Националната арена „Филип Втори“ одамна е нешто со кое се гордеат сите во Македонија, имаме најубав стадион од целата поранешна Југославија, сите соседи ни завидуваат, но...

Најавениот елитен стадион, за кој беше најавено дека ќе ги има сите услови за организирање европски натпревари, по којзнае кој пат падна на испитот. Попладнево Вардар и Металург одиграа натпревар на терен покриен со снег, исчистен само таму каде што се линиите што ги означуваат границите на игралиштето.

Се наметнува прашањето, зошто не се вклучија грејачите кои наводно ги има под тревата, за снегот да биде стопен, па актерите на мечот да имаат максимални услови за игра. Особено што снегот паѓање ноќеска и имаше 12 часа време за теренот да биде во топ-форма.

Ако се знае дека на нашиот најубав стадион неколку месеци не се играше фудбал поради реновирањето на тревата (!?), нешто што се случува секоја година, тогаш излегува дека некој бајаги ја утнал при изработката на теренот. Зашто, џабе ни е стадион што може да гарантира добри услови само во (про)летните месеци од годината.

А само кога ќе помислиме дека ФФМ се кандидираше за домаќин на ЕВРО 2020 година токму со „Филип Втори“...

http://www.mkd.mk/sport/fudbal/nitu-e-od-eliten-stadion-kade-e-greenjeto-koe-go-topi-snegot-na-filip-vtori-foto