Ново маало

Врз основа на член 24 од Законот за просторно и урбанистичко планирање (Службен весник на РМ бр.51/05, 137/2007, 91/2009, 124/2010, 18/2011 и 53/11), Градоначалникот на Општина Центар го издава следното

С О О П Ш Т Е Н И Е

Се известуваат граѓаните и правните лица од oпфатот на Изменување и дополнување на Детален урбанистички план Маџир Маало и Градска Порта Ново Маало , Општина Центар – Скопје, Предлог план, дека Градоначалникот на Општина Центар донесе Решение за организирање на

ЈАВНА ПРЕЗЕНТАЦИЈА И ЈАВНА АНКЕТА
по изменување и дополнување на Детален урбанистички план
Маџир Маало и Градска Порта Ново Маало, Општина Центар – Скопје, Предлог план
Границата на планскиот опфат :
- На северозапад оди по осовината на бул.„Кочо Рацин" се до пресечната точка со осовината на бул.„Кузман Јосифовски-Питу" ;
- На североисток оди по осовината на бул.„Кузман Јосифовски-Питу" до пресечната точка со осовината на ул.„Никола Карев";
- На југоисток оди по осовината на ул.„Никола Карев" се до пресечната точка со осовината на ул.„Стале Попов";
- На југозапад оди по осовината на ул.„Стале Попов" се до пресек со осовина на бул.„Крушевска Република",продолжува на југ по осовината на бул.„Крушевска Република",врти на запад по осовината на ул.„Новопланирана" 2,се до пресек со осовината на бул.„Кочо Рацин".

Вкупната површина опфатена во рамките на опишаните граници изнесува 11,39 ха.

Јавната презентација по Изменување и дополнување на ДУП Маџир Маало и Градска Порта Ново Маало , Општина Центар – Скопје, Предлог план, ќе се одржи во просториите на О.У.„11 Октомври", ул.„Мирче Ацев" 102, на ден 05.04.2012
година (четврток) во 13,00 часот.

Изменување и дополнување на ДУП Маџир Маало и Градска Порта Ново Маало, Општина Центар – Скопје, Предлог план , ќе биде изложен во просториите на У.З.„Мирче Мацан", ул.„Пролет" 39, секој работен ден од 10 -17 часот,
односно од 28.03.2012 година до 11.04.2012 година.

Одделение за урбанизам и просторно планирање,контакт телефон:3203 605 и 3203 660

Во определениот рок заинтересираните правни и физички лица од конкретното подрачје опфатено со Планот можат да доставуваат забелешки, предлози и мислења на анкетните листови.


Izvor: http://www.opstinacentar.gov.mk/JAMadzirMaalo.aspx

што редат одма до Веро!? и дали Ново Маало ќе ја зачуваат бар калдрмата, таа тука од секогаш ми била мила, место кое на Пролет му го враќаше шармот и в лете и в зима, иако и тогаш и денес е ко у.е. од друга димензија

инаку ова некогаш беше и најрасцветаниот дел од општина центар

Она кога некој стварно ќе уклучи мозок.

„Компактни соседства-одржлив град“ - магистерски труд на млад архитект

http://goo.gl/Ihoheb

Во маалово веќе почна да се гради,засега е активно само едно градилиште на Луна поред булеварот Кочо Рацин но за неколку месеци(максимум година) би можело да се очекува експанзија од нови згради бидејќи жителите веќе се во фаза на преддоговори и договори со разни инвеститори.

Еве го деталниот по кој ќе треба да се гради



и плус еден извадок од Google Maps



Зградите всушност треба да никнат на потегот меѓу улиците Истарска и ул.706 односно меѓу бул.Кочо Рацин и ул.83 која по изведбата на некои од зградите нема да постои(сервисната уличка зад верото)

Е тоа е. Ама па какво зеленило во центар? Се знае центар е бетонска џунгла со трговски центри и деловни простории, проблемот е што во населбите ги уништуваат зелените површини

Деталниот не е сјаен но има некои предности во смисла што овој простор уште одамна требаше да се урбанизира бидејќи се живее во супстандардни услови во 21 век среде центар на град,притоа маркиците ми се допаѓаат бидејќи не се класични коцки како во Стар Аеродром и други места така да би можело да се оди на нешто покреативна варијанта но сепак тоа зависи од инвеститорите колку ќе се вложат.Сепак мора да се работи на инфраструктурата бидејќи според планот некои од уличките ќе ги снема.

Денес направив неколку фотки низ маалото

ул.Благоја Деспотовски-Шовел најдолгата уличка во маалото која според планот ќе стане слепа улица но ќе добие малце во ширина





ул.83 воопшто нема да постои ако се реализира деталниот бидејќи дел од парцелите се вцртани врз нејзе поточно ќе има една 7 и една 9 катница





тука е планирана 7-катница



а тука 9-катница



ул.47 исто така нема да постои бидејќи истата би требало да служи како партер или паркинг на новите згради а нова улица треба да се пробива кај црвените згради во позадина на првата фотка





ул.Битолска



овие се поред бул.Кочо Рацин каде треба да никнат 10-катници од кои едната веќе се гради



Но сепак ќе помине доста време додека овој дел целосно се видоизмени и урбанизира бидејќи неможе истовремено да почне да се градат сите згради можно е да се влече 10-тина години како што е случајот со Маџир Маало...

му треба средување, ама не со 7-9 катни станбени кокошарници, како што тоа го прават откарши во Маџир маало
крајно разочаруивање е што градежната експанзија на градот се сведе на бутање станови насекаде каде што ќе се добие чист простор, најчесто со низок квалитет и незавиден екстериер, дури да почне да ти фали СК2014 бог да чува

Едноставно ќе мора да дочекаме да дојде ден кога Македонците ќе престанат да купуваат рефус стамбена квадратура. Мора да почне да се појавува поголема дискрепанца во старо-ново, правилно-згужвано, пространо-набутано, има-нема паркинг. Доста е само блиски-далеку до центар да ја варира цената. Или може би почнало ама близината до центар ја крева цената, а згужваниот терен ја спушта исто толку, па има некој еквилибриум и од страна не се гледа дека тие фактори влијаат. Едноставно со други зборови, мора до толку лош да стане квалитеот на живеење во овие маала од згради, за да почнат луѓето да размислуваат за попериферни поправилни населби.

Edited by user8642 - 08-Jun-2020 at 16:39

Originally posted by user8642 Едноставно ќе мора да дочекаме да дојде ден кога Македонците ќе престанат да купуваат рефус стамбена квадратура. Мора да почне да се појавува поголема дискрепанца во старо-ново, правилно-згужвано, пространо-набутано, има-нема паркинг. Доста е само блиски-далеку до центар да ја варира цената. Или може би почнало ама близината до центар ја крева цената, а згужваниот терен ја спушта исто толку, па има некој еквилибриум и од страна не се гледа дека тие фактори влијаат. Едноставно со други зборови, мора до толку лош да стане квалитеот на живеење во овие маала од згради, за да почнат луѓето да размислуваат за попериферни поправилни населби.

реално, нема кој да влијае врз пазарот на станови во Скопје, луѓето ќе го купуваат тоа што го има во зависност од финанскиска состојба и лични преференци во однос на локација и флор план на станот, не се тие виновни тука
секако дека становите може да се регулираат со урбанистички планови и закони, затоа и постојат, може да има категоризација на единици за домување и од таму да има нивна регулација, ама кого да прашаме? истите тие што го дозволиле бутањето на кокошарнициве во сред центар?