Реконструкција на Собранието

СЕДНИЦА НА СОВЕТОТ ЗА КУЛТУРА

Собранието на Македонија да стане музеј

- На секој ентитет му е потребен совет. Така и во македонската култура. Таа е жив ентитет кој се надградува, и совети се потребни. Мојот совет би бил на релација на еден мој проект: Собранието на РМ да се пренамени во Национален музеј, бидејќи, покрај другото, нема доволно место...
Ова е изјавата на Александар Станковски, ликовен уметник, пред вчерашната прва конститутивна седница на Советот за култура, стручно и советодавно тело на министерот за култура.

Љубиша Георгиевски рече дека она што глобално би требало да се очекува е "Културата да стана она што е".
- Македонија треба да биде држава на творештвото, потенцира Георгиевски, додавајќи дека порано културата била на последните страници на весниците, и сега се уште е.

Режисерот Милчо Манчевски ги дефинираше точките на кои според него треба повеќе да се работи.
- Дефинирање на билансот на тоа колку сакаме масовна наспроти врвна култура, подобрување на културниот менаџмент, создавање уметнички дела кои се космополитски, но својот корен го влечат од овде, и создавање натпартиска култура, објасни Манчевски.

Археологот Паско Кузман, пак, вели дека во областа на културното наследство има многу точки кои очекува дека ќе бидат соодветно решавани.

Министерката за култура, Елизабета Канческа-Милевска рече дека Советот го гледа како тело кое може да даде идеи кои понатаму може да се поддржат.
- На првата седница ќе ги разгледаме измените на Законот за култура, Програмата за култура..., рече Канческа-Милевска.

Инаку, Советот за култура е составен од претседател и најмалку десет членови кои ги именува министерот за култура, според принципот на стручност, компетентност и рамноправна застапеност во сите сфери од културата, за време од четири години.

Министерството соопшти дека Советот ќе дава мислење за прашања што се во надлежност на министерот за култура и најмалку еднаш годишно до министерот за култура и до Владата ќе поднесува извештај за својата работа.

Членови на Советот за култура
Претседател на Советот за култура е академик Цветан Грозданов, заменик е м-р Борјан Цанев, диригент на македонската филхармонија, а членови се: Љубиша Георгиевски, уметнички директор на МНТ, проф.д-р Митко Хаџипуља, архитект, Паско Кузман, директор на УЗКН, Александар Станковски, ликовен уметник, Раде Силјан, писател, Тања Вуисиќ-Тодоровска, примабалерина во МОБ, Илинденка Петрушевска, филмски критичар, владика Климент Хераклејски, МПЦ, Милчо Манчевски, режисер, Оливер Белопета, директор на Скопскиот џез- фестивал и проф.д-р Драгиша Здравковски, археолог.

ова лсл ќе го протолкувам малку саркастично, изгледа навистина планираат нов театар(собрание на МКД)  треба само при проектирањето да бутнат нешто повеќе ложи за набљудување на претставите па да биде на европско ниво театарот, него навистина добро би било да го дислоцираат собранието пример на Кале па  уште да го стават таму и споменикот на Александар Македонски ептен ќе добиеме  The System Above All, а  ова постојново собрание  може да бидне нешто меѓу градска куќа и музеј на СК, интересен предлог, сигурно ќе почне да крчка пополека... 

инаку во овие две реченици може да се бара одлуката за куполите на собрание, колку и тие на некого да му изгледаат чудно, истово да го кажеше некој политичар ќе звучеше смешно, но вака и е на место и си има тежина. овие ставови  на Милчо ги дефинираат мотивите на владат да се нафати на возобновување на минатото.

Собранието бара пет млн. евра за куполите

Во Предлог-буџетот за оваа намена се предвидени 100 милиони денари, па реагираше Буџетскиот совет

Парламентот побарал 300 милиони денари од државната каса, околу пет милиони евра за надградба на собраниската зграда, која со реконструкцијата треба да добие три куполи - една централна и две странични. Но, во Предлог-буџетот за наредната година за оваа намена се предвидени 100 милиони денари, па поради тоа вчера реагираше Буџетскиот совет на Собранието.

Собранието од Министерството за финансии побарало 845 милиони денари, а добило 554 милиони денари. Ланскиот собраниски буџет бил 514 милиони. Најголемо скратување има кај средствата наменети за надградба на зградата на Собранието и кај канцелариите за контакт на пратениците со граѓаните. Од бараните 300 милиони за надградба, Министерството за финансии во буџетот предвидело 100 милиони, а за канцелариите биле побарани 37 милиони, а се одобрени 15 милиони.

Генералниот секретар на Собранието, Жарко Денковски, на седницата на Буџетскиот совет реагираше поради скусувањето на средствата за надградба, потсетувајќи дека целата работа е започната уште пред две години. „Наредната недела треба да се распише меѓународен тендер за изведба на работите, но не може да се направи тоа доколку се одобрат само 100 милиони денари. Треба да знаеме дека ги имаме потребните средства, поради што ќе поднесеме амандман тие да се зголемат барем на 200 милиони. За ваквото наше барање бараме поддршка од сите пратеници“, рече Денковски.

Шефицата на пратеничката група на ВМРО-ДПМНЕ, Силвана Бонева, реагираше дека одобрените средства за канцелариите за комуникации евентуално ќе можат да ги покријат платите на асистентите во канцелариите, но нема да бидат доволни за опрема и тековно работење. (О.В.)

http://utrinski.com.mk/?ItemID=DB304FF225547A4FA5EAE21F30199061 Ovie ne se normalni