Фудбалски стадиони во Македонија (општо)

Вардар ќе гради нов стадион во скопската населба Карпош! Македонскиот фудбалски шампион Вардар ќе добие нов стадион кој ќе се гради во скопската општина Карпош, на местото каде што сега игра второлигашот Локомотива, неофицијално дознава „Спорт1“ од извори блиски на општината. Сопственикот на Вардар, рускиот бизнисмен Сергеј Самсоненко одамна имаше намера да изгради нов, помал стадион каде што црвено-црните би ги играле натпреварите од домашното првенство. Проектот за изградбата бил готов, доставен до надлежните во општина Карпош, од каде што без проблем се согласиле да бидат домаќини на најголемото фудбалско име во Македонија. Остануваат само да се средат бирократските работи за да може да почне изградбата на новиот црвено-црн храм, за кој ќе треба да помогне и државата која би требало да отстапи дел од нејзиното земјиште околу теренот на Локомотива. За сето ова побаравме потврда и од спортскиот директор на Вардар, Дарко Панчев, кој изненаден дека информацијата протекла во јавноста, скромно изјави дека потребно е да се утврдат техничките детали за овој проект. „Tочно е дека е во план да се гради стадион на таа локација, ама треба допрва да се утврдат сите технички детали“, ни изјави Панчев. „Црвено-црните“, кои сега се „кираџии“ на Националната арена „Филип втори“ имаат во план новиот стадион да биде суперлуксузен, со сите нишани и на него, покрај домашните првенствени и Куп средби, да можат да се играат и понеатрактивните европски дуели. Пред две години протекоа во јавноста фотографии од тоа како ќе изгледа новиот стадион на Вардар, за кој тогаш се шпекулираше дека ќе се гради во општина Аеродром. Откако стивна бурата, од клубот се јавија со соопштение дека проектот е стопиран за извесен период. Сега информациите велат дека сѐ е договорено Вардар да добие нов стадион, но во Карпош, населба која отсекогаш се сметала за една од највардарските во Скопје. Ова секако ќе наиде на голема поддршка од страна на вардаровите навивачи, кои од поодамна протестираат што екипата постојано се сели со своите домашни мечеви, најчесто на „Филип Втори“ треба да се играат репрезентативни натпревари. Вардар во изминативе години своите домашни средби ги играше во Ѓорче Петров, во Маџари, во Велес, но со добивањето на нов стадион, тој проблем веќе нема да го има.

https://sport1.mk/fudbal/domashno-prvenstvo/ekskluzivno-vardar-kje-gradi-nov-stadion-vo-skopskata-naselba-karposh

На ова ниво треба да се дотераат повеќе стадиони кај нас,монажни трибини се топ за наши стандарди

Видео:
http://https://www.youtube.com/watch?v=Q1lBva2MBMM


http://ffm.mk/dejan-stankovikj-gostin-i-predavach-vo-akademijata-na-ffm

На предлог на Patriot, издвоени се нови нишки за стадионите во:

- Прилеп
- Тетово
- Струмица (Младост)

До кога фудбалски прволигаши ќе бидат домаќини на гостински терен? Стадиони во очајна состојба:
http://www.youtube.com/watch?v=ZjXSF-kTjEA


Edited by Patriot - 18-Apr-2018 at 23:06

Изградба на трибина на стадионот на FC Shkupi во Чаир









https://www.facebook.com/komunacair/

Фудбалската федерација на Македонија донираше 550 нови столчиња за потребите на градскиот стадион во општина Неготино.
Пред истите да бидат монтирани ќе претходи делумна реконструкција на бетонската подлога на трибината, со што градскиот стадион во Неготино ќе добие сосема поинаков и поубав изглед, а ќе се подобрат и условите за следење на сите фудбалски натпревари.





https://www.facebook.com/delkovtoni

Предлог до 15 јули на секоја вест која може да се толкува како предизборна, а такви ќе ги има многу наредниве четири недели, да ставиме хаштаг #ПИА (Предизборна активност).

По 30 години Градскиот стадион во Кавадарци ќе добие потполно нова слика. Фудбалската федерација на Македонија целосно реконструира две трибини (јужна и источна), а целосно покриена со кровна конструкција ќе биде јужната трибина. Веќе се набавени и 2000 нови столчиња за стадионот на ФК Тиквеш. Општина Кавадарци потоа целосно ќе ги обнови и модернизира соблекувалните и останатите простории во рамки на стадионот.

„За кратко време го поминавме патот од идеја до реализација. Сите знаеме колку стадионот и ФК Тиквеш значи за градот Кавадарци. Исклучитено сме задоволни од досегашниот тек на активностите, напредокот веќе е видлив, а следната пролет ќе ја видиме целосната слика од Градскиот стадион. ФФМ обезбеди средства за изградба и реконструкција на трибините на стадионот, а заедно со општината ќе продолжиме да создаваме услови за подобрување на фудбалската инфраструктура. Благодарност до градоначалникот Јанчев и неговата администрација за обезбедувањето на сета потребна документација и можноста да започнеме со реализација на проектот во најкраток рок“, изјави претседателот на ФФМ, Муамед Сејдини.

Градоначалникот Митко Јанчев вели дека новиот стадион ќе биде голем плус за развојот не само на фудбалот туку и севкупно на спортот во Кавадарци.

„За реализација на овој проект изразуваме голема благодарност до Фудбалската федерација на Македонија. ФФМ обезбеди средства и врши реконструкција на стадионот. За ваков прилично голем проект, едни без други не можеме и на овој начин само ја унапредуваме нашата соработка. Секојдневно сме во комуникација со луѓето од федерацијата, стадионот на некој начин е „жива материја“ и заеднички се трудиме да направиме позитивни работи за фудбалот и воопшто за спортот во нашиот град. Она што Федерацијата го прави заедно со општините, едноставно, секој мора да го поддржи бидејќи се вложуваат средства, а корист имаат клубовите. Драго ми е што и ние како локална самоуправа после многу години создаваме поинаква слика за Градскиот стадион, а тоа е вредност за градот која ќе трае и ќе биде поттик за многу идни генерации фудбалери“, изјави градоначалникот на Кавадарци, Митко Јанчев.

Фудбалската федерација на Македонија со средства од “Хет-трик” програмата на УЕФА го финансираше поставувањето на целосно нова тревна подлога (тревни бусени) со модерен дренажен и систем за наводнувањена стадионот „Гоце Делчев“ во Прилеп а исто така, постави и целосно ново рефлекторско осветлување и сега на стадионот има можност да се одигруваат и натпревари под рефлектори.

За кратко време, Фудбалската федерација на Македонија целосно ќе ја заврши и ќе ја пушти во употреба новата трибина на стадионот во Чаир, потоа целосно ќе го заврши и новиот терен на стадионот на ФК Ренова во Џепчиште, а еден од покрупните проекти кој се очекува да се финализира е стадионот „под Тумбе кафе“ во Битола.

Во тек се градежни активности и изградба на нова трибина на стадионот „Билјанини Извори“ во Охрид, а еден од важните проекти во периодот што следува е целосна обнова со изградба на нова трибина на градскиот стадион во Штип.



https://ekipa.mk/ffm-stadionot-vo-kavadartsi-naskoro-so-nov-lik-video/