Во „Кромберг и Шуберт“ се работи во три смени – најавени нови вработувања

Германскиот инвеститор „Кромберг и Шуберт“ кој се распосла на парцела во индустриската зона Жабени, работи со полна пареа, објавува Нова Македонија.

Зголемените нарачки за кабли за автомобилската индустрија диктираат и ново темпо, па  во „Кромберг и Шуберт“ се работи буквално во три смени.

Раководството во фабриката и локалната самоуправа ги дематираат шпекулациите дека наводно голем број вработени даваат откази бидејќи се незадоволни од условите за работа и од германската дисциплина, информирајќи дека напротив, постојано расте бројот на вработени.

“Во моментов во „Кромберг и Шуберт“ се вработени вкупно 836 лица, а до декември се очекува да бидат вработени уште 200 нови работници, со што ќе биде надмината предвидената бројка на вработувања од 1.000 лица до крајот на 2013 година, која беше поставена со бизнис-планот на раководството на фабриката”, вели битолскиот градоначалник Владимири Талески за Нoва Македонија.

Од Општина Битола велат дека очекуваат од следната година во фабриката да се вработат уште најмалку 1.000 лица, а вкупниот број вработени до 2015 година да се заокружи на 2.500 работници.

-Во „Кромберг и Шуберт“ тврдат дека на тоа нема да застанат со вложувањето во индустриската зона Жабени. Имено, според информации од овој гигант, сопствениците на „Кромберг и Шуберт“, кои наскоро ќе пристигнат во Битола и ќе присуствуваат на свеченото отворање на фабриката, планираат во индустриската зона да изградат уште една фабрика, во која ќе бидат вработени уште 2.500 работници. За реализација на таквите планови тие веќе имаат купено градежни парцели во непосредна близина на првата фабрика, пишува Нова Македонија

Edited by Danielbtmk - 28-Sep-2013 at 15:17

„Жабени“ доби нов жител, грчката компанија „Виндор“

Во индустриската зона во Битола, „Жабени“ денеска се поставија темелите на уште една фабрика, специјализирана за производство на врати и прозорци од ПВЦ и алуминиум.

Станува збор за грчката компанија „Виндор“ од Лерин.

На свеченоста присуствуваше и сопственикот Костас Мицопулос, чии сеемен бизнис датира од 1974 година.

„Објектот брзо ќе го изградиме. На почеток ќе биде на површина од 340 метри квадратни, а конечната форма ќе биде поставена на 2.500 метри квадратни. Веднаш ќе се вработат 20 лица, а потоа ќе се зголемува бројот на нововработени во зависност од потребите на компанијата. Ќе продаваме во Македонија, а ќе извезуваме и во Грција. Тешко време е да се инвестира, но треба да се инвестира, бидејќи ако застанеш, тогаш нема развој. Инвестирав бидејќи тука има добри луѓе“, истакна Мицопулос.

Грчката инвестиција е втора по ред во зоната „Жабени“ по влезот на гигантот „Кромберг и Шуберт“.

Бизнисмен од Австралија во Жабени ќе гради фабрика за чипс

За две недели ќе започне изградбата на фабрика за чипс во ИЗ ''Жабени'' во Битола, а инвеститор е австралиски бизнисмен по потекло од Битола, кој дванаесет години работи во оваа држава

  За две недели ќе започне изградбата на фабрика за чипс во ИЗ "Жабени" во Битола, а инвеститор е австралиски бизнисмен по потекло од Битола, кој дванаесет години работи во оваа држава. Инвестицијата во прва фаза ќе чини околу два милиони австралиски долари и за почеток ќе бидат  вработени 70 лица. Ова денеска во ``Жабени`` го најави полномошникот на австралискиот инвеститор при средбата со првите луѓе на индустриската зона и претставниците на Агенцијата за привлекување на странски инвестиции.

Edited by Danielbtmk - 27-Apr-2014 at 17:41

Почетна плата кај обичен работник започнува со минималец, но колку што разбрав после третиот месец имало поакачување па на 6 месеци и така. Ова онака неофициално од пријатели

Originally posted by Razbirash Што плати даваат Кромберг и Шуберт?Има ли 200 евра или минималец?

Јас колку што разбрав некој почнуваат со 9 ,некој со 10 некој со 12 (ова зборувам за работниците и е зависно според квалификациите) и потоа следат покачувања во зависност од ефективноста и напредокот но не се многу големи.
Ова важи за претежно сите компании што дојдоа во Македонија.

Во држава со 30% невработеност нормално е дека фирмите ќе дават минималец. Добро е што почнаа да се отварат скоро во сите региони во Македонија, така што со намалување на навеработеноста автоматски ќе почнат да се качуват и платите. 

Даци покрај тоа што во регионите каде што доаѓаат овие фирми се намалува невработеноста и се зголемува куповната моќ, според мене можеби и најбитен фактор е дека овие фирми воведуваат други стандарди на работа кои подоцна би требале да бидат пример и за нашите работодавци. Значи секаков вид на осигурување на вработените, дисциплина и хигиена на работно место, заштита при работа и слични работи кои верувам дека ќе се спроведат приближно на Германските стандарди. Исто така во овие фирми ќе се обучат луѓе некој за поедноставни но некој и за менаџерски и инженерски функции, значи во овој дел што  е многу битно може да се подобрат условите за практично образување на средношколци и студенти. Потоа се зголемуваат и можностите на нашите домашни фирми за пласирање на своите производи за потребите на овие компании а зошто да не за снабдување и на оние филиали кои се надвор од Македонија. Исто така треба да се земаат предвид и сите оние кои секојдневно вршат некоја услужна дејност а тоа се превозници и снабдувачи на храна. Освен тоа овие фабрики некој ги гради и одржува така да и во тој дел има луѓе кои имале некоја добивка. Исто така со зголемување на бројот на вакви компании се зголемува и потребата и исплатливоста за изградба на инфраструктура. Да не зборувам дека луѓето што зимаат плата од овие фирми своите пари некаде ги трошат и тн. и тн. Ова се оние придобивки кои во моментов ми паднаа на памет.

За платите може да се дискутира, како и за исплаќањето на прекувремената работа. Може и да се дискутира за тоа што овие неколку фирми се исклучиво трудови и најголем дел од вработувањата се ниско квалификувана работна сила., а продуктите немаат некоја голема додадена вредност ниту пак некој "know how". Но според мене тоа е и некој    природен развој на една држава, сликовито кажано период кога учиме да зборуваме и одиме, после тој период логично би било да учиме и да пееме и трчаме. А тој период се најавува со фирмата  со фирмата најавена во Велес (Маркард или така нешто се викаше неможам да се сетам во моментов)

Така да како и да завртиш овие фирми се добредојдени во Македонија се додека се држат на законите и екологијата .

           
Се бара работник повеќе во германската „Кромберг и Шуберт“




     
Досега во фабриката се вработени вкупно над 1.950 работници и, ако се знае дека неделно во фабриката се вработуваат по најмалку триесетина нови работници, постојат реални услови во текот на идната недела да ја достигнеме бројката од вкупно 2.000 работници, велат во компанијата




     
Осумстотини деца на вработените ја посетија компанијата

Зоната „Жабени“ го размрда пазарот на трудот во Битола

Во наредните неколку дена бројот на вработените во германската фабрика „Кромберг и Шуберт“, која се наоѓа во индустриската зона „Жабени“, ќе достигне 2.000 работници. Според информациите од компанијата за изминатите 8 месеци од крајот на минатата 2013 година, во оваа фабрика се вработени околу 1.200 нови работници.

- Досега во фабриката се вработени вкупно над 1.950 работници и ако се знае дека неделно во фабриката се вработуваат по најмалку триесетина нови работници, постојат реални услови во текот на идната недела да ја достигнеме бројката од вкупно 2.000 работници - велат од „Кромберг и Шуберт“.
Се вработуваат работници од разни профили, но најголемиот број од нив се со средна стручна подготовка. „Кромберг и Шуберт“ секојдневно во Агенцијата за вработување и на огласната табла објавува огласи за нови вработувања, а речиси секој ден се спроведуваат интервјуа со кандидатите за вработување.

Во компанијата не кријат дека во завршна фаза се подготовките за организирање голем музички хепенинг во Градскиот парк, со што и официјално ќе биде означено вработувањето на двеилјадитиот работник.

Школски прибор за децата на вработените

Строго држејќи се до германската прецизност и темелност, во „Кромберг и Шуберт“ ништо не се препушта на случајот, па така и реализацијата на амбициозниот проект за 2.000 вработувања ќе биде одбележан на специфичен германски начин, во природа, со музички хепенинг во кој ќе земат учество дечињата на сите вработени. На тој начин, како и со организирањето на заедничкиот ручек што во изминатите три дена оваа компанија го организира во кантината на фабриката за над 800 деца на вработените, како и доделувањето на школски прибор за сите нив пред почетокот на новата учебна година, „Кромберг и Шуберт“ на најдобар начин покажува дека покрај тоа што се грижи на вработените да им овозможи добри услови за работа, многу води сметка и за семејната традиција и за фамилијарните врски на сите вработени.

Во компанијата се водат од филозофијата дека само среќен работник, кој има хармонизрана семејна врска, може да го даде својот максимум во процесот на производство. Таму се свесни дека работник што има семејни проблеми никогаш не може да се внесе доволно во работата и да го даде својот придонес во производството.

- При прошетката на одредени клучни места во погонот, претставници од раководството на фабриката на конкретни оддели им го објаснуваа процесот на производство, а посетите завршуваа со заедничко дружење и со забава во кантината на фабриката, каде што децата цртаа, се дружеа и меѓусебно подобро се запознаваа - нагласуваат во „Кромберг и Шуберт“, каде што не кријат дека постојаното подобрување на работната атмосфера, зајакнувањето на тимскиот дух и колегијалноста, како и грижата за вработените остануваат врвен приоритет за менаџментот на фабриката.

Ќе се произведуваат кабли за „Ауди“

Инаку, во фабриката моментно се произведуваат кабли за автомобилската индустрија за возилата „мини морис“, „бмв“ и „мерцедес“. Додека порано каблите што се произведуваа во „Кромберг и Шуберт“ одеа на доработка во Романија, сега комплетно е заокружен процесот на производство и сите кабли што се произведуваат се пласираат на странските пазари. Наскоро во „Кромберг и Шуберт“ ќе почне производството на кабли за возилата на „Ауди“, со што уште повеќе ќе се зголеми производството, а тоа ќе придонесе до ново зголемување на бројот на вработените.

Во „Кромберг и Шуберт“ не кријат дека доколку продолжи ваквиот пораст на производство наскоро бројот на вработените ќе достигне до 3.500 работници, по што оваа фабрика ќе биде компанија со најголем број вработени во земјава, многу повеќе отколку што во моментот вработува РЕК „Битола“.
Имено, „Кромберг и Шуберт“ е германска семејна фабрика со над 110-годишна традиција, која моментно вработува над 27.000 работници во 22 држави во светот.

     
Автор: Менде Младеновски

http://www.novamakedonija.com.mk/NewsDetal.asp?vest=82614192716&id=9&prilog=0&setIzdanie=23260#.VAAfrLUSbHM.facebook     

Битола има ментален проблем како и Кичево поради термоелектраните.Имено во РЕК Битола работат над 3000 луѓе а платите им се многу големи во споредба со останатите државни институции.

ВО РЕК Осломеј најниска плата има чистачка која зема 25 000 денари,а кај нас инспектор во крим полиција со се стаж зема 23-24 000 денари.Инженерите кои одат по смени земаат над 50 000 денари.

Е што е проблемот.проблемот е што тие што не се вработени во рек-овите кога ќе им се понуду работа во фабрика како Кробмерт за 12-15 000 денари несакаат да чујат за тоа.не прифаќаат и се надеваат дека некако ќе влезат во електраните преку пријатели,партии(тука најчесто користат уцени пред избори),......и нормално се ствара љубомора.

Дополнително тензијата ја креваат вработенитево електраните кои се однесуваат да речам `неконтролирано`.Скоро сите одат на работа со коли наместо со фабричките автобуси(така им било `поевтино),по цел ден се по кафани,трошат без милост,а многу од нив од бес почнаа да се коцкаат.

Тоа предизвикува голема завист кај останатите граѓани и све потешко можат да се најдат работници за по проватните фирми.

Сите без исклучок одбиваат со зборовите-јас да работам за 200 евра а оние од РЕК-от да беснеат од пари?

Моментално во кичево најзаглавени во кредити се баш вработените во РЕК-от.Изгубија компас за реален живот и влегуваат од еден во друг кредит.Повеќе од половината воопшто не земаат плата,бидејќи скоро целата им оди на кредити.