Враќање на коцката на Плоштад Македонија

ова е само намалување на трошокот,но сепак трошок ќе се прави.

Дознајте какво “чудо“ ќе никне наскоро на скопскиот плоштад

Екипите на Градот Скопје од утре ги почнуваат градежните работи за изведба на површинска, таканаречена сува фонтана (џампинг џет), на плоштадот „Македонија“, на просторот меѓу фонтаната „Воин на коњ“ и влезот во Камениот мост. Фонтаната ќе биде со правоаголна форма, со димензии 20 на 10 метри и вкопано армирано-бетонско корито. Површината врз армирано-бетонското корито ќе биде изработена од светлосиви гранитни плочи со димензии 60 на 60 сантиметри и со дебелина од 10 сантиметри.

На плочите од фонтаната ќе бидат поставени ЛЕД светилки со отвори за вградување млазник. Фонтаната ќе ја сочинуваат 128 млазници со 128 светилки. Визуелниот ефект на фонтаната ќе се постигне со игра на млазевите, а навечер и со игра на светлата.



Во близина на фонтаната ќе се изведе комора/машинска хала во која ќе се постави неопходната опрема за работењето на фонтаната: сензори, скимери, филтри, сонди и друго.



Покрај изведбата на површинска фонтана на плоштадот „Македонија“ ќе се изврши и реконструкција на партерот на плоштадот.



Водата што прска од млазниците ќе понира меѓу плочите и ќе се враќа во системот. Атмосферските води од партерот преку каналетки ќе се одведуваат преку постојната атмосферска мрежа.



Реконструкцијата на партерот на плоштадот „Македонија“ ќе се врши етапно, за да се овозможи непречено движење на пешаците во текот на градежните работи. Фиксно оградено градилиште ќе се формира околу просторот за новата површинска фонтана, а другите делови ќе се обновуваат во фази.



Проектот за изградба на површинската фонтана и за реконструкција на партерот на плоштадот „Македонија“ е на Јавното претпријатие за просторни и урбанистички планови – Прилеп, а на терен ќе работат екипите на градежната компанија „Трансмет“ од Скопје. Овој проект ќе чини околу 150 милиони денари, од кои Градот Скопје ќе обезбеди една третина од средствата, а Владата на Република Македонија – две третини од средствата.



Градежните работи треба да завршат за 120 работни дена или за повеќе од шест месеци.
http://www.press24.mk/doznajte-kakvo-chudo-kje-nikne-naskoro-na-skopskiot-ploshtad

Болдот си најде место и во Новинарштина

Во право си Гитар

Значи не се враќа старата коцка туку ПАК ќе се менуват она што беше поставено?

Зарем суштината за фрката што се направи при предлогот беше да не се прави нова реконструкција,а не тоа дали стари коцки ќе враќале?

Ова само кај нас го има...значи буквално само кај нас!
Ова е наш патент.

Edited by kiriOK - 06-Jun-2014 at 09:23

Не гледаат недоветните дека пола Скопје нема канализација. Битно е плоштадот да го преправаат на секои две години.

Ако знаат нека го направат саглам еднаш засекогаш. Ако не знаат, нека донесат тимови од странство кои знаат и нека го направат.

А што е ова, вади коцка, ставај плочи, камионите врвеле по плочите, ги деформирале, вади ги тие плочи, повторно враќај коцка, повторно камиони ќе поминуваат и ќе ги испокршат и тие коцки, вади ги тие коцки , ставај бекатон - занимација за наредните 10 години.

Нема да бидат задоволени само со плоштадот...
100 % сум сигурен дека следна е улица Македонија

Originally posted by ehrlich Улица Македонија е на Општина Центар, не е под нивна ингеренција

Така се тешиш ? хахахаха

Ќе се гаси при та намена.

Логично, очекувам и „случајно“ да се вклучува кога „другите“ евентуално би имале митинг.

која е целта на еден плоштад ако ги блокираш сите пешачки протоци кон и вон него? тоа му го направија на плоштадот Карпошово востание, а сега му го прават и на овој... кога веќе се одлучија да го блокираат плоштадот со објекти, можеа барем на раат да го остават самиот плоштад после хаосот со споменици
за жал фонатанава е многу подобро решение од тоа што го видовме досега, ама доаѓа многу доцна и предимензионирано, на погрешен простор, како и се друго

Дали ќе се интервенира само на делот на Плоштадот од Воинот на коњ до Камениот Мост, а ќе се остави делот помеѓу Воинот на коњ и Цар Самуил кадешто после секој дожд се создаваат вирови?