Скопје 2014

Originally posted by maks Denko, клучното прашање е зошто досега никој не се сети да го заштити тој административен комплекс, за да не  може на него да се интервернира. Запознаена ли е пошироката јавност со квалитетите и уникатноста во конструкцијата и дизајнот, за симболот на времето кое го претставува? Со други зборови, што си направил ти, како граѓанин (професионалец, општествено- свесна индивидуа) да го заштитиш од промена?

За ова се сложувам, ама мислам и да беа заштитени тие објекти како културно-историско наследство оваа тоталитаристичка власт ќе најдеше начин да прегази преку тоа. Пих, сите можни процедури и правила ги испогазија за СК2014, мислиш ова ќе им беше некаква пречка?

Мртов сум. аххахахаах

Edited by Danndy - 14-Sep-2014 at 23:37

Originally posted by maks Ајде накратко за урбанистичките планови и идеи на ,,оваа власт,,. Се градат мостови кои поврзуваат две(разделени,културно и политички) страни. Се премостува со голем плоштад булеварот Гоце Делчев (нешто што беше незамисливо во поранешните управителства), се прават обиди за изградба на подземна улица (во моментов запрена идеја од финансиски причини),за проширување на улицата која оди долж градски зид во булеварско решение за да може , улицата на Рекорд да стане пешачка зона! На ваков начин добиваш грандиозно голема пешачка зона во центарот на градот.Тоа е секако одличје на големи и важни урбани центри. Од своја страна ваквиот проект, ќе повлече преуредување на целиот овој дел во (претпоставувам)една дефинирана и пофункционална урбана целина. Бараш, некакви споредби на класицистички(или ти барокни) објекти низ Европа и овој наш неокласицизам. Нема потреба од такви споредби. Една од предностите на архитектурата е дека е прилагодлива уметност на традициите и средината во која се гради.(не случајно ги коментирав фасадните решенија и детали на новата зграда на министерството за финансии, како пр. низ кој искуствено решенијата се подобруваат). Грчевито се обидувате да објасните како многу работи недостасуваат во овој проект, како е тој несоодветен временски и просторно за нашите услови, како културните влијанија не се всушност тоа, ами некакви дисторзирани историски факти, како концептот за модерна уметност и архитектура во Македонија(тогаш СФРЈ - иако има големи културни разлики и во таа федерација) биле на нивото од нивните колеги низ Европа( со што нема никогаш докрај да се сложам, бидејќи вистинскиот прифатен модернизам во Мк, се случува во 70тите години и последниот голем бран на градба,(дел од вратените и наградени со дела архитекти, се дообразуваат во САД и западна Европа) кога всушност во градбата на административни и станбени објекти се уфрлаат т.н. традиционални материјали и форми-значи тула, дрво, геометриски орнаментики. Пр. за тоа се ЦК(сегашна влада), ансамбл згради со црвени тули во строгиот центар на Ск, монтажната населба во Радишани изработена од фабриката Треска и др. Така да , Zabegan ( ова се однесува и на другите нео модернистички форумџии) во една нормален развој на настаните со демократски дискурс од почетоците до денес, би се сложил со твојата размисла за архитектурата. Но, не и во контекст на сите геополитичко - историски референци кои ни се случуваат во изминативе децении, а кои ќе се согласиш се прилично луцидни. Дали е тоа оправдување за урбанистичка и стилска офанзива? Не гледам подобар период за сево ова. Дали ќе се руши кога ,,трезвените,, ќе дојдат на власт? Не верувам, оти до тогаш сево ова ќе има еден многу поуниформен изглед а луѓето на него ќе гледаат како на ,,сопствен градски амбиент,,. Дали ќе се менува? Тоа ти го зборувам цело време, ДА! Но, не со багери туку со едно постојано подобрување, модифицирање на просторот во согласност со потребите и желбите и конечно (ако не и прво) светогледот на луѓето, бидејќи( и тука изгледа не се разбираме) архитектурата е жива материја и се менува подеднакво како и вкусот и погледот и ставовите на луѓето за нешатата околу нив во текот на нивниот живот. Тоа не беше случај (иако имаше потреба) во изминатите децении, се случува вака како што го гледаш сега. Процедура? Никогаш не постоела во главите на овдешните луѓе( прочитај го само исказот на проф. Ж. Поповски кој го постираа неодамна на форумов) . Се работи за традиција и се работи за култура на градење држава. Тоа ние сите, на овој или оној начин го учиме сега. Зошто никој не му е грижа за ставовите на ,,другата страна,,? Затоа што луѓето(граѓаните, гласачите) почувствувале дека ниту тие во последните 2-3-5 децении не го правеле тоа во согласност со нивните потреби и државни интереси. Па сега си велат, да видиме што ќе напраат овие!  Во тој контекст на размисла, не можеш а да не ги земеш во предвид и тие условености на просторот и тие правила на игра. Не велам неопходно, но нивото на развој наложува вакви ракурси на размислување. Сметам, најискрено и најодговорно дека Архитектите и стручните луѓе, треба секогаш да чувствуваат општествена одговорност во креирање на просторот. Дали тоа беше така до сега? Како што гледаш не.

По овој пост (кој е ретерирање од твоите почетни ставови) останува само по кој знае кој пат во декември да си ја честитаме новата 49-та.
Што се однесува на ова што се случува во Скопје тоа може да биде дел од европското културно наследство и совремие (што е изгледа последната апстракција зад која се сака да се скрие ова насилие што се врши) само на овој начин:
http://www.artmargins.com/index.php/2-articles/655-troubles-with-history-skopje-2014
Не само што не живееме во исто време со нашава елита, не сме ни во иста епоха, но и тоа не е некој нов момент...


Edited by AndronikDuka - 15-Sep-2014 at 00:12

Еве колумна на уште еден шарлатан што се обидува да се направи стручен онаму каде што не е. Типот се обидува да го оправда проектот со слаби аргументи и небулози.

СКОПЈЕ СО СТАРИТЕ И НОВИТЕ ГРАДБИ Е МОДЕРЕН КУЛТ

Аљоша Симјановски

Скопје, градот за каков можевме само да сонуваме веќе стана реалност и може да се види и допре, да се доживее и со гордост да му се претстави на светот

Влијателната британска телевизија Би–Би–Си објави дека амбициозниот и скап проект „Скопје 2014“ ја поделил нацијата. Едни се за, други (се помалку и помалку) против и во оценката се немилосрдни и проектот го гледаат и оценуваат и истакнуваат од визура на „естетика на грдото“. Според прилогот на Би-Би-Си, цел на „лудиот проект ’Скопје 2014’ “ е да му се даде нов лик на главниот град по осамостојувањето на Македонија од Југославија.

Контроверзите се резултат на различните вкусови и мислења и се движат од лоши естетски оценки (архитектурна шизофренија) од некој заколнати аритектонски постмодернисти, според кои необарокните градби се неуспешен обид за модерен култ и одгатнување на тајна на едноцивилизациска мистерија. Според нив, градот треба да остане со архитектонски обележја од постземјотресно Скопје, а тоа се објекти изградени претежно од „натур бетон“ што во времето кога беа градени беше силно модерно - така барем тврдеа, изјавуваа и не' уверуваа тогаш главно тие истите естети, архитекти и градежници и нивните следбеници и поддржувачи. Во таков футуристички стил беше изградена „скокалницата“ објектот на Македонската опера и балет и универзитетскиот комплекс „Св. Кирил и Методиј“, нефункционален објект граден како сет за некои од смелите визии во филмовите на Стенли Кјубрик, цветните бетонските егзибиции на Македонската пошта, ЕЛЕМ.

За првиот објект (МНТ), кој беше одбран на меѓународен конкурс, подоцна се разбра дека бил одбиен на други меѓународни конкурси, но кај нас ги исполни строгите „постмодерни критериуми“ и евалуации. Неколкупати потоа беше препокриван и реновиран однадвор и внатре, затоа што не „држеше“ вода, прокиснуваше. И денес е тука на местото и се' уште ги збунува и граѓаните и посетителите таа постземјотресна „карабина архитектура“. Многу од градбите од времето на постземјотресно Скопје, ако ги споредите со новите зданија што никнуваат покрај нив изгледаат запуштено и тегобно, како далечно ехо на едно сфаќање на архитектурата и воопшто уредувањето во духот на урамниловката и скромното социјалистичко милје и како благодарност за трошките што на градот му припаднаа и останаа од светската солидарна помош, од која според компетенти проценки само еден дел остана во Скопје. На поголемиот дел од средствата им се изгуби трагата. Според некои сведоштва, половина од парите од солидарната помош се прелеаја во Нов Белград, дел во бетонските ѕидини и соцреалистички и архитектонски визии, вметнати од врхушката во конкурсот, за изградба на постземјотресно Скопје, на кои што почитуваниот автор Кензо Танге одговара соодветно барањата. Така никнуваат фамозниот Градски ѕид, новата железничка станица, а јавниот простор во градот го освојуваат и футуристички градби како комплексите УКИМ, МОБ и сл. Нешто тивко отиде и се вгради во подножјето на елитните градби на Водно, Лагадин, Елешец, Елен Камен, Охрид, Струга, Преспа... и во приватни џебови. Вревата и дебатата за еклектизмот, стиловите, кичот, што упорно се создава кај дел од јавност се неубедлива аргументација на оние што некогаш го нагрдија, испокрадоа или го откупија по багателни цени половина од постземјотресно Скопје.

На почетокот на летото во рубриката „Бегствата на Џоан О'Конор“ во весникот „Гардијан“ авторката напиша вака. „Панорамата на Скопје сама ја раскажува приказната за себе многу поживописно од која било историска книга: станбените блокови од социјалистичкото време, минарињата на отомански џамии, византиските куполи, турските бањи и контроверзијата од последно време – неокласичните згради, мостовите и грандиозните споменици, резултат на неодамнешната градежна треска во насока на зајакнување на националната гордост. Сега, кога прашината е слегната, посетителите ќе најдат големо задоволство за нивната љубопитност“.

Македонија е дел од Балканот кој со својата географска поставеност претставува раскрсница на неколку главни европски коридори. На територијата на тоа „рајско парче земја“ се вкрстуваат значајни патишта, кои уште од дамнина се најприродни, најкуси и најбрзи сообраќајници што ги поврзувале Европа и Азија. И сега нaшите силни заложби за доизградба на патните коридори 10 (север - југ) и 8 (исток - запад), воспоставени како паневропски правци, имаат корени од древните патишта. Kоридорот 10 е стариот „Виамилитарис“, преку коj европските крстоносци поминувале за време на своите походи кон светиот град Ерусалим, а Kоридорот 8 е модифицирана верзија на „Виа егнатиа“, пат кој во дамнешните времиња ги поврзувал двата најзначајни града на Стариот свет, Рим и Kонстантинопол.

А, Скопје со старите и новите градби е модерен култ и тајна на една цивилизациска мистерија. „Лудиот проект ’Скопје 2014‘ финишира, не изгледа тоа толку лошо ако за момент успеете да заборавите колку сето тоа чини и колку се тоа само позајмени пари со дебели камати, а и колку од нив се украдени“, упорно тврдат и врескаат кутрите заколнати македонски постмодерни архитектонски експерти. Што се однесува до цифрите што се наведени во прилогот за „Скопје 2014“ и се движат од 264 милиони до 1,3 милјарди евра - според изграденото, виденото, прикажаното и обете суми се најверојатно точни. Само што првата цифра е официјален документ и тоа се пари потрошени за изградба, доградба, уредување на фасцинантните објекти, кои се постојана мета на се' побројните туристи. Втората, онаа 1, 3 милијарди евра според проценката на се помалубројните противници, е можеби цената колку сега тоа како готов производ навистина чини. Скопје градот за каков можевме само да сонуваме веќе стана реалност, како птицата Феникс никнa и од виртуелно, стана реално и може да се види допре, доживее и со гордост да му се претстави на светот.

(Авторот е публицист и режисер)

http://www.utrinski.mk/?ItemID=F6B3F48039AB8D47AD89BE62AD218D11

Edited by Џоле - 15-Sep-2014 at 07:50

На територијата на тоа „рајско парче земја“ се вкрстуваат значајни патишта, кои уште од дамнина се најприродни, најкуси и најбрзи сообраќајници што ги поврзувале Европа и Азија

За жал современиците на “рајското парче земја“ успеаа потполно да ја изолираат земјата и од раскрсница да ја направат слепо црево. Освен К10 друг коридор немаме, а песимист сум дека некогаш и ќе го добиеме

Поради ваквите УТОПИСТИЧКИ ставови, сме до овде дојдени. Твојата одговорност како единка во општеството, не е слепо да ги следиш правилата на игра, ами да реагираш кога ќе почувстуваш дека одредени нешта се менуваат на штета на општеството, градот, средината во која делуваш. Но, за тоа мора да имаш параметри(знаење), како на пример публикувани едиции за вредноста на одреден објект( во случајот зградата на екс ЦКМ. Емисии за вредноста на овој објект.За кога ќе дојде до вакво нешто, луѓето и соодветно да реагираат базирано на нивните впечатоци и ставови за темата. 
Никој не чул ни дознал за конзолниот систем на кој се базира оваа зграда ниту за феноменот на 70тите години кога етно елементите влегуваат во модерниот стилски израз притоа добивајќи на привлечност, топлина и препознавање од страна на надбљудувачите. (конкретно мислам на дизајн решението за фасадата на екс ЦК).Така да,џабе таласање отпосле.

Andronik, не ретерирам од моите ставови, ви подавам рака за да се смирите и да ја согледате вистинската реалност. А таа е едноставно дека, приказната за експериментите со соц-модернизмот во Скопје се минато. А секако, ти ја честитам твојата среќна 49.та

Originally posted by Tony Martin Originally posted by Џоле Еве колумна на уште еден шарлатан што се обидува да се направи стручен онаму каде што не е. Типот се обидува да го оправда проектот со слаби аргументи и небулози. Колку и да се трудам да го задржам позитивното мислење за тебе како човек кој во последно време најмногу допринесува за овој форум, од време на време ме освестуваш со ваквите навреди изречени за некого кој можеби не го ни прати форумот и не може да ти одговори во иста мера... Но, изгледа баш поради тоа си земаш ваква слобода, бидејќи јасно е дека истото можеше да го напишеш поинаку и без непотребни навреди.... Јас нема да бидам како ти и нема да се изјаснам што сега мислам за тебе како човек и како еден од медераторите. Но изгледа дека јас сум како од Марс паднат и не сваќам дека и ова мое мислење, односно претпоставувам небулозно мислење на некој таму шарлатан воопшто те погодува, исто како што ти изгледа си мислиш дека имаш право да вреѓаш, а увредените треба да го сватат тоа како најнормална работа.Да бидам јасен. Немаше да го напишам ова и ќе го игнорирав тоа што го напиша да не беше еден од тие кој поради разни причини го имаше <span ="st">заработено </span>моето поштовање.

Извини, ама вакви евтини оправдувања на Скопје 2014 не поминуваат кај мене. Не сум архитект, и не треба ни да бидам за да препознам шарлатани и кловнови на јавната сцена. За жал, ваквите ликови обликуваат дел јавното мислење, и јас никогаш нема да премолчам небулози. Јас се изјаснив дека сум против проектот СК2014 како целина (иако одредени згради ми се допаѓаат - претежно катните гаражи), и не знам зошто толку емотивно те погодила мојата изјава. Без разлика на тоа што сум модератор на форумов, имам право на свој став и свое мислење.

Originally posted by Lerin Да не беше СК 2014,Скопје немаше турист да види,а пола и повеќе од "експертите" тука ќе немаа видено азиец во живо. Да не зборувам за тоа дека објектите што се градат во овој проект се единсвените,убави,европски...како сакаш наречи ги од се што е изградено после земјотресот па навака. Единствени лоши работи во проектов се,преголемиот број на фонтани и споменици односно нивното поставување и натрупување на едно место,и преголемите-милионски суми кои се плаќаат односно парите што се перат во текот на менување на фасадите. За тие пари до сега цел центар ќе имаше нео-класични или барокни фасади.

Да не беше СК2014 туристите немаше да видам коњски запреги низ центар на град, немаше да видат дека во 21ви век во Европа постојат касаби како Маџир Маало, Ново Маало, Крњево, делот после надвозникот у Чаир, Шутка, немаше да видат поплави после секој дожд у центар на град кој потроши пола милијарда евра на споменици и фејк фасади, немаше да видат прљави улици, лоши тротоари...

И разберете една работа, туристи не доаѓаат заради СК2014, туристи доаѓаат заради поголемиот број на low cost летови кон Скопје и поголемиот број на туристи кои ги бележат Софија и Београд, од каде многу туристи се решаваат да дојдат у Скопје. Нормално тука се и субвенциите.

На крај краева, денес интернетот е толку распространет што луѓето дознаваат за се поише "нови" земји и нормално е да доаѓаат тука. И ако требаше да уложими стотици милиони евра за годишно да ни доаѓаат не поише од 100 000 туристи, од кои голем дел се првично дојдени за у Охрид, ондак сите што имаат дипломи од економски и слични меѓународни образовни институции, а работат во државниот сектор, да се откажат од истите и да се вратат у прва година да научат што е економија.

Originally posted by N23 Originally posted by Lerin Да не беше СК 2014,Скопје немаше турист да види,а пола и повеќе од "експертите" тука ќе немаа видено азиец во живо. Да не зборувам за тоа дека објектите што се градат во овој проект се единсвените,убави,европски...како сакаш наречи ги од се што е изградено после земјотресот па навака. Единствени лоши работи во проектов се,преголемиот број на фонтани и споменици односно нивното поставување и натрупување на едно место,и преголемите-милионски суми кои се плаќаат односно парите што се перат во текот на менување на фасадите. За тие пари до сега цел центар ќе имаше нео-класични или барокни фасади. Да не беше СК2014 туристите немаше да видам коњски запреги низ центар на град, немаше да видат дека во 21ви век во Европа постојат касаби како Маџир Маало, Ново Маало, Крњево, делот после надвозникот у Чаир, Шутка, немаше да видат поплави после секој дожд у центар на град кој потроши пола милијарда евра на споменици и фејк фасади, немаше да видат прљави улици, лоши тротоари...И разберете една работа, туристи не доаѓаат заради СК2014, туристи доаѓаат заради поголемиот број на low cost летови кон Скопје и поголемиот број на туристи кои ги бележат Софија и Београд, од каде многу туристи се решаваат да дојдат у Скопје. Нормално тука се и субвенциите.На крај краева, денес интернетот е толку распространет што луѓето дознаваат за се поише "нови" земји и нормално е да доаѓаат тука. И ако требаше да уложими стотици милиони евра за годишно да ни доаѓаат не поише од 100 000 туристи, од кои голем дел се првично дојдени за у Охрид, ондак сите што имаат дипломи од економски и слични меѓународни образовни институции, а работат во државниот сектор, да се откажат од истите и да се вратат у прва година да научат што е економија.

Ма немој ? Ај прошетај низ центар види каде се и што сликаат туристите па после збори. Не сакате да признаете нешто што е апла очигледно,мизерија.