Фасади (општо)

А ова ?!

Таа димензија e небитна во ск014.

ФОТО ВЕСТ: Грд „барок“ однапред, запустени фасади во позадина

„Барокни“ фасади во најразлични бои ги прекрија постарите објекти лоцирани долж главните пешачки зони во центарот на Скопје. Градската власт го менува изгледот на зградите, притоа реконструирајќи ја само предната страна на објектите на улиците „Никола Вапцаров“, „Димитрие Чуповски“ и „Македонија“. Во моментов е започната интервенција врз надворешниот изглед на 15-тина згради, од кои повеќето се наоѓаат на улицата „Никола Вапцаров“. Две од започнатите згради веќе го имаат добиено замислениот лик, додека градежните работи на уште неколку објекти влегуваат во завршна фаза.













На самите градилишта се изведуваат „барокните“ фасади од проектот „Скопје 2014“, но без притоа да се почитуваат мерките за енергетска ефикасност. Имено, со делумна реконструкција на фасадите не е возможно да се испочитува заштедата на топлинската енергија во зградите, за чие спроведување е неопходна целосна санација на надворешните површини. „Билд“ на лице место увиде хаотична ситуација – паралелно со реконструкцијата на челните фасади, истите објекти од задните страни се наоѓаат во катастрофална состојба.











На дел од зградите лоцирани на улица „Македонија“ целосно им е падната изворната фасада, додека на некои згради се извршени доградби без завршно фасадно обликување. Дотраениот малтер паѓа од објектите, со што се создава непосредна опасност пешаците. На замислениот „барок“ од предната страна не му бега дополнителна илуминација, но затоа пак на просторот позади овие објекти во доцните вечерни часови му недостига осветлување. Еден краток поглед кон овие објекти е доволен за да се види дека е неопходно и бојадисување на надворешните површини, кои најверојатно последен пат виделе нова боја при нивната изградба.







Половичното фасадно уредување на зградите во центарот на Скопје го реализира градската власт, со буџетски средства кои се делумно префрлени од Владата. Во градежниот зафат се ангажирани неколку градежни компании, меѓу кои „Бауер БГ“ од Скопје, „Пелагонија“ од Гостивар, „Жикол“ од Струмица, „Урбан Инвест“ од Кавадарци и „Трансмет“ од Скопје. Најголем дел од овие објекти се реконструираат врз основа на идејните решенија на авторите Жарко Чаушевски и Звонко Ставрески, во чии професионални биографии се запишани и бројни други архитектонски решенија од проектот „Скопје 2014“. За остварување на замислените фасадни решенија, фонтани и споменици по вкусот на владејачкиот политички естаблишмент, само од градскиот буџет се издвоени 14 милиони евра за 2015 година.

http://www.build.mk/?p=45388

Ауу ужас.... 😳😳😳

Вакво нешто нема ниту во кичево. Ама навистина лом... Еден мал земјотрес и се ќе се руши освен новата фасада, таа ќе стои 😂

Така, така, нареден пат навистина ќе има споредба со фасадите што ги прави општина Центар. И сега ќе кажам каква споредба.

Како прво, колку чини една енергетски ефикасна фасада во која инвестира општина Центар, а колку чинат барокните чудовишта на нашиот премиер. Значи, само бројки, без коментар. На пример, фасада на општина Центар 5 милиони денари, фасада на Град Скопје 30 милиони денари.

Второ, ќе зборуваме за тоа дали се опфатени сите страни од фасада при реконструктивниот зафат, или пак, дали е опфатена само една страна од фасадата.

Трето, дали се изработени од нашиот најмил премиер, кој има вонвременско знаење за архитектурата, или пак, дали се изработени од архитект кој си ја знае професијата. Воедно, да додадам тука дали се консултирани или не станарите од самата зграда.

За на крај реплика на Kultuzin. Прво, зборот „грдо“ е преблаг, тоа морам да ти кажам. Имам јас многу понегативни термини за архитектонскиот стил на премиерот Никола Груевски, ала Николае Чаушеску.

Своите архитектонски идеи тој може да си ги аплицира на зградата на која живее во Пржино, се разбира, во договор со останатите станари. На најстарата улица во Скопје, изградена еден век пред тој воопшто и да се роди, треба да важат поинакви правила. Тоа значи најпрво да се слушне гласот на архитектите. А тие до денешен ден се чудат на барокното лудило во центарот на Скопје.

Потоа, треба да се слушне гласот на граѓаните на овој град. Пак ќе кажам, на референдум. Пола милијарда евра и целосна измена на ликот на еден град во согласност со нечии налудничави идеи не се било што. За тоа скопјани мора да одлучат, порано или подоцна.

И на крајот, гласот на станарите на зградите, кои се тегнат за уши за да ги прифатат новите барокни фасади на лудакот.

За на крај, терминот „грд“ барок ќе биде променет во оној момент кога некоја од овие фасади ќе добие домашна или меѓународна архитектонска награда или признание... затоа што импакт-факторот е сепак битен!

нели и станарите требаше да се согласат за реновирањето на фасадата?

или на подарен коњ забите не му се гледаат

Originally posted by Navigator Одличен текст Бојан! Многу успех во политичката кариера. Ајде, па за скоро да те видиме и на некој прес на Жерновски, да не е залуден трудот.

И што ќе си рече сега некој турист? Како можеле ваква блескава неокласична палата да ја нагрдат со онаков голубарник на кровот?

Треба да се преземат и други чекори пример да се сменат покривата да се реновират задните фасади и околината со парк или што да е. Центарот мора да е секаде урбанизирано штом почнавме да се накитиме со луксуз (лош луксуз)