Што сме можеле да имаме

Музеј на ВМРО и жртвите од комунизмот / Кобуз Флорин 2007

конкурс – Музеј на ВМРО и жртвите од комунизмот

автор: Флорин Кобуз

соработник/ ментор: Дан Сербан

година: 2007

Одличен проект, кој за жал нема да го видиме во реалност.

ПАЃААТ ПЛОЧКИ ОД ПОТПОРНИТЕ ЅИДОВИ НА ДЕЛ ОД НОВИТЕ ОБЈЕКТИ НА КЕЈ

СЕ РАСПАЃА ТЕРАСАТА НА МУЗЕЈОТ НА ВМРО

Од ѕидот на терасата, речиси повеќе од половина од плочките ги нема, па на ѕидот се гледаат само градежните материјали кои се ставени при неговата изградба

Се распаѓа терасата на Музејот на ВМРО. Од ѕидот на терасата, која гледа кон Камениот мост, паѓаат плочки. Речиси повеќе од половина од плочките ги нема, па на ѕидот се гледаат само градежните материјали кои се ставени при неговата изградба. Плочки паѓаат и од другата страна на потпорниот ѕид, кој гледа кон Кејот на реката Вардар, но тие не се забележуваат на прв поглед од дрвјата насадени по неговата должина.

Директор на Музејот на ВМРО Бранислав Светозаревиќ објаснува дека поради врнежите од дожд, земјата која била во овој дел од Кејот почнала да се свлекува, па затоа паѓаат плочките.



"Ние го информиравме изведувачот 'Бетон-Скопје' за овој проблем, и очекуваме наскоро тој да биде саниран. Во делот каде што се паднати плочките, имаше земја. Од дождовите таа се свлече и сега повторно треба да се нанесе нов слој. До нивото каде што ги нема плочките, треба да се покрие со нов слој земја", вели директорот Светозаревиќ.

Музејот на ВМРО беше пуштен во употреба пред четири години. Неговата изградба чини околу 13 милиони евра. (А.А.)

ФОТО:Д.Перковски

http://www.vest.mk/default.asp?ItemID=C131D8092C56C344B9175DB6E70C72F9

Се РАСПАЃА тоа е тоа „независно„ и „објективно„ новинарство за кое зборувам постојано.

Можеби сака да каже дека посоодветно е „се рони“...

Распаѓање е многу тежок збор за паднати неколку плочки. Го трујат народот со вакви катаклизмички зборови како кој знае што да се случува. Јас кога прочитав мислев дека подот пропаѓа, дека спас и нема на тераста, затоа што РАСПАЃАЊЕ воглавном е состојба од која нема враќање назад , кога гледам паднале неколку плочки кои два мајстора за три саати ќе ги вратат таму каде што биле.

Забеган нема намера со тебе да спорам. Ти не правиш разлика помеѓу 4 години и 5 дена па за друго што останало. За разлика од тебе има луѓе на кои им се битни деталите и очекуваат од некој кој себе си се нарекува новинар да користи соодветни и прецизни зборови и изрази.

Originally posted by zabegan Originally posted by FoSsiL Можеби сака да каже дека посоодветно е „се рони“... да не треба да биде „плочките од ѕидот нежно и полека паѓаат како ливчиња од јапонска цреша“?

Еј, ме изнасмеа, да си жив и здрав!

Originally posted by King Конкретно за горната слика, дошло до слегнување на земјата, со слегнувањето земјата ја повлекла изолацијата која оди и под плочките, бидејки изолацијата се истегнувала ги одлепила плочките, санацијата може да се заврши за неколку денови, претпоставувам дека не се врши во овој момент заради ниските температури. Инаку секој објект има гаранција од изведувачот од 2 до 5 години, не пости објект во светот кој не бара одржување, посебно во првите години кога се појавуваат аномалиите, затоа и постојат роковите и гаранциите.

Овој дел посебно е болен за нас, со оглед на нашата култура на одржување згради, нешто што е очигледно и не треба да се филозофира многу. Доволно е човек да прошета малку низ градов и да види во каква состојба се повеќето државни установи и јасно ќе му стане. Освен тоа, горната слика на „нежно одлепени плочки поради слегнување на земјата“ е супер фотка за туристите што ќе нагрнат во огромен број да го видат Скопје 2014. И токму вакви глетки не треба да им приредуваме, зашто тоа е првото што ќе го сликаат и ќе го објават на своите блогови и фејсбук/инстаграм/тумблр/твитер профили.

Уште фотографии:







http://plusinfo.mk/vest/52833/plocka-po-plocka-se-raspagja-terasata-od-muzejot-na-vmro-galerija

Добро, не убедивте. Одлично е направен зидов.