Скопје 1963

СКОПЈЕ: Утре одбележува 51 година од катастрофалниот земјотрес

Одбележувањето ќе почне во 10 часот со положување цвеќе на Градските гробишта во Бутел, пред Споменикот на загинатите во земјотресот
Скопје утре со повеќе активности и манифестации ќе ја одбележи 51-годишнината од катастрофалниот земјотрес во 1963 година, во кој 1.070 луѓе го загубија животот, а 3.000 беа повредени
Одбележувањето ќе почне во 10 часот со положување цвеќе на Градските гробишта во Бутел, пред Споменикот на загинатите во земјотресот. Традиционалната крводарителска акција на Црвениот крст на Град Скопје ќе се одржува од 10 до 18 часот во Дневниот центар за дарување крв на Црвениот крст на Град Скопје, во ДХО „Даре Џамбаз“.
Во Музејот на Град Скопје ќе се одржат повеќе манифестации. Поетесите ќе имаат литературно читање за својот град, кое ќе почне во 19 часот. Скопскиот градоначалник Коце Трајановски ќе ја отвори изложбата „Скопје 63-филмска хроника на едно време“, предвидена за 20.30 часот. Потоа ќе има проекција на документарниот филм „Скопје 63“ на режисерот Вељко Булајиќ.



Катастрофалниот земјотрес во Скопје се случи на 26 јули 1963 година во 5 часот и 17 минути, а помали потреси имаше до 5 часот и 43 минути. Беа урнати 15.800 стана, а оштетени 28.000. Над 200.000 луѓе останаа без покрив над глава.
Од трагедијата на Скопје целиот свет беше вознемирен и ангажиран. Меѓународниот Црвен крст упати апел до сите национални организации да организираат исхрана за скопските деца. Интерпарламентарната унија упати препорака до сите парламенти и влади да помогнат во обновата на градот. Хуманитарните организации во многу земји пристапија кон собирање помош за Скопје. Така Скопје стана град на меѓународна солидарност.
Обединетите нации веднаш по катастрофата презедоа активности за плански и долгорочно да му се помогне на разурнатиот град. Во времето кога стручњаци на ОН почнаа да пристигнуваат во Скопје, во седиштето на меѓународната организација беше речено дека Скопје ќе биде споменик на човечката солидарност. На 23 септември 1963 година 35 земји побараа Генералното собрание да стави на дневен ред точка за преземање мерки по повод земјотресот во Скопје. По четири дена, на 27 септември, Генералното собрание ѝ даде приоритет на меѓународната акција за давање помош на Скопје.



На 14 октомври, по двочасовна дискусија, Генералното собрание на Обединетите нации едногласно усвои Резолуција за давање помош на југословенската влада при реконструкцијата на Скопје. Тој ден остана во аналите на Обединетите нации како ден на Скопје.
Во својата долга историја градот повеќе пати пропаѓал и одново се раѓал. На просторот меѓу селата Злокуќани и Бардовци постоел град Скупи, метропола на провинцијата Дарданија. Овој римски град во 518 година бил целосно разурнат од земјотрес. Тогаш во провинцијата Дарданија биле урнати 24 градски тврдини. Јачината на овој земјотрес изнесувала 10-11 степени. Катастрофалниот земјотрес го уништил Скупи.
И новиот град не бил поштеден од сеизмички појави. Наредниот катастрофален земјотрес се случил во 1555 година. Неговата јачина изнесувала околу 10 степени, по што градот вторпат бил разурнат.
Последното трето големо катастрофално разурнување на Скопје се случи пред 51 годинa, на 26 јули 1963 година, кога беше погодено од земјотрес со јачина од девет степени по Меркалиевата скала или шест според Рихтеровата со епицентар на плоштадот „Македонија“.

http://www.telegraf.mk/aktuelno/makedonija/177684-skopje-utre-odbelezuva-51-godina-od-katastrofalniot-zemjotres

Edited by jyvation - 25-Jul-2014 at 11:34

Рекорд е, во позадина се гледаат Ристиќева и палатите околу неа, а зградата позади луѓето си е на истото место, јасно се гледа на панорамава:



Edited by Staro Skopje - 28-Mar-2015 at 00:06

Скопје неколку дена по земјотресот. Извор на фотографии gettyimages.co.uk, каде што можат да се најдат повеќе фотографии од земјотресот

1


2


3 Тито и Хрушчов на скопскиот плоштад, во позадина разурнатиот Офицерски дом


4


5 Означување на музејот на скопското кале за рушење, лево се гледа женската гимназија

11 Гробови


12


13


14


15

21 Позади Народна банка?


22 Железничката станица


23


24


25 На плоштадот

31


32


33


34


35 Лево е железничката станица, до неа Пошта 2

41 Хотел Македонија


42


43 Денешна Никола Вапцаров


44


45

51 Народната банка, десно е Офицерски


52 Плоштадот


53


54


55 ЕВН