Надградба на ГТЦ

причината зошто дуќаните се празни е поради лошите услови и високата кирија

инаку не знам зошто се лажете дека проблемот е до ГТЦ а не до трендовите, како се отвара нов мол, останатите изумираат, да не беше Косово во Сити мол и Рамстор сега штурци ќе свиреа... и Сити мол е до пола полн и дуќани стално се отвораат и затвораат

А неколку битни шалтери да преселат на 2 кат? Централни и локални даноци, вадење изводи, плаќање сметки... може и поголема училница каде студенти од повеќе факултети би изучувале македонски јазик и литература, предмет задолжителен за сите во првиот семестар. Ако не регуларна, наставата би била екстерна - курс без кој нема да може да се дипломира.

Originally posted by Staro Skopje А неколку битни шалтери да преселат на 2 кат? Централни и локални даноци, вадење изводи, плаќање сметки... може и поголема училница каде студенти од повеќе факултети би изучувале македонски јазик и литература, предмет задолжителен за сите во првиот семестар. Ако не регуларна, наставата би била екстерна - курс без кој нема да може да се дипломира.

Да се малку повеќе креативни и храбри тие што треба да бидат, ГТЦ може да е преполн 24/7.

Други можности се кафич во сопственост на ГТЦ на кровот и редовно организирање културни и забавни настани, а може и спортски и едукативни (мали турнири во фудбал, ракомет, шах..., школски натпревари по секој предмет итн.) и намалено ДДВ/зголемен поврат на купеното од ГТЦ, Бисер и останатите трговски центри во пропаѓање.

Вакви популистички повраќаници ни тие пред нив не си набацуваа,срам ми е да дочитам.

Кров ќе правеле,на полупразен распаднат трговски,болест.

Животот на зградите : ГТЦ / Life of buildings : GTC

Ова е клучниот проблем на сите трговски низ скопје што се хаотично организирани и пропаднати!

Пошто државава нема пари и воља да експропреира и продава, ама затоа може да понуди транформација во едно единствено акционерско друштво во кое секој сопственик на дуќан би имал сразмерна сопственост на дуќанот кој би му бил влезен капитал во тоа ново основа друштво. Така сите дуќани ќе бидат под едн акапа, и ќе може да се најде инвеститор да го откупи целосно со претходнен аражман дека сите ќе продадат или употреба на законот за експропријација кој беше донесен за парцелата на веро, каде може државата да експропреира во корист и на приватен опственик ако е доминантен во соптвеноста на поголем дел.

ГТЦ лани оствари загуба од 660.000 евра
Издавањето деловен простор не го спаси Градскиот трговски центар од загуба. Друштвото и лани работело со загуба од над 660.000 евра.

Според извештајот, објавен на Македонска берза, Друштвото и лани имало проблем со наплата на побарувањата иако дел од нив завршиле и пред суд. ГТЦ треба да наплати 2,4 милиони евра долг стар една година и долг кој требало да го наплати лани. На Друштвото покрај домашни купувачи му должи и државата околу 15.000 евра.

ГТЦ лани повеќе трошел отколку што заработувал. Вкупните приходи на друштвото изнесуваат 3,35 милиони евра, додека потрошил 4,01 милиони евра.

На приходната страна најмногу пари собрал од комуналии и одржување над 2,4 милиони евра и од закупнина 660.509 евра.

Во расходната страна на друштвото највисока ставка се платите и придонесите како и одржувањето на деловниот простор.

Во АД ГТЦ најголем акционер е акционерското друштво за стопанисување со станбен и деловен простор кое учествува со 97, 58 отсто како и правни лица со 0,30 отсто и физички лица 0,49 отсто, како и вработени.

Акционерскиот капитал на друштвото се состои од 1.846.325 акции со вкупна номинална вредност од 92.316.250 евра.


https://plusinfo.mk/gtc-lani-ostvari-zaguba-od-660-000-evra/?fbclid=IwAR2iaF3nLqMKdrCFt6Ii74ygQWq6-iA5hihbWrEtvKOZtuopFdteAQq9LAE

Дуќанџиите во ГТЦ: Проектот „Гранд“ ќе го заживее ГТЦ

Следејќи ги најновите случувања и реакции во јавноста во врска со најавеното отпочнување со изградба на комплексот „Гранд“ кој е предвиден да се гради на паркингот наспроти „Холидеј Ин“, во непосредна близина на Градскиот трговски центар, Здружението на сопственици на деловен простор во ГТЦ 1973 Скопје ја известува јавноста дека ја дава својата целосна поддршка за реализација на овој проект.

Силно го поздравуваме почетокот на градбата и веруваме дека овој проект ќе го заживее ГТЦ, кој е едно од главните обележја на градот Скопје. Цврсто застануваме зад овој проект бидејќи сметаме дека уредувањето на овој простор ќе му даде нов лик на центарот на градот, отворајќи нова фреквенција на движење за граѓаните.


Градскиот трговски центар од ден на ден сè повеќе го губи својот сјај и убедени сме дека отворањето на комплексот „Гранд“ во Скопје на овој со децении запуштен простор во срцето на градот, позитивно ќе влијае на работата на сите дуќани кои се дел од овој трговски центар, заради што бараме поддршка и соработка од сите граѓани.

Било какви опструкции од групи на граѓани, организации или институции, ќе бидат на штета не само на нас дуќанџиите од најстариот трговски центар, туку и на граѓаните на Скопје кои заслужуваат модернизирање на центарот на градот.


Воедно, ја поздравуваме и најавената соработка на инвеститорот со Град Скопје, Шумарскиот факултет и зелените организации во земјава за изготвување на решение и директна инвестиција за обновување на дел од Кеј 13 Ноември како и градење на предвидениот пешачки мост кој ќе го поврзе јавниот простор кај Дрводекор со ГТЦ и сметаме дека ваков потег дополнително ќе го заживее и осовремени просторот во близина на трговскиот центар, правејќи го модерно, атрактивно и урбано место за сите посетители.

https://www.biznisvesti.mk/dukandhiite-vo-gtts-proektot-grand-ke-go-zazhivee-gtts/