Плажи и бродови на Вардар

Колку беа по врба 150.000 евра ?

Малку му е на народов.

Врбата со назив „надеж“. Па, ако некој верува во знаци на судбината, ова е тоа.

Нема куртул за галиите кај „Холидеј ин“ и МЕПСО

Во завршна фаза е најавеното отстранување на двете галии од коритото на реката Вардар, кај хотелот „Холидеј ин“ и пред МЕПСО. Од Град Скопје информираат дека доставено е решението од извршителот до должниците, а во понеделникот судот известил дека е искористено правото на приговор.

– Треба да се даде соодветен одговор од извршителот на приговорот до крајот на оваа недела, по што Апелациониот суд во рок од два-три дена ќе се изјасни по приговорот, објаснија градските власти



Во завршна фаза е најавеното отстранување на двете галии од коритото на реката Вардар, кај хотелот „Холидеј ин“ и пред МЕПСО. Од Град Скопје информираат дека доставено е решението од извршителот до должниците, а во понеделникот судот известил дека е искористено правото на приговор.

– Треба да се даде соодветен одговор од извршителот на приговорот до крајот на оваа недела, по што Апелациониот суд во рок од два-три дена ќе се изјасни по приговорот – објаснија градските власти.

Скопскиот градоначалник Петре Шилегов се надева дека до крајот на наредната седмица ќе заврши тоа, бидејќи се куси роковите во извршната постапка, па како што истакна, ќе може да се спроведе отстранувањето на галиите.

Во јуни годинава, Градот го раскина договорот со сопственикот на галијата кај хотелот „Холидеј ин“, фирмата „Сервис АД“. Тогаш Шилегов информираше дека се создадени правни услови за нејзино отстранување и поради тоа дал налог да се раскине договорот и да се наплати банкарската гаранција и за втората од трите галии.

Шефот на кабинетот на скопскиот градоначалник, Никола Наумовски, тогаш за медиумите изјави дека основа за раскинување на договорот е тоа што закупецот на галијата четири месеци не платил закупнина/кирија.

Претходно пак, во март, на прес-конференција, Шилегов соопшти дека го раскинува договорот со првиот брод кај МЕПСО, во сопственост на Ниче Димовски-Македон, шура на скопскиот ексградоначалник Коце Трајановски.

Тој тогаш потпиша решение со кое фирмата „Фаланга Херонеа ДООЕЛ“ се задолжува да ја тргне галијата во рок од 30 дена, бидејќи не работела иако Град Скопје ѝ доставил решение во 2018 година дека треба да почне да врши дејност, а до ден-денеска таа не е отстранета.

Отстранувањето на галиите и раскинувањето на договорите, како што напомена тогаш Шилегов ќе немаат никаква импликација по буџетот на Град Скопје, односно ќе се врши на сметка на закупецот.

Со тоа останува уште една галија, онаа меѓу двата пешачки моста на фирмата „Воденица“, за која како што се изјасни во јуни Наумоски сè уште не се создадени правни услови да биде отстранета, па ќе се чека или да заврши договорот или да се изнајде начин Градот да се ослободи од неа. Градските власти сега не одговорија дали се создадени потребните услови и оваа галија да се отстрани.

Галиите во Вардар се дел од проектот „Скопје 2014“.

Според Студијата за намалување на ризикот од поплави која ја изготви УНДП заедно со Градот и Центарот за управување со кризи ако коритото на Вардар не се ослободи од препреките, штетите при евентуална голема поплава би можеле да бидат од 30 до 130 милиони евра.

(А.П.)

https://www.vecer.press/нема-куртул-за-галиите-кај-холидеј-и/

И ова е Скопје…и ова е Вардар…













https://www.porta3.mk/i-ova-e-skopje-i-ova-e-vardar/

Реално сите видеа им се позитивни за Македонија и имаат снимено онака може десетина. Се гледа дека си прават да им е интересно.

Дај не летај, не гледаш дека FAKE изгледа е сега тамам и марихуана треба 😂. Некаков Sexshop или Услуги вброд како би било? Нема гајле важно туристи да си имаме .
Скопје има дефинитивно други подобри атракции наместо факеброд.

Edited by my Macedonia - 26-Nov-2020 at 23:27

Галиите купуваат време, сè уште стојат во коритото на Вардар

Град Скопје очекува известување за исходот од судската постапка и ќе постапи во согласност со правосилните судски одлуки. Доколку одлуките бидат за отстранување и сопствениците не постапат по истите, во тој случај Град Скопје ќе ги дислоцира, а финансиските трошоци ќе ги сносат сопствениците, образлагаат градските власти

Иако, отстранувањето на галијата кај МЕПСО, чиј сопственик е Ниче Димовски-Македон, шура на скопскиот ексградоначалник Коце Трајановски, Шилегов го најави на 9 март годинава, а отстранувањето на галијата кај хотелот „Холидеј ин“, на фирмата „Сервис АД“, бидејќи е раскинат поради тоа што четири месеци не била плаќана кирија, беше најавено на 1 јули 2020 година, тие сè уште се во коритото на реката Вардар.

За тоа која е причината што до сега не се отстранија галиите, од Градот кусо одговорија дека постапката се уште била во судска процедура.

– Град Скопје очекува известување за исходот од судската постапка и ќе постапи согласно правосилните судски одлуки. Доколку одлуките бидат за отстранување и сопствениците не постапат по истите, во тој случај Град Скопје ќе ги дислоцира, а финансиските трошоци ќе ги сносат сопствениците – образлагаат градските власти.

Како што објасни шефот на кабинетот на скопскиот градоначалник, Никола Наумовски, извршната постапка е правна и таа е обжалена и сега се чека на исходот од судската постапка.

– Ќе постапиме во зависност од правосилните одлуки на судот. Доколку во нив е наведено дека галиите треба да бидат отстранети, тоа ќе биде сторено и тоа на трошок на нивните сопственици – изјави Наумовски.

На последната прес конференција на која Наумовски го најави раскинувањето на договорот со сопственикот на галијата кај „Холидеј ин“, тој нагласи дека неплаќањето на кирија од страна на сопственикот е основа да се раскине договорот, односно скопскиот градоначалник Петре Шилегов да потпише акт со кој му соопштува на закупецот дека го раскинува договорот и очекува да ја отстрани галијата во рокот предвиден со договорот.

Наумовски тогаш истакна дека сопственикот е должен сам да ја отстрани галијата и дека бидејќи веќе започнуваат извршителите со работа, се отвора можноста да се отстрани и галијата кај МЕПСО, за што има извршно решение.

Инаку, на 9 март годинава, Шилегов потпиша решение со кое фирмата „Фаланга Херонеа ДООЕЛ“ се задолжува да ја тргне галијата во рок од 30 дена, бидејќи не работела иако Град Скопје ѝ доставил решение во 2018 година дека треба да почне да врши дејност.

Доколку самите закупци не ги отстранат галиите, извршителот ќе повика градежна фирма која ќе ги отстрани. Отстранувањето на галиите и раскинувањето на договорите, ќе немаат никаква импликација по буџетот на Град Скопје.

– Отстранувањето на галиите ќе се врши на сметка на закупецот. Извршителот ќе треба од сметките на закупците да ја наплати градежната активност. Рокот за отстранување на галиите зависи од нивните закупци и тоа може да биде за една недела, за еден месец, зависно од тоа дали закупците самите ќе ја завршат работата или ќе чекаат тоа да го стори извршителот – објасни тогаш Наумоски.

Тој тогаш додаде дека каде ќе бидат однесени галиите по нивното отстранување зависи од закупците.

– Што ќе се случува со галиите не можам да кажам, тие се приватна сопственост, закупците имаат право да ги однесат онаму каде што сакаат, само не повторно во коритото на реката Вардар, се разбира врз основ на издадена дозвола – истакна тогаш Наумоски.

Од Градот не одговорија за тоа дали се создадени услови за отстранување на третата галија, онаа меѓу двата пешачки моста, на фирмата „Воденица“. На последната прес-конференција, Наумовски потенцираше дека ќе се чека или да заврши договорот или да се изнајде начин Градот да се ослободи од неа.

Галиите во Вардар се дел од проектот „Скопје 2014“.

Според Студијата за намалување на ризикот од поплави, која ја изготви УНДП заедно со Град Скопје и Центарот за управување со кризи, ако коритото на Вардар не се ослободи од препреките, штетите можат да бидат од 30 до 130 милиони евра.

https://www.vecer.press/галиите-купуваат-време-сe-уште-стојат-в/

Ќе стојат до пред локални избори, кога ќе треба матерјал за да се прават на ТВ глупи перформанси како ќе се кине скалпот на претходниците. Ќе мора некаква ритуална жртва од СК14 да падне, па може неможе триумфална да ја сруши, ама затоа еден брод ќе почне да го руши. Дури и нема цел да го сруши, зашто ќе поминат изборите. И ако се се грди, после тоа уште погрд ќе биде полусрушен.