Мостови (општо)

Точно е, грубо го препокрива препознатливиот поглед од мостот на секоја "разгледаница" од Богомила. Исто како што во Скопје се затскрива камени мост од двете страни со новокомпонованите Ск14 мостови. За ова од архитектонски аспект имаше добар текст на МАРХ Портал https://marh.mk/starite-mostovi-degradirano-nasledstvo-slucaj-bogomila/.

За Богомила најдобро решение ќе беше мост скроз западно од селото и обиколување на селото со нов пат покрај пругата, целосно да се извади регионалниот пат надвор од селото. Зашто во Богомила не е проблем само мостот. Ова е едно од ретките села кај што има рушено чардаци за да се ослободи простор да тераат камионите со дрва што ја пустошат Јакупица.

Поради видливи оштетувања ќе се реконструира мостот на булевар „8 Септември“



– Град Скопје преку Секторот за планирање и уредување на просторот во континуитет ја следи состојбата на мостовите во негова надлежност и од досегашните согледувања од страна на стручни лица, тие се во стабилна состојба, констатираат градските власти. Професорот на Градежниот факултет, Горан Марковски, нагласува дека доколку овие контроли се спроведуваат редовно, последиците ќе бидат помали, а ќе бидат и помали трошоците за евентуални поправки и корекции



На мостот на булеварот „8 Септември“ кај хотелот Александар Палас има видливи оштетувања на мостовската конструкција, поради што градските власти одлучија да се направи санација на овој објект. За таа цел Град Скопје објави тендер за избор на проектант кој ќе направи изработка на Основен проект за реконструкција на мостовската конструкција, а претходно да се направи увид дали има оштетувања на бетонската плоча по која се одвива сообраќајот.

– Со оваа јавна набавка треба да се избере изведувач кој ќе направи основен проект со кои би се опфатиле реконструкција на мостовската конструкција, како и дилатациите на мостот. Дополнително, со основниот проект треба да се изврши и увид на тоа дали има оштетувања и на бетонската конструкција на мостот по која се одвива сообраќајот – потврдуваат градските власти.

Мостот на булеварот „8 Септември“ е во должина од 126 метри, а последна комплетна реконструкција, како што информираат од Градот, е извршена во 2009 година. Оттаму додаваат дека реконструкциите на мостовите и дилетациите се вршат по потреба.

– Град Скопје преку Секторот за планирање и уредување на просторот во континуитет ја следи состојбата на мостовите во негова надлежност и од досегашните согледувања од страна на стручни лица, тие се во стабилна состојба – констатираат градските власти.

Контрола на мостовите се врши во зависност од состојбата и увид на самото место, односно во зависност од потребите на конкретен мост.

– Самото тековно одржување на мостовите (фуги и дилатации) е редовна активност и за тоа има ставки во сите буџети на Град Скопје – тврдат од Градот и потсетуваат дека минатата година е извршена реконструкција на дилетациите на мостот „Гоце Делчев“, во Центар, како и на мостот на реката Серава на Јадранската магистрала кај Момин Поток.

Професорот по предметот Бетонски конструкции и мостови на Градежниот факултет во Скопје, Горан Марковски објаснува дека според стандардите за одржување и контрола на мостовските конструкции, контролите се вршат на период од една до пет години кога се прават подетални истражувања за да се види во каква состојба е мостот.

– Сè зависи од длабочината, односно начинот на кој се врши прегледот. Доколку овие контроли се спроведуваат редовно, последиците ќе бидат помали, а ќе бидат и помали трошоците за евентуални поправки и корекции – додава професорот.

Марковски вели дека на една година се вршат визуелни контроли дали од некаде неконтролирано тече атмосферска вода, се контролираат сливниците, дали оградата има оштетувања, дали има корозија или некои други повидливи оштетувања. На пет години пак, контролата се врши со употреба на инструменти и се утврдува состојбата на бетонот.

Тој додава дека исто како и кај луѓето кои треба да вршат повремени контроли на здравјето, и кај мостовите ваквите контроли се база за живот, односно за нивната трајност.

– Токму затоа средствата потребни за мониторинг на мостовските конструкции и други објекти, и за нивно одржување мора да бидат земени предвид уште при носењето на одлуката за нивно градење – дециден е Марковски.

https://www.vecer.press/поради-видливи-оштетувања-ќе-се-рекон/

Реконструкција на мост на река Пчиња или т.н. Искрин мост, на регионалниот пат Куманово-Свети Николе
Искрин мост може слободно да го ставиме во рубриката „верувале или не“ бидејќи е изграден пред 50 години и оттогаш не е поправан ниту реконструиран и е еден од најдолгите во државата, 335 метри. Сепак, годините си го направиле своето. Токму затоа Јавното претпријатие за државни патишта издвои околу 2 милиони евра за негова санација.
Санација на мост е сложен процес и условно речено „видливите“ работи доаѓаат на крајот. Но, на помалку видливите интензивно се работи. Па така, во тек е зајакнување на средните столбови/џекетирање (проширување на постоечкиот пресек на столбот за д=15 см). Мостот има 8 средни столбови и два крајни. Досега комплетно се санирани 3 средни столба, а на 2 столба се врши санација. Исто така, паралелно се работи и на зајакнување на двата главни челични носачи. На наша голема радост санацијата на мостот се одвива побрзо од предвидената динамика и така ќе продолжи и во наредниот период.
Рокот за завршување на целата интервенција е до јуни 2022 година.







https://www.facebook.com/drzavnipatista

Честитки за граѓаните на Општина Прилеп за новиот мост кој денеска го пуштивме во употреба заедно со Градоначалникот Илија Јовановски







https://www.facebook.com/bochvarskiblagoj/

Јас мислев прво дека е ова некаде од источната страна на Прилеп каде очајно му треба на градот уште еден мост за пристап према населба Типски, касарната и стариот пат за Велес. Уствари мостов е замена за стар постоечки и потесен мост на западниот крај кај железничката меѓу Точила и Сточен Пазар.

МОСТОТ ОБЕДИНЕТИ НАЦИИ Е ЦЕЛ КРПЕНИЦИ, ШИЛЕГОВ ВЕЛИ ЌЕ СЕ САНИРА КОГА ЌЕ СЕ ВОВЕДЕ АВТОБУСКОТО МЕТРО



Мостот Обединети нации кој ги поврзува населбите Влае и Карпош 4 е цел крпеници и потреба му е итна санација. Постојано се отвораат нови дупки не само на коловозот, туку и на пешачката и велосипедската патека. Пред два дена дупките кои зјаеа на асфалтот на коловозот беа закрпени од екипи на ЈП „Улици и патишта“. Оградата на мостот е стара, рѓосана и на некои делови оштетена.

Професорот Горан Марковски од Катедрата за бетонски конструкции и мостови на Градежниот факултет пред две години за САКАМДАКАЖАМ.МК изјави дека мостовите во Скопје не се во таква критична состојба за да стравуваме од поголеми хаварии или нивно ненадејно уривање, но вакви важни инфраструктурни објекти треба да бидат под постојан стручен надзор, подложени на соодветни контроли и перманентна грижа. Марковски посочи дека токму мостот Обединети нации има потреба од поправка и санација поради дотраеност на некои од неговите елементи.

Иако на мостот му е потребна итна реконструкција како што тоа беше направено на мостот Гоце Делчев, тој со години не е чепнат. Град Скопје пред две години во рамките на реконструкцијата на сообраќајниците низ градот го реновираше булеварот Партизански одреди од Влае до Карпош 2. Но, мостот не беше саниран.

Градоначалникот на Скопје Петре Шилегов вели дека за да не се прават двојни трошоци, мостот Обединети нации ќе се реновира кога ќе се воведе новиот јавен превоз во градот или автобуското метро.

„Во Град Скопје во тек е изработка на идејно-сообраќајно решение за ‘Бас рапид транзит‘ кој како коридор ќе го користи и мостот Обединети нации. Тоа подразбира дека откако ќе започнеме со негова реализација, кон крајот на оваа година неминовно ќе биде да се изврши и целосна реконструкција на постојниот мост или изградба на нов мост, што ќе зависи од усвоеното сообраќајно решение како и финансиските средства со кои располага Градот. Во меѓувреме, екипите на Град Скопје вршат постојан надзор и санација на евентуалните оштетени делови. Мостот е под перменентен надзор, а анализите кои ги правиме покажуваат дека е стабилен“, вели Шилегов.

Мостот Обединети нации е со дожина од 98 метри и широчина 13,4 метри. Две ленти од мостот биле изградени уште пред катастрофалниот земјотрес во 1963 година. Сегашната форма ја добил во средината на 1960-те години, кога се градел булеварот Партизански одреди. Официјално мостот е пуштен во употреба во 1967 година.

https://sdk.mk/index.php/dopisna-mrezha/mostot-obedineti-natsii-e-tsel-krpenitsi-shilegov-veli-ke-se-sanira-koga-ke-se-vovede-avtobuskoto-metro/

Се подготвува проектната документација за пешачки мост на Кочанска Река.

Мостот ќе има современ дизајн, челична конструкција со футуристичка линија, ќе биде поплочен со гранитни плочки. Тој ќе биде врска помеѓу Летната сцена на Центарот за култура „Бели мугри“ и источниот влезот на Трговскиот центар.







https://www.facebook.com/opstinakocani

Не е целосно непотребен, овозможува директна врска на трговскиот центар со паркот, без биколење(иако тоа биколење е 100 метра ) ама во ова време дефинитивно не е приоритет. Башка и не ми се допаѓа изгледот многу. Нека ги чуваат овие пари и нека штедат за мостот и кружниот тек подолу, кој дефинитвно е најпотребен моментално во Кочани.

Еве колку време треба да се спојат улица 15ти корпус со населба Ченто, кај Фершпед (поранешен автопазар). 4 дена !!! Барем така се прави тоа со години во нормален свет.

   

Ovoj most go vozev pred 5-6 godini. Slikata bese zastrasuvacka, imav vpecatok kako mostot da e napusten i se raspaganja sam od sebe.