Седум километри пруга можат Битола и Кавадарци да ги направат Манчестер

Дејан Азески

Железничкото поврзување на индустриската зона Жабени крај Битола и на фабриките во Кавадарци ќе ги направи овие компании многу поконкурентни

 

Помалку од 800 метри пруга фалат до индустриската зона Жабени крај Битола и нешто повеќе од пет километри до индустриската зона во Кавадарци. Засегнатите бизнисмени, но и независни експерти потврдуваат дека овие минимални инфраструктурни зафати може да ги направат фабриките на Кромберт и Шуберт, ИГМ, Дрекселмаер, Тиквеш и многу други двојно поконкурентни на пазарот. Општо позната статистика е дека железничкиот транспорт секогаш е една третина поевтин од камионскиот, што најдиректно се одразува на увозната цена на суровините и на извозната на готовите производи.

Радош Вукичевиќ, маркетинг-директор на винарницата Тиквеш од Кавадарци, смета дека не треба ни да се коментира колкаво значење за компаниите би имал евтиниот железнички транспорт.„За некои производи при транспорт до некоја далечна дестинација нема голема разлика дали превозот е камионски или железнички. Но, при превоз на поголеми количини вино до Белград или Загреб, како што правиме ние, дефинитивно ќе има голема разлика во крајната цена на производот“, вели Вукичевиќ. Според него, покрај инфраструктурата потребни се и промени во начинот на работа во Македонски железници.

Бизнисмените од Кавадарци бараат и да се дозволи компаниите со сопствени вагони да ги пренесуваат стоките до Солун, што многу ќе ја намали цената на транспортот. Генералниот директор на МЖ Транспорт, Оливер Дерковски, најави дека наскоро ќе бидат изградени овие пруги.

„Пругата до индустриската зона Жабени е долга само 750,8 метри и ќе се изгради многу брзо. За Кавадарци, до ИГМ и до Дрекселмаер, во изработка се студии и има две варијанти: да се продлжи постоечката пруга од Фени или да се гради нов крак од Вардар преку Росоман за Кавадарци“, вели Дерковски.

Од комбинатот Фени велат дека транспортот во изминатата година го чинел 10% до 15% од вкупниот производен трошок. Иако до нивната фабрика има функционирачка железничка пруга, тие многу малку ја користат.

„И железничките услуги за нас претставуваат тесно грло. Користиме железница во многу мал процент поради слабата инфраструктура, недостигот на локомотиви и специјализирани вагони. Колку за илустрација, од 9.000 тони материјал дневно, само 2.000 тони се превезуваат со железница, бидејќи тие немаат капацитет за повеќе. Истиот проблем го имаме и со нашата фабрика во Косово, бидејќи превезуваме големи количини материјал на дневна база од Солун до Косово и назад“, објаснуваат од Фени.

Дерковски тврди дека не е точно дека железницата не може да ги задоволи потребите на Фени. Според него, Фени готовиот производ го носи до Солун со камиони зошто немало голема разлика во цена.

„Увозот на Фени не оди преку нас поради некои за нив познати причини. Имавме проблем со нивната истоварна рампа, која едвај можеше да истовари одеднаш два вагони од композицијата. Сега малку ја обновија на шест. Во претходните години што и да барале од нас, сме извршиле без забелешки и доцнење. Грчката железница од нас е поскапа за минимум 50%. Ние за Фени носиме за четири евра за тон, а од Солун до граница плаќаат 5,7 евра. Во регионот сме поевтини од сите, освен од српската“, објаснува Дерковски.

 

Жабени од пругата го делат едвај 800 метри

Неколку години во близина на Битола функционира технолошко-индустриската развојна зона Жабени, каде што во тек е изградба на германската фабрика за електрична опрема Кромберт и Жуберт. Пругата од Битола до Лерин веќе неколку децении не е во функција.

Градоналачникот на Битола, Владимир Талески, очекува до 2015 година да стигне првиот воз во Жабени, каде што, според него, ќе има и нови фабрики.„Освен Кромберт и Шуберт и една млекарница, за која веќе имаме издадено маркици, очекувам многу поголема заинтересираност и изградба на уште 5-6 фабрики во најскоро можно време. Железничката пруга ќе придонесе за уште поголема заинтересираност за зоната поради намалените транспортни трошоци и директната поврзаност со Солунското пристаниште“, вели Талески.

Генералниот директор на МЖ Инфраструктура, Ирфан Асани, вели дека интензивно се работи на неколку проекти од овој правец, од кој најважен е реконструкцијата на пругата до Кременица (грчка граница) за да може Македонија да се поврзе со Грција.„Имаме и нов крак кој треба да оди до ИГМ. И плус од Битола треба да се дели крак, кој ќе ја поврзува индустриската зона Жабени. За овие краци уште сме во фаза на финални решенија, кои после тоа ќе го дадат финалниот тек за поврзување на овие индустриски капацитети. Пред сè, тоа зависи од новите капацитети кои се градат на тој дел. Градба на пруга е скапа работа и треба точно да се проектира за од неа сите подеднакво да имаат корист“, вели Асани.

http://www.kapital.com.mk/mk/makedonija/90412/sedum_kilometri_pruga_mozhat_bitola_i_kavadarci_da_gi_napravat_manchester.aspx

Тркало, се согласувам со тебе. Важно е да се изгради индустрискиот колосек до поголемите фабрики во близина на Кавадарци, но во целиот проект да се остави градот и понатаму без железничка пруга е лудост. Мислам дека никој од Кавадарци не би се противел доколку е поврзан со возови до Скопје.

Украдени делови од железничката пруга Зајас-Тајмиште

Полицијата информира дека непознати сторители во периодот 24/27.05.2013 година извршиле кражба на повеќе делови од железничката пруга Зајас-Тајмиште.

Кражбата е извршена со демонтирање и одземање на 500 штрафови за шини, 160 плочки и 20 спојки за шини од помошната железничка пруга на челичниот мост кај селото Колари.

Сторителите ја извршиле кражбата на начин што најнапред ги демонтирале штрафовите, плочките и спојките а потоа насилно ги корнеле и оттргнувале од шините.

Се преземаат мерки за откривање на сторителите.

http://regioni.mk/ukradeni-delovi-od-zeleznickata-pruga-zajas-tajmiste/

Нов патен премин на влез во станица Табановци...03-09-2013



Uploaded with ImageShack.us


Uploaded with ImageShack.us


Uploaded with ImageShack.us


Uploaded with ImageShack.us


Uploaded with ImageShack.us


Uploaded with ImageShack.us


Uploaded with ImageShack.us


Uploaded with ImageShack.us


Uploaded with ImageShack.us


Uploaded with ImageShack.us


Uploaded with ImageShack.us

Edited by zookisk - 04-Sep-2013 at 17:42

Мон направи доста квалитетни фотографии од сите можни места.Кога ќе стигни во Шведска ќе испрати Цд па ќе ги постирам и тие слики.Јас сликав колку да имам некоја слика дотогаш

Во Србија наголемо се пишува и кажува и од официјални и од кинески лица дека Кина планира да ја реконструира пругата од Белград до Солун и тоа за брзини многу поголеми од сегашните.Планирале големи идеи за ова подрачје.

Е сега ако се пстварат овие идеи овие пари што ги даваме на оваа реконструкција ќе бидат за џабе фрлени,а ако не се оствари ќе бидат паметно вложени.

Прашањето од милијарда долари е што е попаметно?да се чека на кинезите или да се фатиме за работа

Станица „Скопје Товарна“

Имаше проект од 340 илјади евра за адаптација во мултимодален терминал, претпоставувам дека е завршен:
http://www.build.mk/?p=25234

Фоткиве се од вчера


1


2

Архивски текст од 60-тите години на весникот „Нова Македонија“ за изградбата на пругата Скопје-Кичево:

Идејата вметната во Националната стратегија за транспорт е одлична, но прашање е дали е применлива во една земја од Третиот свет. Како по правило, ние веќе се навикнавме нашиот превоз да го товариме со камион и да ни го остават пред нашиот дистрибутивен пункт. Комбинираниот транспорт и мултимодалните јазли мора да бидат поддржани од владата со законски и со практични мерки. Во спротивно, тие нема да успеат како проект, а железницата ќе остане да биде претпријатие што во земјава вози масовен товар за 7-8 компании.

Како пример за споредба ќе ја дадам железничката пруга и експресниот пат кон Бугарија. Оваа влада упорно ја турка изградбата на експресен пат на сите делници кон бугарската граница, иако од соседна Бугарија јасно ни е ставено до знаење дека пругата ќе биде приоритет. Едноставно, нашиот сосед има уште толку многу автопатски делници да догради од Коридорите 4, 9 и 10, што значи дека било каков експресен пат или автопат кон Ѓуешево е надвор од било каков приоритет, но и реална потреба, во наредните 10-тина години.

Да заклучам, овој стратешки документ треба да служи на владата за да ги донесува одлуките од транспортната стратегија според него, а не за да се изработи како документ колку да се каже дека имаме транспортна стратегија и ние како земја.