Пешачки зони и помали плоштади (општо)

Реализацијата на Програмата за комунален развој за оваа година  се одвива и на повеќе пунктови – предвидени за овој период – и со повеќе зафати скоро во сите делови од општината.
Покрај започнатите работи за подобрување на комуналната инфраструктура  во с. Косел каде се уредуваат тротоари за пешаците, или  осветлувањето на дел од магистралниот пат кон Битола –  на потегот од градските гробишта до Лескоец – со што се подобрува безбедноста и на пешаците и на  возачите, се разубавува  и уредува просторот пред „Горна Порта“  познат како „Баирот“.

Некогаш пробиената патека која води низ шумичката паралелно со патот кон „Горна Порта“,  сега се уредува не само во пријатно шеталиште туку и пешачка стаза која овозможува полесно совладување на нагорнината и од постарите и, со нарушено здравје, пешаци.

Ова претставува само дел од заложбата за изградба на пешачка патека околу целиот стар дел на градот – од „Долна Порта“ до плажите под Плаошник. Тоа би требало да биде суштина на понудата за туристите кои сакаат да ги доживеат  убавините на градот и на овој начин – со пешачење.