Tychy, Polska (Тихи, Полска)

Викендот посветен на соц-реализам сакам да го заокружам со полскиот град Тихи. За разлика од честата присутност на соц-модернизмот или неокласицизмот во бројни полски градови на одредени локации, градот Тихи е изграден во целост во текот на владеење на железната тупаница. Под декрет на тогашната полска власт, во 1950 година започнува изградбата на новиот град наречен Nowi Tychy во близина на некогашното мало населено место. Неокласицизам за еден помал нерепрезентативен град е реткост која може да се види во Тихи. Овој град е најголемиот во низата на „нови градови“ изградени од комунистичката власт во периодот од 1950 до 1985 година. Со постепеното населување во минатото, градот денес ја достигнува бројката од 130.000 жители. Интересно е да се напомене дека тогашната планска економија и соц. урбанистичко планирање не го планирале за посебен град, туку за едно од предградијата на Катовице, во функција на натамошен развој на индустрискиот регион Горна Шлезија.

И малку фотографии од соцреализмот: