Скопски сообраќај (општо)

СЕ РЕКОНСТРУИРА УЛИЦАТА БОЦА ИВАНОВА, ВО БУТЕЛ
Екипите на Град Скопје од денеска ја реконструираат улицата Боца Иванова, во општината Бутел, на потегот од кружниот тек до улицата Лазар Трповски.
Оваа улица, заедно со улицата Лазар Трповски, чијашто реконструкција ќе биде изведена исто така до крајот на годинава, се исклучително фреквентни улици. Тоа се улиците кои водат до влезовите на градските гробишта „Бутел“ и кои ги спојуваат општините Бутел и Шуто Оризари, што ја чини потребата од нивна реконструкција повеќе од неопходна.
За потсетување, годинава реконструиравме и дел од улицата Александар Урдаревски која се наоѓа во непосредна близина, а во тек е изградбата на втората фаза од булеварот Босна и Херцеговина. Булеварот Христијан Тодоровски Карпош веќе неколку месеци активно го користат нашите сограѓани од северниот дел на градот кои сега благодарение на овој булевар побргу стигнуваат и до обиколницата и до централното градско подрачје.



https://www.facebook.com/CityofSkopje

Originally posted by stef4o Вака изгледа улицата Џон Кенеди пред почетокот на реконструкција. Фотографијата нека биде за потсетување и споредба со она кое денес почнуваме да го правиме на оваа улица, а резултатот ќе го видиме по месец дена. https://www.facebook.com/p.shilegov

СО РЕКОНСТРУКЦИЈАТА, УЛИЦАТА ЏОН КЕНЕДИ ЌЕ ДОБИЕ ВЕЛОСИПЕДСКИ ПАТЕКИ И ОСЛОБОДЕНИ ТРОТОАРИ

Улицата Џон Кенеди, во општината Чаир, за помалку од два месеца ќе добие нов лик. Од денеска екипи на Град Скопје вршат реконструкција на коловозот на оваа значајна сообраќајница, на потегот од булеварот Македонско-косовска бригада до булеварот Христијан Тодоровски Карпош. На оваа делница во наредниот период ќе бидат изградени и велосипедски патеки, ќе се заменат оштетените рабници и ќе се изврши нивелација на постојните шахти и сливници, на должина од 1.123 метри

о реконструкцијата, улицата Џон Кенеди ќе биде 5-та сообраќајница на подрачјето на Чаир со оформени велосипедски патеки, по улиците Ќемал Сејфула и Втора македонска бригада и булеварите Христијан Тодоровски Карпош и Босна и Херцеговина

Добиваме позитивни реакции од граѓаните од северниот дел на Скопје, покрај реконструкцијата на улицата Џон Кенеди наредната недела ќе почнеме со обнова и на улицата Македонско-косовска бригада. Веќе е изграден булеварот Христијан Тодоровски Карпош, се гради булеварот Босна и Херцеговина, а изграден е и кружен тек во Чаир – со една цел, како стратегија на градот, да обезбедиме рамномерен развој на инфраструктурата зашто овој дел од Скопје бил надвор од плановите за какво било дејствување. Кога е инфраструктурата во прашање сите граѓани на Скопје треба да имаат исти услови - рече денеска градоначалникот Петре Шилегов.
Вредноста на проектот за обнова на улицата Џон Кенеди изнесува околу 25,8 милиони денари, а рокот на изведба е 40 дена.







https://www.facebook.com/CityofSkopje/

Кој е виновен за гужвата во скопскиот сообраќај?

Колку повеќе се зголемува бројот на возилата во Скопје, толку потешко станува движењето низ градот со автомобил. За да бидат работите уште понеподносливи, огромен дел од возачите и самите ги отежнуваат околностите во кои се одвива сообраќајот, непочитувајќи ги сообраќајните правила, на коишто инаку се согласиле во моментот кога ја земале својата возачка дозвола.

Јавен превоз
Возилата од јавниот превоз (како и возилата на прва помош, возилата на полиција, возилата на противпожарната служба) спаѓаат во посебна категорија на привилегирани возила, на коишто би требало да им се даде предност во движењето. Но, тоа во Скопје не се случува. Ретко кој ги „рецка“ автобусите на ЈСП, како и оние приватните. Ретко кој запира, за да им овозможи да се приклучат во сообраќајот, после нивното застанување.

Кога би биле малку повнимателни кон овие возила, многу би го подобриле текот на сообраќајот и би ги скратиле паузите, со кои тој се одвива.

Несовесно управување со возилото без користење на трепкачи
Трепкачите служат за, на останатите учесници од сообраќајот, да им навестите во која насока планирате да продолжите да се движите, за тие пак соодветно да го прилагодат нивното движење. Кога се движите во пресрет на споредна уличка, кон која планирате да завртите, „дајте жмигавец“, за другите да знаат што имате намера да направите следно. Вашето движење е јавно и нема зошто да не најавите дека планирате да се исклучите од главна улица и да продолжите да се движите по споредна. Плус, со давањето „жмигавец“, помагате околното движење да се адаптира на вас со време, а не во последниот момент.

Давањето „жмигавец“ сфатете го како кажување „благодарам“, „здраво“, „чао“… толку е неопходно!

Давајте „жмигавец“ кога претекнувате, кога преминувате од една сообраќајна лента во друга, кога застанувате… давајте „жмигавец“ секој пат кога, тоа го налагаат сообраќајните правила.

Пешаци, насекаде!
Пешаците би требало да ги преминуваат сообраќајниците на специјално означени зони, а не каде што ќе им текне. Зоните се измислени за да се зголеми безбедноста при движењето на пешаците на фреквентните места. Возачите знаат дека треба да внимаваат кога ќе се доближат до означените зони за пешаци, а пешаците знаат дека слободно можат да ја преминат сообраќајницата на тие зони.

Нема „ми се брза“, нема „немам време“, нема „ме мрзи“!

Ако сакате да видите како изгледа кога ова правило не се почитува, застанете 5 минути на Бит пазар и сè ќе ви стане јасно. Луѓе, како спобудалени трчаат на сите страни. Прескокнуваат тревници, разговараат на сред сообраќајница, се спремаат да скокнат од страничните садници, маневрираат со велосипеди… лудило!

Непочитување на сообраќајните знаци и правила
Ова е само надоврзување на проблемот со трепкачите.

Ако сакаш да учествуваш во сообраќај, мора да ги знаеш правилата на игра.

Ја прилагодуваш брзината на соодветните сообраќајни знаци за ограничување на брзината на движење.
Не запираш на места на коишто е забрането запирањето.
Не паркираш на места на коишто е забрането паркирањето.
Не вртиш полукружно на двојна полна линија, зашто тоа би му дошло исто како да вртиш полукружно низ ѕид.
Не „претицаш“ каде што „претицањето“ не е дозволено.
Не возиш лудачки, по сообраќајница на која често има пешачки зони.
Општа нетрпеливост и нервоза
Ова веројатно се должи на сè што наведов претходно.

Знам дека најчесто е полесно да опцуеш некој на сообраќајница, отколку да му се спротивставиш на шефот, ама дајте луѓе олабавете се! Никој не ви е крив што сте се успале утрово, па ви се брза, ви се ита! Никој не е виновен што не смета дека треба да тргне за време на жолтото светло на семафорот, зашто, ако не сте знаеле, се тргнува на зелено… Никој не сака да ги „крка“ вашите „бедови“.

https://skopjeinfo.mk/koj-e-vinoven-za-guzhvata-vo-skopskiot-soobrakjaj

ОД ДЕНЕСКА СЕ РЕКОНСТРУИРА И ВТОРАТА ДЕЛНИЦА ОД УЛИЦАТА ЛАЗАР ЛИЧЕНОСКИ

Екипите на Град Скопје од денеска ја реконструираат улицата Лазар Личеноски, на потегот од СРЦ „Кале“ до крстосницата со булеварот Никола Карев, што претставува втора фаза од обновата на оваа значајна сообраќајница. На оваа делница ќе се изврши целосна реконструкција на коловозот во должина од 1.300 метри, реконструкција и проширување на постојните тротоари, како и замена на оштетените рабници.

Откако минатата година ја завршивме првата фаза од обновата на оваа улица, од булеварот Гоце Делчев до СРЦ „Кале“, со завршувањето на оваа фаза од реконструкцијата може да кажеме дека целосно е обновена една од двете улици кои околу скопското Кале ги поврзуваат булеварите Гоце Делчев и Никола Карев како едни од најфреквентните во градот. Градежната офанзива за изградба и реконструкција на скопските улици е во полн ек. Само за две недели почнавме реконструкција на 6 постојни и изградба на една нова улица, во неколку општини на територијата на Скопје. Затоа, однапред замолувам за разбирање за сообраќајниот метеж кој се создава како последица на неколкуте активни привремени режими на сообраќај што се воведени заради градежните активности – рече денеска градоначалникот Петре Шилегов.

За реализација на проектот за обнова на улицата Лазар Личеноски – втора фаза ќе се одвојат околу 17,4 милиони денари со вклучен ДДВ, а реконструкцијата треба да биде завршена во рок од 45 дена.
Шилегов додаде дека реконструкциите на градските сообраќајници ќе бидат завршени во рекордно кратки рокови.







https://www.facebook.com/CityofSkopje

Каде се кружниот тек кај Хубо? и Клучката МоминПоток? Нема никаква најава за двете, а двете беа дел од програмата и се исклучително потребни за гужвите во овој дел од градот.

Да, на тендерот пишува до 2-ра Македонска Бригада. Инаку од 2-ра Мк бригада до Бул. Босна и Херцеговина има уште само помалку од 300м. А тие 300м моментално се најбитни бидејќи се најтесниот дел и има многу гужва поради Поинт Ретаил и Вива Фреш. За да ги поминеш тие 300м потребни се најмалку 5 минути..

Вака изгледа булеварот Александар Македонски пред почетокот на реконструкцијата. Видеото нека биде за потсетување и споредба со она што денес почнуваме да го правиме на овој булевар, а резултатот ќе го видиме по два месеци.







https://www.facebook.com/p.shilegov/videos/988873074961000

БУЛЕВАРОТ АЛЕКСАНДАР МАКЕДОНСКИ СЕ РЕКОНСТРУИРА - ЗА ПРВПАТ ЌЕ ДОБИЕ ВЕЛОСИПЕДСКИ ПАТЕКИ
Екипите на Град Скопје денеска почнаа градежни активности за реконструкција на булеварот Александар Македонски во Гази Баба, на потегот од крстосницата со улица 16-та Македонска бригада до пешачкиот мост пред клучката кај Хиподром, која го поврзува овој булевар со автопатот. Реконструкцијата се реализира фазно, а на терен истовремено се работат 3 од вкупно 4 фази на реконструкцијата. Булеварот ќе се реконструира во должина од 5.300 метри, што претставува најдолга делница на која Град Скопје работи во моментов.
- Градот Скопје почнува со голема реконструкција на булеварот Александар Македонски, односно источниот влез во нашиот град. Во текот на минатата година го завршивме западниот дел, сега ќе го средиме источниот дел, и тоа од крстосницата кај Хиподром до поранешен саем во Автокоманда. Ова е потег поголем од 5 километри, ќе работиме деноноќно и ги замолувам граѓаните да имаат трпение во однос на сообраќајните гужви бидејќи во тек е голема градежна офанзива за изградба и реконструкција на градските улици и ќе го пречекаме зимото со целосно обновена инфраструктура во изминативе 2 години. Куриозитет овде е што првпат Град Скопје ќе изврши експроријација на земјиште за да изградиме велосипедска патека што ќе го подобри урбаното живеење и, конечно, ќе има велосипедско поврзување на граѓаните од Синѓелиќ и Маџари со остатокот од градот. На овој потег не е работено 40-ина години – рече денеска градоначалникот Петре Шилегов.
Трите фази од реконструкцијата истовремено ги реализираат 3 различни градежни компании, а вкупната вредност на трите договори изнесува околу 202 милиони денари со вклучен ДДВ. Реконструкцијата ќе се искористи и за поставување или замена на подземните инфраструктурни инсталации.
Градежната офанзива за изградба и реконструкција на скопските улици се одвива со забрзана динамика. Шилегов упати апел до граѓаните да ги почитуваат воведените привремени сообраќајни режими во повеќе делови во Скопје. .
На почетокот на градежните работи за реконструкцијата на булеварот Александар Македонски, присуствуваше и градоначалникот на Општина Гази Баба, Борче Георгиевски.







https://www.facebook.com/CityofSkopje

Град Скопје: Користете алтернативни рути додека се реконструира булеварот „Александар Македонски“

Град Скопје информира дека е во тек голема градежна офанзива за изградба и реконструкција на градските улици, па поради тоа граѓаните да ги користат алтернативните приоди и сообраќајници за влез во градот, пред сè поради големата реконструкција на булеварот „Александар Македонски“ во општина Гази Баба.

-Граѓаните можат во Скопје да пристапат преку скопската обиколница, на исклучувањето кај населба Радишани, преку новиот булевар „Христијан Тодоровски Карпош“ кон општина Чаир, како и на исклучувањата кај населба Визбегово кон Момин Поток и населба Волково кон општина Ѓорче Петров, објаснуваат од Градот.

Реконструкцијата на булеварот „Александар Македонски“ е на потегот од крстосницата со улица 16-та Македонска бригада до пешачкиот мост пред клучката кај Хиподром, која го поврзува овој булевар со автопатот.

-Реконструкцијата се реализира фазно, а на терен истовремено се работат три од вкупно четири фази на реконструкцијата. Булеварот ќе се реконструира во должина од 5.300 метри, што претставува најдолга делница на која Град Скопје работи во моментов, велат градските власти.
Град Скопје уште еднаш апелира до граѓаните да бидат трпеливи и да ги почитуваат новонастанатите услови на патот како и посебните сообраќајни режими со кои се регулира сообраќајот за време на реконструкцијата на булеварот каде ќе се работи деноноќно.

https://tv21.tv/mk/grad-skopje-koristete-alternativni-ruti-dodeka-se-rekonstruira-bulevarot-aleksandar-makedonski/

Мора са се каже дека реконструкцина на особено бул. Александар Македонски и ул. Џон Кенеди се за поздравување.

Edited by my Macedonia - 06-Sep-2020 at 12:58