Мислам дека дивоградбата не беше поради Субрата Рој него поради градењето без барање градежна дозвола. Владиката задолжен за проектот (името му го заборавив Тимотеј мислам дека беше) ,а кој со последните акции повеќе делува како лидер на партија отколку како свештено лице, самиот изјави дека граделе без дозвола ама демек што било тоа проблем дозвола да извадат отпосле. Значи класично непочиување на институции. Но нејсе градоначалникот на Охрид рече дека ќе барат решение и мислам дека нема да се дојде до рушење. Но она што го направи МПЦ никако не е за оправдување. Инаку настрана од оваа попско политизирање и провоцирање овој проект и те како му беше потребен на Свети Наум и се надевам дека со ова дефинитивно ќе се стави ред и со тезгите и со тоалетите и со скарите, и со турбофолкот и дека оваа место ќе го добие заслужениот ред и мир.

Браво ова му требаше на тој дел зошто така убавина беше загадена со рандом поставени тезги, столови и маси. Јас се надевам дека ова ќе биде мотивација да се средат и војните кампови и плажите кои според мене се најубави плажи во Охрид со песок носен од Јадранот.

Originally posted by gjoko браво.а од каде ти е информацијата за песката од јадранот?прв пат слушам

Ми кажуваше еден пријател кој работи таму. Песокот е носен уште од времето на ЈНА. После многу години оваа година бев повторно таму и беше навистина супер. Нема лежалки и конобари што те малтретират се наплаќа 50 денари од човек и има едно мало шанкче кај што може да се седне или да се земе нешто за пиење. Има почнато и неколку бунгалови да се прават но работата се одовлекува поради ограничените средства на АРМ. Како и да е ова се најубавите плажи на охридското крајбрежје со директен и неповторлив поглед на манастирот Свети Наум а со мало подсредување може да биде уште поубаво. Јас се надевам дека работите во АРМ ќе се средат и дека повторно ќе ги заживеат овие кампови. Но исто така не би сакал оваа место да се искомерцијализира.

Свети Наум поглед од војната плажа

Незнам само со паркинг како ќе ја решат работата. Таму најчесто има доста возила кои се паркираат, што на вработените што на туристите, башка Автобуси. А по мое мислење таму треба да се направи и убаво автобуско стојалиште и крајна станица на автобусите.

Навистина убаво изгледа

Не знам дали местото на овој пост е во оваа тема или во темата за Сахарајан Македонија, но како и да е, статијата заслужува да биде прочитана, а и видео клипот кој е објавен на Интернет страницата кон која води наредниот линк, исто така заслужува да биде изгледан и ислушан.
 
http://24vesti.mk/vladika-timotej-znaeme-nie-chij-e-upravniot-sud-ama-sila-boga-ne-moli
 

Владика Тимотеј: Знаеме ние чиј е Управниот суд, ама сила Бога не моли

 

07.07.2014 | 17:20   Ние да си го зачуваме образот пред народот и пред Бога, тие закони ги имаме и тие ги ползуваме, вели за 24 Вести, владиката Тимотеј по одлуката на државата да и одземе на црквата 18 хектари атрактивно земјиште кај манастирскиот комплекс Св.Наум во Охрид.   Црквата добила допис од Министерството за финансии во кој се предлага одземање на градежно земјиште, а целиот процес сега е во судска постапка.     „Каква одлука ќе донесе Управниот суд. Знаме ние судот чиј е. Не е на Отоманската Империја. Како и да е, ние не сакаме да ни го одземат земјиштето“, вели г. Тимотеј, владика на МПЦ.   Министерството за финансии сега ја чека одлуката на Управниот суд. За црковниот спор потенцираа: Вкупната проценета вредност на земјиштето изнесува 89.948.900 (1,4 милиони евра) или од 200 до 1500 денари за метар квадратен ( од 3,5 ДО 25 евра) во зависност од конкретната парцела, односно многу повеќе од две евра за метар квадратен како што беше пласирано во јавноста.   Таа сума и е понудена на МПЦ за експропријација, но таа не ја прифати и донесеното решение го има утужено на Управен суд. Сега зависи од одлуката на Управниот суд, велат за 24 Вести од Министерството за финасии.   „Тие во својата понуда за еден простор нудат и по две евра за метар квадратен, но за некои повеќе, но ниту две ниту пет евра не е реална цена. Ај нека ни дадат тие на нас - еве ние сме подготвени да купиме ист квалитет на таква земја, на исто такво поднебје да ја купиме ние по истата цена која тие на нас ни ја даваат. Како и да е основно е дека ние не сме заинтересирани за продажба. Но, сега тие ќе ви ја земат со експропријација? Па сега, Сила бога не моли“, вели Тимотеј.   Владиката Тимотеј пред Управниот суд отвори процес против државата, затоа што МПЦ смета дека целиот процес не е правно издржан.   http://www.dailymotion.com/video/x210e5b_mpc-za-zemjisteto-vo-svet-naum_news     Мишко Иванов

Mi se dopaga kportata i parkot vo Sv Naum. Edinstvena (mala) zabeleska e nedsotatokot na drva senki. No se nadevam deka so tek na vreme ke posadat.