешкоски, раководител на јавното претпријатие за урбанистичко планирање при локалната самоуправа станува збор за модерно здание високо над 15 метри.- ќе биде импозантно спомен обележје, модерно, стилизирано во форма на спирала. ќе ја симболизира вечноста на спомените, на вечното опстојување на човекот и неговите дела. ќе има посебно осветлување, а облежјето ќе ги дава и сите информации неопходни за запознавање на градот што ќе му значат и на секој турист и патник намерник, рече нешкоски.споменикот треба да биде готов до почетокот на големата летна манифестација „пиво фест" која почнува на 18 јули, а чини околу 50.000 евра.

Прилеп има споменик со десет краци и на врвот топка, посветен на загинатите бранители кај „карпалак" 2001 година. тој е во корелација со спомен обележјето во негова непосредна близина во знак на сеќавање на 10. загинати бранители.

http://www.tera.mk/2013070767063/aktuel/pred-pivo-fest-prilep-kje-dobie-futuristichki-spomenik

Неколку слики од новиот споменик во Прилеп, еднинствено не ми е јасно зошто не го поставија во центарот на самиот круг туку на крајот

НЕ СЕ САМО МАKЕДОНЦИТЕ ЖРТВИ НА БАЛKАНСKИТЕ ВОЈНИ

МЕМОРИЈАЛЕН ЦЕНТАР ВО ЗАЈАС ЗА ЗАГИНАТИТЕ АЛБАНЦИ ОД 1913 Г.





Спомен-обележјето што веќе почна да се гради кај триестметарскиот јарбол со албанското знаме во Зајас ќе биде распослано на 3.220 квадратни метри, ќе го опфаќа споменикот „Албанската мајка“, кој ќе биде поставен во централниот дел, надгробни плочи во цилиндрична форма поставени од двете страни на споменикот, музеј во поранешната општинска зграда на Зајас, како и паркови и фонтани

На десната страна на патот од Гостивар за Охрид, кај селото Зајас, Kичевско, ќе никне голем меморијален центар во спомен на убиените Албанци од кичевскиот регион од српската војска во балканските војни. Со ова, 100 години по балканските војни, Зајас преку ДУИ ќе им даде почит на убиените роднини и соселани и, како што велат, ќе ги упокојат нивните души еден век по погибелот.

Спомен-обележјето на убиените во 1913 година, кое веќе почна да се гради и ќе биде распослано на 3.220 квадратни метри, ќе го опфаќа споменикот „Албанската мајка“, кој ќе биде поставен во централниот дел, надгробни плочи во цилиндрична форма поставени од двете страни на споменикот, музеј во поранешната општинска зграда на Зајас, како и паркови и фонтани. Дел од големата споменична композиција ќе биде и веќе поставениот триесетметарски јарбол со албанското знаме, подигнат од лидерот на ДУИ, Али Ахмети на одбележувањето на 100-годишнината од независноста на Албанија. Меморијалниот центар треба да биде готов до 28 Ноември- Денот на албанското знаме.

На терен веќе е видливо дека се расчистува делот од левата страна на општинската зграда, или десно од патот Зајас-Охрид, каде што се поставени и неколку надгробни плочи во форма на цилиндри, кои на врвот завршуваат со светилка, како симбол дека убиените не се заборавени. Kоординаторот на Kомисијата за изградба на спомен-обележјето и поранешен градоначалник на Зајас, Мусли Муслиу не можеше да прецизира колку ќе чини изградбата на меморијалниот центар. Одлука за изградба на комплекс на спомен-обележје на историските периоди, настаните и значајните личности за граѓаните на Зајас, донел Советот на Општина Зајас, лани во декември.

Спомен-обележје за 500 убиени Албанци

- Земјиштето ни го подари бизнисменот Дестан Алиу, кој работи во САД. Привршува изградбата на споменикот на албанската мајка кој се изработува во Албанија, а на целиот проект работат домашни и архитекти од Kосово. Спомен-обележјето би требало да чини околу 200 илјади евра - вели Муслиу и додава дека парите се обезбедуваат од локални бизнисмени како и од дијаспората.

Неодамна, на промоцијата на проектот за меморијалниот центар „Сто години сеќавање за паднатите борци и жртви“, освен лидерот на ДУИ, Ахмети, присуствувале и вицепремиерот Муса Џафери, вујкото на Ахмети, Фазли Велиу, градоначалникот на Kичево, Фатмр Дехари, и координаторот на проектот Муслиу, семејства на убиените во 19013 година, како и архитектот од Kосово, Бујар Демјаха, кој го презентирал проектот.

Муслиу ни потврди дека се размислува дел или целата поранешна општинска зграда да биде културен дом, галерија и музеј. Според проектот, планирано е да има 500 гробни места.

Допрва ќе следи ексхумација

И додека изградбата на меморијалниот центар треба да заврши релативно брзо, до Денот на знамето, потешкиот дел, односно откривањето на масовните гробници, откопувањето на телата и префрлањето во меморијалниот центар ќе трае од 10 до 15 години. Месното население претпоставува дека на територијата на Општина Kичево има девет масовни гробници, од кои три или четири се само во Зајас. Во разговор, братот на лидерот на ДУИ Ахмети, Ведат Ахмети, ни откри дека во атарот на дворното место на четирите куќи на семејството Ахмети во Зајас има една таква масовна гробница.

- Во бунарот во нашиот двор, според раскажувањата, најверојатно се убиени и фрлени 40 мажи-Албанци. Тогаш, во потрага по вода, во жешкиот летен период, повеќето семејства копале бунари. Бунарите биле земјени, како дупки. Според преданијата, само во бунарот во нашиот двор се убиени околу 40 мажи и деца. Во балканските војни од српската војска во кичевскиот реон најмногу настрадаа Албанците од Зајас, односно биле убиени околу 300 жители. Освен масовните гробници, кои најчесто се во селските бунари има и поединечни гробови на убиени жители од Зајас. Можете да замислите коков погибел било тоа кога Зајас шест недели по убиствата ечел од оплакувањето на жените и на мајките на своите блиски - вели Ведат Ахмети.

Се претпоставува дека во Зајас најмасовна е гробницата кај старата џамија, каде што има затрупано околу 120 жители.

За ексхумација на убиените во масовните гробници е потребно одобрение од надлежните институции во државава. Лидерот на ДУИ, Ахмети, најави дека допрва од институциите ќе е бара дозвола за откопување на убиените.

- Во меморијалниот центар ќе се префрлат телата на сите паднати борци кои с` уште се во бунари, планини и масовни гробници. Ве уверувам дека нема да оставиме непомрднат камен додека не ги најдеме. Ќе формираме инспекциска група за масовните гробници откриени на многу локации во Kичево. Ќе ги истражиме имињата на исчезнатите во архивите, ќе контактираме со фамилиите што ги загубиле блиските за да ги најдеме сите што го загубиле животот. Сите тие ќе имаат гроб како што и заслужуваат, со почестите што ги заслужуваат - изјавил Ахмети на промоцијата на проектот.

И додека трае изградбата на меморијалниот центар, останува неодговорено дали новата Општина Kичево ќе ја преземе обврската да го кофинансира проектот (финансиски замислен да се покрие преку јавно-приватно партнерство) и во иднина да се грижи за неговото одржување. Kако и тоа кој ќе ја финансира ексхумацијата на убиените во 1913 година и нивното преместување и упокојување во меморијалниот центар.

СКУЛПТУРАТА „АЛБАНСКА МАЈКА“ НА ЦЕНТРАЛНА ПОЗИЦИЈА

Скулптурата на жена именувана „Албанската мајка“ ќе има централна позиција во меморијалниот центар и се очекува да биде поставена до Денот на знамето. Таа ќе ја симболизира жртвата на сите мајки и нивната болка за изгубените деца во војните. Скулптурата во бронза ќе биде висока меѓу 3.50 и 3.80 метри и ќе биде поставена на бетонски постамент.

Ја изработува познатиот албански скулптор Тома Томаи, кој го изработи и споменикот на Скендер-бег во Скопје.

Мариела ТраЈковска

http://www.dnevnik.com.mk/default.asp?ItemID=E9DEF867AFB2C242BC224A35D2D14D1B

Од главниот булевар малку безвеза ми е изгледот, но како цело не е лош, навачер интересно е осветлен.
Секако уште не ми е јасно зошто не е поставен централно

„Прилепски бранители“ официјално во функција на 8-ми август Импозантното спомен обележје “Прилепски бранители”, високо преку 15 метри, поставено на новиот кружен тек во центарот на градот ќе биде официјално пуштено во упшотреба на 8 август денот на одбележувањето на 12 годишнината од загинувањето на десетте бранители кај Карпалак. На овој урбанистички потфат претходеше градежна интервенција на вкрстувањето од булеварот "Гоце Делчев" и улицата "Димо Наредникот" со изградба на кружнен тек чија цел е олеснување на сообраќајот. Името е избрано поради значајното учество на прилепските бранители. Споменикот е челична конструкција со височина од 15 метри. Неговата впечатливост доаѓа до израз со специјално осветлување кое на временски интервали ја менува бојата.

http://prilep.gov.mk/news/mk/prilepski-braniteli-oficijalno-vo-funkcija-na-8-mi-avgust/

Edited by Bulldozer - 26-Jul-2013 at 18:15

Не сакам да звучам неблагодарно, но можеле еден вистински шатор да стават, не морале толку да се мачат од бетон да го делкаат. Многу "креативно" во секој случај.

Edited by HugoGoulding - 27-Jul-2013 at 22:11

Originally posted by alexsend Изминативе денови има не еден туку цел камп (10+ шатори) кај градска плажа 1, вистински и изгледа многу симпатично.

тоа се „активистите“, правеа рекреација на постземјотресната ситуација, имаше и во парк шатори

Споменикот на Мисирков свртен кон „Рекорд“

Споменикот на Крсте Петков Мисирков на плоштадот „Пела“ во центарот на Скопје, викендов бил поместен за неколку чекори и сега е свртен кон улицата Димитрие Чуповски.



Со ова скулптурата се извади од затскриеното место зад грандиозната фигура на Павел Шатев поставен како седи на стол и во сенка на Триумфалната капија каде во својата минијатурност не се забележуваше.



Споменикот на основоположникот на македонската литература беше поставен во 2007 година од страна на „Фондација Рамковски“. Автор на делото е Боро Митриќевски.



http://skopjeinfo.mk/gradot/1977634760/spomenikot-na-misirkov-svrten-kon-rekord