Скопје 2014

Можеби тој архитект е ексцентрик како и уметниците Марко Еваристи и Џејми Никола.

За оние кои не знаат кои се тие, еве ги нивните дела:

http://www.foxnews.com/story/2007/01/17/artist-serves-friends-meatballs-cooked-in-his-own-liposuctioned-body-fat/

http://www.odditycentral.com/news/artist-makes-perfume-out-of-his-own-excrements.html

Originally posted by maks ...би можел да ти возвратам заслепено и политизирано, токму како и ти со контрапрашање, а што се' тебе ти е одземено во овие седум години а вградено и пикнато в џеб во име на ск14ка, а е повеќе различно од целото социјално миље кое си го живеел претходно?или на пример, знаеш ли за неодлучноста и безидејноста на Пенов и Црвеновски, кога при реконструкција на градскиот плоштад во Скопје.(дизајн решението е менувано преку ноќ од прикажаната идеја во ДУП мал ринг) веројатно оти момците се уплашиле некој да ги нарече класицисти или анахрони? Па до неодамна, го имавме она праволиниско шарање кое немаше никаква идејна позадина, токму како што му личи на решение ,,дотерано,, под политички дикатат..примери имам колку ти душа сака~Знаеш зошто? Оти вистината не се мие со еден политички спин. Ск14ка останува.Можеби нешто ќе исчезне и ќе се премести но приказната останува. И не заборавајте зад ова има идеолошка матрица на културните хоризонти на оваа земја! Квалитетно или не,врвно или кич, тоа ќе го кажат граѓаните, а не шака убер свесни наапани дечки со модернистички пристап виа интернет.

Кој те прашува за Пенов, Црвенковски, Костовски, СДСМ, СОРОС и останатите политички мртовци? Тие правеле како правеле, затоа и така завршиле. Ние овде прашуваме за случувањата што се случуваат во сегашно време, пред нашите очи, не те прашуваме за она што било пред 20 години. Што можеме ние сега да смениме од тоа што Црвенковски ништо не изградил, што Колишевски ги запустел селата и се умилкувал на Белград. Ако не, да се вратиме уште поназад и да почнеме да ги обвинуваме и Никола Карев, Јане Сандански и останатите истакнати македонски дејци што не граделе плоштади и згради, водовод, канализација и патишта. Според твојата логика, штом тие ништо не изградиле, актуелниве градители никако и за ништо не смеат да се критикуваат бидејќи сето ова го градат.

Мислам дека горе е академизам а доле ти е нео-класицизам

Првото е типичен барок, второто типичен нео-класицизам.

За редот и редоследот на градба, побарај одговор во интервјуто што го препастирав на Жика Поповски од 2001 година кога нема ни С од ск 14.
А исклучокот,, ала тифани,, на фамозниот сдсм миленик ала мијалков, Љ. Палевски....е токму причината заради која денес неможе на вистинското место да започен да се реализира подземниот премин под главниот плоштад. Човекот насилнички реши тука да ја крене својата зграда, откако го провалија,веројатно воочи избори, дека му дале спорно одобрение за градба.Секако истите оние на кои денес се повикувате дека се правдољупци!
Ќе потенцирам, не може да зборуваме за иднината ако не погледнеме во минатото за одговори на овие феномени. Исто како во психотерапија. Се враќате секогаш во детството, на почетоците. Тука просторната анализа, го бара истото.
А за цените и што можело повеќе и подобро надвор од Мал Ринг(како да центарот на еден главен град треба да е селска пољана-всушност заборавив дека имаме масовна хистерија за кенан кожарот и сендвичарите под ЕВН.), не можам да ви одговорам оти, нели за жал имам ваков за вас несфатлив став, но ете не сум учествувал во изградбата на овие објекти. Дали се небулозни некои од нив? За мене се небулозни десетици објекти во централниот периметар на Ск, со наречи, модерен соц шарм ала периферија на Софија или Прага уште од многу одамна, па ете не сум велел да се распнат архитектите. Знам дека тоа бил премолчениот дикатат, не повеќе од она во Бе Ге.


Edited by maks - 31-Mar-2015 at 20:12

Можам и слободно да ти осликам што ќе се смени во теорија, да дојдат луѓе кои вие сметате дека имаат кредибилитет и професионалност да носат големи и важни одлуки за растеж и развиток на овој град.
За почеток само најава за враќање на старата ЦКСКМ фасада и ЕВН. Се друго ќе остане да биде ,,тажен потсетник на едно лудило,,и ќе се остава да пропаѓа. Владата веројатно ќе ја поврати старата фасада, тоа ќе трае половина мандат(како лекција кон непослушниот плебс кој бира погрешни лидери). ЕВН заради ,,позајмени кредити од ММФ за спас на државниот буџет,,ќе стаса за реновирање пред избори.
И секако, набрзина ќе се скрпи како што била, оти не дај боже да дадеме современ печат и да ја уклопиме со елементи во околниот простор, а повторно во современ јазик и материјал. Ќе дојдат избори, народот ќе ги смени и пак се враќаме to ,square one,!...
..да продолжам или ти ќе ја довршиш причата?


Edited by maks - 31-Mar-2015 at 20:14

Originally posted by Bojan10 Епа во твојот пост се содржи дел од одговорот. Не е важно кога се изградени. Не е важно дали е задоцнето некаде со некоја мода, стил, правец. Мене ми е важно зградите да се функционални и убави. Не се прават за да бидат интересни 3 дена, и после да се прашуваме што направивме, како си бруталистичките срања. За жал, во СК2014, копуците не знаеле да проектираат, не ги бива. Тие што знаеле не сакале да го прифатат налогот на власта и кој стил да се гради, а и од инает делени се проектите на нивни луѓе, и добивме тоа што добивме. На страна урбанизмот. Обожавам барок и неокласицизам, и не ми е гајле дали е кич или не. Кич ли е да се носи костум? А не е денес измислен. Едноставно, од креативноста на луѓето низ историјата некои вредности се трајни а некои се чуда за 3 дена.

Во ред е што обожаваш барок и неокласицизам, но објасни повеќе за зградите, што вид на згради се (државни институции, партиски седишта, приватни компании итн.), а потоа обиди се да ја објасниш нивната функционалност, ако веќе ги почитуваш овие (конкретно овие) зданија.

Јас ја почитувам модерната архитектура, па не објавувам во нишкава секакви згради за да го постигнам ефектот „еј, видете, зградиве се подобри од кое било срање од Скопје 2014“. Кога ќе напишам некаков сопствен став, се трудам истиот да биде аргументиран, со цел да го поткрепам своето тврдење. Мислам дека е во ред и другите да го прават истото.

Originally posted by Bojan10 Прашање до Архитектите на форумов, кој правец е ова? EDIT: Што ли мислеле ВМРОвциве од Бирмингем:

Замислете какви дрвоубици се овие скотовите од Љубљана, уништиле вековни дрва, ги сосекле до земја, како да уживаат во тоа сечење на дрва. Насадиле млади садници на кои ќе им треба 20 години да пораснат. Срамота. Сега треба овој градоначалникот на Љубљана да посади нови 2.000 хектари дрва, точната локација за садењето на овие нови шуми предлагам да ја одредиме ние, поточно некои од дежурните плачковци на форумов.

Edited by totobobo - 01-Apr-2015 at 07:50

Originally posted by totobobo Originally posted by Bojan10 Прашање до Архитектите на форумов, кој правец е ова? EDIT: Што ли мислеле ВМРОвциве од Бирмингем: Замислете какви дрвоубици се овие скотовите од Љубљана, уништиле вековни дрва, ги сосекле до земја, како да уживаат во тоа сечење на дрва. Насадиле млади садници на кои ќе им треба 20 години да пораснат. Срамота. Сега треба овој градоначалникот на Љубљана да посади нови 2.000 хектари дрва, точната локација за садењето на овие нови шуми предлагам да ја одредиме ние, поточно некои од дежурните плачковци на форумов.

Totobobo, се работи за седиштето на Универзитетот во Љубљана во неоренесансен стил, дизајнирано од чешки архитект, подоцна корегирано од австриски. Изградено пред еден век. Љубљана - градот на Јоже Плечник.

„Скопје 2014“ нема никогаш да биде Љубљана. Прво, Чаушот нема добиено ниту една архитектонска награда или било какво признание за глупостите со кои расфрла низ центарот на Скопје како да му е домашен двор. Еве, дај да слушнам каде тоа неговите трудови се пофалени и признати како вредни во светот.

Второ, во изградбата на Љубљана учествувале серија на познати архитекти, првенствено од средна Европа, кои постоечките зданија во центарот ги реализирале првенствено кон крајот на 19 и почеток на 20 век. Значи, архитекти од Чешка, Австрија, а не само од Словенија. Во „Скопје 2014“ имаме замешаност на владетел кој сака да промени се` во центарот на Скопје, во комбинација со треторазредни домашни архитекти.

Трето, Џоле веќе спомена. Стиропорот, гипсот и редица на други градежни материјали со кои се сака да се постигнат некакви „европски“ архитектонски стилови доведуваат до тоа Скопје да изгледа како девојка со вештачки гради и фејс-лифтинг.

Четврто, паралелно со фурањето на конкретни архитектонски стилови од „Скопје 2014“ се монтира одреден недемократски режим, во кој тоталитаризмот и архитектурата се хранат меѓусебно. Ова не е случај со Љубљана. Недемократичноста конкретно во урбанистичкото планирање и архитектонските правци е во тоа што граѓаните на главниот град во ниту еден момент не беа прашани дали нешто од ова што го гледаме тие го сакаат. „Скопје 2014“ е чист кабинетски проекти на луѓе што можат да се избројат на една, најмногу две раце, и тука доаѓаат до израз авторитарните тенденции на оваа владејачка гарнитура.

Петто, Љубљана се гради пратејќи ги трендовите, и не глеам дека на некој нешто му пречи тоа, па макар било и „комуњарска оставштина“.




Edited by fichot - 01-Apr-2015 at 21:13