Diamond of Skopje (Limak)

Нема абер од подземната улица зад „Рамстор“

Турски „Лимак“ една година доцни со почеток на градежните зафати, а од Градот велат дека се работело на корекција на проектот

ДЕСПИНА ТРАЈКОВСКА-ДИМОВА



Нема абер од почеток на изградба на подземната улица зад „Рамстор“, која треба да ја изведе турски „Лимак“, а за возврат да го добие земјиштето над неа. И по повеќе од две години откако компанијата го купи плацот, на терен ништо не укажува дека таму треба да има подземна сообраќајница.

А, проектот на големо го најавуваа од Град Скопје и од Министерството за транспорт и врски кое го продаде државното земјиштето, додека Турците дури беа и на прием кај премиерот Никола Груевски кој ги промовираше како сериозни инвеститори. Тие, според договорот за отуѓување на земјиштето, веќе требаше да почнат со изградба. Речиси една година го пробија рокот за почеток на зафатите. Но, тоа, како што објаснуваат од Градот, се случило од оправдани причини.

„Компанијата во моментов работи на корекции на архитектонско-урбанистички проект. Проектот за подземната сообраќајница е во фаза на претпостапка, во која инвеститорот има започнато со изработка на архитектонско урбанистички проект, со што се исполнети условите од договорот. Оваа фаза има точно определен почеток, но завршувањето не е временски лимитирано, затоа што изработката на финален проект ќе биде основа за изработка на основен и изведбен проект. Се работи за комплексен архитектонско-урбанистички проект и секогаш има потреба од негово усогласување до конечната верзија која подоцна ќе се преточи во изведбено решение“, објаснуваат од Градот, кој со „Лимак“ потпиша договор со кој се дефинирани роковите и деталите за изградба на подземната улица.

Инаку, Турците на лицитацијата се наддаваа сами со себе и за околу 3,2 милиони евра ја купија градежната парцела од над 30.000 квадратни метри. Тие се обврзаа на свој трошок во целост да ја изведат подземната сообраќајница, а потоа, без надомест да им ја предадат на градските власти. Дури по нејзината изградба за возврат „Лимак“ ќе го добие плацот над неа со можност да гради деловен и хотелски комплекс висок и до 20 ката.

Градскиот татко на потпишувањето на договорот со Турците рече дека улицата ќе биде 6-6,5 метри под земја, ќе биде долга 800 метри и ќе има шест коловозни ленти, по три во двата правца. За потребите на булеварот, Градот дополнително ќе треба да обезбеди соодветни премини кон „Водњанска“ и кај подвозникот кон Црниче. Трајановски посочи дека улицата нема да биде пуштена во функција се' додека не завршат градежните зафати за надземните комплекси.

Инаку, турската компанија беше претставена како една од најголемите инвестирачки сили во својата земја. Од 1976 година работи со инвестиции во градежништвото, туризмот и енергетиката. „Лимак“ е сопственик на еден од најголемите хотелски синџири во Турција и Кипар, стопанисува со повеќе хидроелектрани во Турција и Грузијан како и со меѓународниот аеродром во Приштина и аеродромот „Сабиха Гокчен“ во Истанбул

http://www.utrinski.mk/?ItemID=C24054E2496B954A97BCDD2180716891

Ipak e nekakva informacija po podolgo vreme

@ѓорче oni go zedoa aerodromot vo Pristina na koncesija i go napravija pred godina dena...
Inace sega pravele ogromen aerodrom vo Istanbul, taka da ne mi se veruva deka sega bi pocnale tuka...

Затоа и нагласив "незнам колку е точно". Како и да е пак е некаков аеродром.

Ја искрено не верувам дека ќе се реализира овој проект. И доколку се реализира ќе има многубројни измени

„Барокот“ ја стопира подземната сообраќајница зад „Рамстор“

Притисокот да се изработат идејни решенија во „барокен“ архитектонски стил за новите градби зад трговскиот центар „Рамстор“ во Скопје ја кочи изградбата на подземната сообраќајница и на комплексот на турската компанија „Лимак“. Повеќе од три години на локацијата кај Музејот на град Скопје не е започнат градежен зафат од турскиот инвеститор поради тоа што некој упорно инсистира идните објекти за колективно домување, хотели, трговски и деловни центри да бидат изградени во т.н. „барокен“ архитектонски стил.

Градоначалникот на општина Центар, Андреј Жерновски денеска на прес – конференција објасни со каков проблем се соочува инвеститорот. „Сè е спремно, ние со нетрпение го очекуваме тој објект, не само затоа што тоа е сериозен прилив на комуналии туку тој цел грд дел да се затвори, меѓутоа се инсистира на барок. Јас имав можност овде на средба со нив да ги видам решенијата на еден од најголемите турски архитекти, значи современи решенија со кои што би можеле навистина да се пофалиме и надвор од регионов“, вели градоначалникот Жерновски. Градот Скопје кон крајот на март годинава за „Билд“ тврдеше дека информации за архитектонско – урбанистичкиот проект за подземната сообраќајница треба да се бараат кај турскиот инвеститор, додека општина Центар треба да издаде одобренија, по што би следело издавање на неопходната градежна дозвола за огромниот комплекс со површина од 330.000 метри квадратни. Подземната сообраќајница, заедно со објектите за колективно домување, трговските и деловните центри и хотелите треба да се завршат најдоцна до 2017 година.

„Лимак“ и Град Скопје во март 2012 година потпишаа договор за изградба на подземна сообраќајница во должина од 800 метри, со што требаше да се реализира трасата на Јужен булевар. Изведбата на сообраќајницата претставува обврска на инвеститорот, кој што во февруари 2012 година ја купи градежната парцела од 31.929 метри квадратни за градење на најавениот голем комплекс.

http://www.build.mk/?p=45434

Џабе рендери никогаш нема да се изгради

Рендерот е солиден. Штета што нема да има ни М од модернизам

Целосна пропаганда на Жерновски, знам дека лаже бидејки ние им правевме предмер пресметка на Лимак (со Македонски цени), објектот за кој што се правеше пресметка има измени со овој од рендерите, но исто така е во модерен стил. Знам дека застојот е кај турците бидејки, од страна на влада се вршело притисок кај нашите служби побрзо да биде пресметката. Неофицијално Турците ги колебало падот на продажба на становите во Скопје.

Зошто не му побара докази на Жерновски за неговите лаги. Јас говорам за работа која сум ја видел со свои очи, бидејки мои колеги работеа на предмер пресметка. Од истите тие колеги слушнав дека проектот се успорил бидејки паднале цените на становите во Скопје, па сакале уште еднаш да си ги проверат цените на изградба според локалните услови и ценовници на градба.