Зоолошки градини во Македонија

И за крај, неколку панорами од зоолошката...

МАЈМУНЧЕТО ЛУКА Е ОМИЛЕНИОТ ЧЛЕН ВО ЗООЛОШКАТА ГРАДИНА
Лука е роден на 18 февруари, пред неколку дена наполни три месеци. На секои два часа пие 100 милилитри млеко за бебиња. Си легнува во девет часот навечер, станува во четири наутро. Има осум запчиња. Прооди на еден месец, а сега веќе трча, скока, не можеш да го запреш, постојано е во движење.

Секој ден е облечен во чиста облека, претежно со животински принтови. Носи и пелени. Обожава да се клацка на клацкалка, боичките му се омилени играчки, а ќебенцата слабост. Без нив не може да заспие. Сака да се гали, да се гушка. Гледа телевизија, а најголемо внимание му привлекуваат цртаните филмови. Го нервира кога некој му пречи во оброкот, слуша кога му зборуваат, а веќе реагира и кога ќе си го слушне името. Пријателски е настроен кон секого, културно се поздравува и љубопитно и ненаметливо се задева. А децата му се најдобри пријатели, со нив ги дели и омилените играчки.

Лука е мајмунче павијан, член на Зоолошката градина. Набрзо по раѓањето беше отфрлен од мајка си. Но за среќа, најде место во срцата на негувателите од градината.

СЕ ОДНЕСУВА КАКО ДЕТЕНЦЕ

Откако го отфрли мајка му, Лука се најде на метата и на другите мајмуни од овој вид. Но Зера Бекировска, негувателка распределена на реонот на мајмуните, му ја понуди сета љубов и нега што му се потребни, како и својот дом и семејството.

- Една недела по раѓањето беше отфрлен од мајката. Тој е нејзино првороденче, но не сакаше да го прифати. Најверојатно немаше мајчински инстинкт, не сакаше да се грижи за него. Затоа го извадивме од кафезот и колешката Зера почна да се грижи за него, таа е замена за неговата мајка и воедно му е кума. Но бидејќи му е потребна комплетна нега и бидејќи бара многу внимание, ја менувам кога е потребно. Три месеци го чувавме во домашни услови, како и секое друго милениче, спиеше со нас, делевме ист кревет. Спиеше прилепен до мене, во текот на целата ноќ. Се будеше на секои два часа за да јаде, а веќе во четири наутро беше наспан и беше подготвен за играње. Ме чепкаше за коса, ме задеваше за да ме разбуди и да се дружиме. Без разлика колку бев уморна, станував и си игравме. И така речиси секој ден - објаснува Биљана Јовановска, одговорна за Едукативниот центар во Зоолошката градина.

Едукативниот центар му е игротека или градинка. Тука поминува поголем дел од денот. Омилени играчки му се боичките, обожава да си игра со нив, затоа и го викаат Уметникот.

- Воопшто не е тешко да се одгледува, напротив интересно е, ни го разубави секојдневието. Уживање е да имаш ваква работа. Воопшто не го гледам како мајмунче, туку како човече. Многу беше забавно да се грижиме за него. Засега воопшто не покажува носталгија кон мајка си или кон другите членови од овој вид, се приврза кон нас - раскажува Бекировска.

ПОИНТЕЛИГЕНТЕН ОД ДРУГИТЕ

Моментално Лука е сместен во собата на негувателите во Зоолошката градина, која сега е пренаменета во негова „детска соба“. Веќе една недела спие сам, но под будното око на видеокамерите и чуварите на Зоолошката. И засега нема никакви проблеми. Заспива околу 22 часот, спие во текот на целата ноќ и се буди во четири наутро. Во тој период нема никој со него, па сам си игра со играчките. Не излегува од креветчето и не прави пакости. Сега веќе пробуваат да му даваат храна, како банана или природни кашички, но не ги сака многу - млечната формула му е омилена храна.

- Кога го посвоивме, му купивме креветче, ќебенца, играчки, облека и се грижиме за него, баш како за бебе. Облеката не му е за имиџ, туку за да му држи топло. Многу сака деца. Секогаш е расположен да си игра со нив. Им ги дава своите играчки и чепка по облеката и косата, им седнува во скутот, веднаш си наоѓа пријателчиња за дружење. Многу е поинтелигентен од другите, но тоа можеби се должи на околината во која расте, како и тоа што е во постојан контакт со луѓе. Му пуштам цртани филмови на мобилниот, а со мајка ми Мирвета, додека го чував дома, гледаше телевизија, серии. Задоволство беше да го имаш дома - раскажува Бекировска.

Ги препознава сите вработени во Зоолошката, има „баби“, „тетки“, „вујковци“, „чичковци“, тој е омилен член на ова семејство. Многу е љубопитен, сака постојано да открива нови работи. Исто така, сака и кучиња, а се плаши од непознат простор, но само додека го осознае.

- Зера е негов омилен лик. Се радува кога ќе ја види, скока. Ако не е тука таа, јас сум со него. Станува од спиење, јаде, си играме, го шетаме, има пладневна дремка. Пак јаде. Пак си играме, се дружи со посетителите. Заспива. Вака горе-долу изгледа еден ден на Лука. Користи пудра, шампон за деца, влажни марамчиња. Се грижиме за него баш како за бебе. Скока, рипа, се сопнува, паѓа, разликата со дете е што веднаш се исправа, не плаче. Другите колеги од реонот, Бојан и Кристијан, одговорни се за вежбите и тренинзите на Лука. Кога од некоја причина ќе се исплаши, најбезбедно се чувствува кај Зера - ни вели Јовановска.

Тие го прават ова од љубов. А велат дека Лука им е како подвижен лексилиум, затоа што во негово друштво не ти преостанува ништо друго освен добро да се расположиш. Но и редовните посетители на градината уживаат во негово друштво. Многу дечиња доаѓаат да си играат со него, да му донираат храна, облека.

- Има едно дете, Лука, кое има три години, кое исто така се приврза кон него, нѐ посетува речиси секој ден и си игра со него, му носи млеко и облека - додава Јовановска.

Во наредниов период Лука ќе го чуваат на овој начин, а во иднина за него ќе биде подготвено посебно живеалиште, настрана од другите павијани.

     
Автор: Сања Јачевска / sanja.j@novamakedonija.com.mk      Фотографија: Горан Анастасовски

Зоолошката во Битола добива европски лик

Центарот за развој на Пелагонискиот плански регион во рамките на проектот “Иновативни едукативни програми за зајакнување на природните ресурси во прекуграничниот регион Пелагонија/Лерин - Зоо Иноватива”, ја започна реконструкцијата на живеалиштата во Зоолошката Градина во Битола



Центарот за развој на Пелагонискиот плански регион, од вкупно 700 илјади евра предвидени за македонската страна, над 400 илјади евра директно инвестира за изградба на новите живеалишта во Зоолошката градина.

-На крајот од градежната сезона ќе има живеалишта за повеќе домашни животни кои претходно ги немаше во градината, за: лисица и ракун, мајмуни, мечка, рис, тигар, лав и фарма за домашни животни и два комплементарни објекти - Порта и Билетара. Реконструктивните зафати се одвиваат по сите стандарди на Европската асоцијација за животни и аквариуми- изјави Емилиа Ѓероска, директорка на Центарот за развој на Пелагонискиот плански регион.

Голема поддршка на реализацијата на овој крупен проект, дава Министерството за локална самоуправа.
Заменик- министерот за локална самоуправа Ѓорѓија Сајкоски рече дека Битола е важен урбан центар во Република Македонија.

-Министерството за локална самоуправа како имплементатор на ИПА програмата за прекугранична соработка дава поддршка за проектот за Зоолошката градина во Битола за која се издвоени околу 700 илјади евра. Во партнерство со Грција, битолската ЗОО ќе биде модерен објект кој ќе привлекува посетители. Зоолошката ќе привлекува туристи од Грција и пошироко- рече заменик- министерот Сајкоски.

Соработката меѓу Битола и Лерин продолжува и со цела Пелагонија на други проекти- изјави заменик- градоначалникот на Лерин, Арис Аристиду.

Ставивме акцент на битолската ЗОО како регионален проект, ценевме дека треба да направиме се за да функционира како што треба, посочи градоначалникот на Битола, Владимир Талески.

- Оваа градежна сезона живеалиштата предвидени со проектот, вкупно 8 живеалишта, ќе бидат целосно реконструирани, за да и потоа продолжи санирањето. Од прекугранична соработка од европските фондови работиме на реализација на голем број на проекти, дел од нив финишираме и преку аплицирање преку Општината Битола и преку Центарот за развој на Пелагонискиот плански регион- нагласи градоначалникот Талески.
http://www.novamakedonija.com.mk/DetalNewsInstant.asp?vestInstant=35562

Се радувам што и во Битола се оправа золошката и се прават живеалишта за „домашни„ животни како Лав , Тигар и други

Според мене треба и другите малку поголеми градови да направат барем помали паркови со животни. Во Прилеп има нешто мислам. Во Струмица Градоначалникот си направи мало паркче со животни во комплексот Цареви Кули а на место на старата золошка си напрви згради. Исто така мислам декаи Штип заслужува да има еден парк со животни со оглед на тоа дека се работи за ценатр на источна Македонија.

Edited by kultuzin - 06-Jun-2014 at 18:10

Ova i isto edno od ponovite zivealista vo ZOO za volcite i kojotite slikano e vo zima ama nema vrska


Edited by Filipche - 09-Jun-2014 at 08:24

Ова е новата фарма во изградба во ЗОО БИТОЛА


која треба да изгледа вака



Edited by Filipche - 18-Jul-2014 at 11:41

еден од базените